Exodus 3:2 - সান্তালী বাইবেল

² Onḍe Probhu Isorren mitʼṭen goḍet do jạnum jhạuạre jolokʼkan seṅgelre uni ṭhene ńel ocoyena. Mose doe ńelkeda, ona jạnum jhạuạre seṅgel do jolokʼkangea menkhan baṅ lokʼkana.

Exodus 3:2 Referans Kwoze

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Mark 12:26

Menkhan gocʼko jiwetʼ beredokʼ reaṅ Moseyakʼ puthire ol akan jolokʼkan jhạuạ reakʼ katha do cetʼ bape paṛhao akada, Isor do Moseye metadea, ‘ińge Abrahamren Isor,

Dosar Biboron 33:16

prithimi reakʼ bhage bhage jiniskote, ar jolokʼkan jhạuạre okoeye tahẽkan uniyakʼ dayate. Josephakʼ bohokʼre noako ạsirbad baṛe pheḍ hijukʼma; boehako modre okoeye mukhiyạkan uniyakʼ bohokʼre noako bhor baṛe paṛaokʼma.

Luk 20:37

Jolokʼkan jhạuạ reaṅ okare olakan onḍe Moseye sodorakatʼa, gocʼko do sạrigeko jiwetʼ beredokʼa. Onḍe Mose do Probhuge, ‘Abrahamren Isor, Isạhakren Isor, ar Jakobren Isor’ menteye hohoaekana.

Sereńko 66:12

Am do aleakʼ bohokʼ cetante sadomre decʼkate hoṛkom sen ocoakatʼkoa. Seṅgel ar dakʼ talate ale dole hecʼakana, menkhan am do ạsirbad hotetege.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Exodus 3:16

Am do senkate Israelkoren murubbiko jarwakatem metakoa, onkoren hapṛam Abraham, Isahak ar Jakobren Probhu Isorge am ṭhene ńel ocoakana are menakada, ‘ape cetanre’ar Misorre cetʼ hoyokʼkan ona doń ńelakada.

Daniel 3:27

Unre disạm cakʼlaoko ar ạkʼyurko, bibhagren cakʼlaoko ar eṭakʼ sanam usul hudạren kạmiyạko do onko ṭhen hecʼkateko bhiṛkeda. Onko doko ńelkeda seṅgel do onkoakʼ hoṛmo reakʼ jãhãnakʼ cetʼge bae hạ̃n akatʼtakoa, onkoakʼ bohokʼ reakʼ mitʼṭecʼ upʼ hõ baṅ lo akantakoa, kicricʼ hõ baṅ nosṭo akana ar onkoakʼ hoṛmore seṅgel reakʼ so hõ bạnukʼa.

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

2 Thessalonikiko 1:7

ar ape okoe dukpe ńametʼ uni do ale sãoteye aosanpea. Probhu Jisu do tinre acʼren daṛean serma goḍetko sãote jolokʼkan seṅgelre serma khone sodorokʼa unrege noako do hoyokʼa. Okoe Isor bako baḍae akade ar Probhu Jisu reaṅ bhage sombat reakʼ katha bako bataoetʼkan unre uni do onkoe sạjạikoa.

Genesis 21:17

Gidrạwakʼ rakʼ do menkhan Isorakʼ luturre seṭerena. Unre Isorren goḍet do serma khon Hagar hohowadeteye metadea, “E Hagar, amakʼ do cetʼ hoyakana? Alom botorokʼa, ente gidrạ okare menae onḍe khonge uniyakʼ rakʼ do Isorakʼ luturre seṭer akana.

Genesis 22:11

Unre Probhu Isorren goḍet do serma khon uniye hohoadea, “E Abraham, E Abraham!” Abrahame roṛ ruạṛkeda, “Nõkʼõe minạńgea.”

Exodus 19:18

Ona tayom Sinại buru do dhũạte esetʼena, ente Probhu Isor do burure seṅgel tala khone pheḍ hecʼena. Bhaṭa khon cetʼleka dhũạ rakabokʼ ṭhik onkage rakabokʼ ehopʼena goṭa buru do dal dalaoena.

Exodus 23:20

“Okaṭakʼ ṭhạ̃i iń ṭhik dohoakatʼ onḍe idipe lạgitʼ ar horre rukhiyạpe lạgitʼ ape laha lahate iń do mitʼṭen goḍet iń kolekana.

Exodus 24:17

Israelkoakʼ mẽtʼre Probhu Isorakʼ ṭhonok do jolokʼ seṅgel leka buru reakʼ cuṛạre ńelena.

Bikʼcạrko 13:13

Probhu Isorren goḍete roṛ ruạṛkeda, “Amren bạhu okań men akawade ona reakʼ jotowakʼge jemon joton salakʼe manao.