Exodus 3:18 - সান্তালী বাইবেল

¹⁸ “Israelkoren murubbiko do amakʼ kathako ańjomtama. Am ar onko do Misor raj ṭhen senkatepe mena, ‘Ibrikoren Probhu Isor do ale ṭhene ńel ocoakana are menakada. Dayakate sen ocoaleme, jemon ale do hahaṅkar talate pe din reakʼ horle senokʼte aleren Probhu Isor dãṛẽle samaṅ daṛeae.’

Exodus 3:18 Referans Kwoze

Exodus 9:1

Niạ tayom Probhu Isor do Moseye metadea, “Pharao ṭhen senkate menme, Ibrikoren Probhu Isore meneda, ‘iń sewawạń lạgitʼ ińren hoṛko sen ocoakome.

Exodus 7:16

Ar unim metaea, ‘Ibrikoren Probhu Isor do noa katha men lạgitʼ am ṭhene kol akadińạ, uniren hoṛko hahaṅkarre senkate jemon uniko sewa daṛeae onate onko baṛe sen ocoakome. Menkhan ńit hạbicʼ am do uniyakʼ katha bam lutur akawada.

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Exodus 9:13

Unre Probhu Isor do Moseye metadea, “Am do ạḍire beretʼkate Pharao samaṅrem teṅgokʼa, arem metaea, Ibrikoren Probhu Isore meneda, ‘iń sewawạń lạgitʼ ińren hoṛko sen ocoakome,

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

Josuạ 1:17

Cetʼleka ale do Moseyakʼ kathale manao ạguakatʼ, onkage amakʼ hõle manaoa. Amren Probhu Isor do Mose sãote cetʼlekae tahẽkan onkage ape sãote hõ baṛeye tahenma.

Numeri 17:4

Ar ńapamokʼ tạmbu reakʼ goha sinduk samaṅre okare ape sãoteń ńapamokʼ onḍe ona ṭheṅgakom dohoya.

Exodus 30:6

Goha tạmbu ṭhen, metakʼme gohawakʼ cetanre menakʼ daya duṛupʼakʼ ṭhen oka orwal tahen ona samaṅre noa pinḍem dohokakʼa; ar iń do onḍege am sãoteń ńapamokʼa.

Exodus 25:22

Ar iń do goha sinduk reakʼ daya duṛupʼakʼ cetanre Kerubkin talare am sãote ńapamkate Israelko lạgitʼ ińakʼ sanam hukumiń emama.

Exodus 19:1

Misor disạm khon oḍok hecʼen tayom tesar cando Israelko do Sinại hahaṅkarreko seṭerena.

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

Exodus 4:24

Misorte calakʼ hor reakʼ mitʼṭecʼ ḍerare Probhu Isor do Mose goje lạgitʼ uni samna sạmniye hecʼena.

Exodus 3:16

Am do senkate Israelkoren murubbiko jarwakatem metakoa, onkoren hapṛam Abraham, Isahak ar Jakobren Probhu Isorge am ṭhene ńel ocoakana are menakada, ‘ape cetanre’ar Misorre cetʼ hoyokʼkan ona doń ńelakada.

Exodus 3:12

Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Genesis 48:3

Ona tayom Jakob do Josephe metadea, “Sanam daṛean Isor do Kanan disạmre Lus nagrahare iń ṭhene ńel ocoyena are ạsirbad ạdiń tahekana.

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Genesis 12:1

Probhu Isor do Abrame metadea, “Am do amakʼ disạm, ar amren peṛa pạrbhạko ar am apatakʼ oṛakʼ duạr bạgikate iń okaṭakʼ disạmiń udukʼam ona disạmte calakʼme.

Jirimiạ 26:5

ona chaḍa aema dhao ińren golamko, metakʼme nạbiko ape ṭheniń kolletʼkoa menkhan ape do onkoakʼ katha hõ bape ańjomletʼtakoa.

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’

Jesaea 64:5

Okoe do Isorakʼ sana leka kạmi lạgitʼ rạskạko ńametʼkan ar amko disạyetʼmete amakʼ horteko calakʼkan onko goṛowako lạgitʼ am dom hijukʼ kana; menkhan ale dole kại akada ar ḍher din khon inạ dosarege menakʼlete ale cetanre ạḍim raṅgao akana. Enḍekhan cekate bańcao dole ńama?

Exodus 30:36

Noa reakʼ thoṛa hataokate onam gunḍạea ar ńapamokʼ tạmbure goha-paṭa samaṅrem dohoya. Ar iń do onḍe am sãoteń ńapamokʼa. Ar noa dhup do sonot utạrakʼ jinis mentem bujhạua.

Genesis 14:13

Mitʼṭen hoṛ doe dạṛ paskao hecʼente Ibri hoṛ Abram ona khobore lạiyadea. Abram do ona jokhecʼ Amori hoṛ Mamreyakʼ Elon bir ṭhere girobasokʼ kan tahẽkana. Mamre do Eskol ar Anerren boehae tahẽkana. Unkin do Abram sãote gatekʼ reakʼkin bondobos akatʼ tahẽkana.

Exodus 4:1

Menkhan Mose do roṛ ruạṛketʼteye menkeda, “Israelko bako pạtiạuạń ar ińakʼ katha jodi bako ańjomtiń? Onkoko mendaṛeakʼa, ‘Probhu Isor do am ṭhen bae ńel ocoakana.’ ”

Exodus 5:1

Inạ tayom Mose ar Aron do senkate Pharaokin metadea, “Probhu Isor, okoe doe Israelkoren Isor kan, uniye meneda, ‘ińren hoṛko hahaṅkarre iń ńutumte jemon mitʼṭecʼ porobko porob daṛeakʼ onate onko sen ocoakome.’ ”

Exodus 5:3

Unre Mose ar Aronkin menkeda, “Ibrikoren Isor do ạliń ṭhene ńel ocoakana. Onate dayakate sen ocoaleme jemon hahaṅkarre pe din reakʼ horte senkate Probhu Isor ńutumte dãṛẽle samaṅ daṛeakʼ. Ar baṅkhan jãhãn moṛok se lạṛhại hotete uni do ale cetanre sạjạiye kola.”

Exodus 8:1

Ona tayom Probhu Isor do Moseye metadea, “Senkate Pharao noa katham metaea, Probhu Isore meneda, ‘iń sewawạń lạgitʼ ińren hoṛko sen ocoakome.

Exodus 8:20

Inạ tayom Probhu Isor do Moseye metadea, “Ạḍi setakʼre beredokʼme ar Pharao tinre gaḍa ghaṭteye calakʼa unre uni samaṅre teṅgokʼme. Ar unim metaea, Probhu Isore meneda, ‘iń sewawạń lạgitʼ ińren hoṛko sen ocoakome.

Exodus 17:5

Unre Probhu Isor do Moseye metadea, Israelkoren adom murubbiko soṅgekate hoṛko lahate calakʼpe. Ar oka ṭheṅgate nil gaḍa reakʼ dakʼem dalletʼ ona hataokate laha idikʼme.

Exodus 4:23

Ińiń metatʼme tahẽkana ińren pạhilicʼ hopon do sen ocoaeme jemon ińe sewa daṛeạń. Menkhan bam sen ocoadete amren pạhilicʼ hoponiń gojea.’ ”

Exodus 8:23

Ar mitʼṭecʼ bekʼgarakʼ iń dohoya ińren hoṛko ar amren hoṛko talare. Ar gapage noa hahaṛawakʼ do ńelokʼa.’ ”