Exodus 3:17 - সান্তালী বাইবেল

¹⁷ Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Exodus 3:17 Referans Kwoze

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

Josuạ 24:11

“ ‘Ona tayom ape do Jordan gaḍa paromkate Jerikho nagrahatepe hecʼena. Jerikho nagraharen hoṛko ar Amoriko, Pherisiko, Kananiko, Hittiko, Gergasiko, Hiwiko ar Jebusiko do ape upạrteko lạṛhạiyena, menkhan iń do onko sanamko apeakʼ tireń jimạketʼkoa.

Genesis 46:4

Iń do am são sãote Misorteń calakʼa ar khạṭige arhõń ruạṛ ạgumea. Ar gujukʼre Joseph do acʼakʼ tite amakʼ mẽtʼkine hạrubtama.”

Genesis 50:25

Ona tayom Joseph do Israelkoe kiriạ ocoketʼkoteye metatʼkoa, “Isor do khạṭige apeye jotonpea. Nonḍe khonpe calakʼre ińakʼ jaṅko hõ iditoraetińpe.”

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Exodus 13:5

Probhu Isor do tinre Kananrenko, Hittirenko, Amorirenko, Hibiyạrenko ar Jebusirenkoakʼ disạmteye idipea unre ape do noa candorege bochor reakʼ porobpe porobokʼa. Noa kangea ona disạm do one okaṭakʼ Probhu Isor do ape emapea mente aperen hapṛamko ṭhene gokʼletʼ. Onḍe do toa, dumur rasa ar cetʼ jãhãnakʼ reakʼ okulạnge bạnukʼa.

Exodus 32:34

Ańjomme, iń okaṭakʼ jaega reakʼ kathań roṛakatʼ ńitokʼ am do senkate hoṛko onḍe idikom. Ińren goḍet do hore udukʼ idiapea. Ar tinre sạjại reakʼ okte hijukʼa unre onkoń sạjạikoa.”

Exodus 33:3

Onḍe do toa, dumur rasa ar cetʼ jãhãnakʼ reakʼ okulạnge bạnukʼa. Menkhan keṭecʼ hoṭokʼan jạtkantepe iń do ape sãote bạń calakʼa, ariń senlen khan horregeń marao utạrpea.”

Numeri 13:27

Onko do Moseko metadea, “Okaṭakʼ disạmtem kolletʼle ale do onḍele senlena. Ona disạm do sạrige toa, dumur rasa ạtukʼ disạm kana ar eṭakʼ cetʼ jãhãn reakʼ okulạnge bạnukʼa. Noako do onḍenakʼ jo kangea.

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

Dosar Biboron 26:9

Uni do nonḍeye ạguketʼbona ar toa-dumur rasate perecʼ noa disạme ematʼbona.

Josuạ 9:1

Jordan gaḍa pạchim secʼren rajko do noako reakʼ joto kathako ańjomkeda. Onko do usul buru ṭoṭha ar ona latar ṭoṭha disạmkoren ar Lebanon hạbicʼ jalapuri ḍhip aṛete okako disạm tahẽkan onakoren rajgeko tahẽkana. Onko do Hitiko, Amoriko, Kananiko, Pherisiko, Hiwiko ar Jebusikoren rajgeko tahẽkana.

Jirimiạ 32:22

Oka disạmre toa, dumur rasa ar jãhãnakʼ reakʼ okulạnge bạnukʼ ona disạm emako reakʼ katha onkoren hapṛamko ṭhenem gokʼleda ar onam ematʼko tahẽkana.

Levitikus 20:24

Iń doń metatʼpe tahẽkana, onkoakʼ disạm do apeakʼge hoyokʼa. Iń do toa, dumur rasa ạtukʼkan ona disạmge ạidạri menkateń emapea. Iń kangeạń aperen Probhu Isor do. Ińge eṭakʼ sanam jạtrenko khoniń begar dohoakatʼpea.

Josuạ 5:6

Misor khon oḍok hecʼen tayom okoe do lạṛhại lạgitʼ oḍok calakʼ leka umer hoyakan tahẽkan onko sanam ạuriko gujukʼ hạbicʼ Israelko do pongel bochor hahaṅkarre ạcur baṛae hoylentakoa, ente onko do Probhu Isorakʼ katha leka bako senlena. Ar Probhu Isor kiriạkate onkoren hapṛamko ṭhen okaṭakʼ disạm emako lạgitʼe gokʼletʼ ona toa ar dumur rasa ạtukʼkan disạm do bako ńel ńama.

Sereńko 102:21

Onate eṭakʼ jạtren ar rajosṭiko tinre Probhu Isor sewawae lạgitʼ mitʼ ṭhenko jarwakʼa, unre Probhu Isorakʼ ńutum do Sionre porcarokʼa.

Jirimiạ 11:5

Iń do aperen hapṛamko ṭhen nonkan disạm emako lạgitʼ iń kiriạlena one okare do toa, darkha rasa ar cetʼ jãhãnakʼ reakʼ okulạnge bạnukʼ, ar ona gokʼakʼ doń purạugea.’ Ona disạmge teheń do apepe ạidạri akawana.” Ińiń roṛ ruạṛkeda, “Amen, Probhu Isor!”

Jeheskel 20:6

Enhilokʼ onko ṭhen arhoń kiriạlena, Misor disạm khon onkoń oḍok ạgukoa ar onko lạgitʼ okaṭakʼ disạmiń ṭhik dohoakatʼ ona disạmteń idikoa. Onḍe do toa ar dumur rasa ar jãhãnakʼ reakʼ okulạnge bạnukʼa; ona do sanam disạmko khon sorosgea.