Exodus 3:16 - সান্তালী বাইবেল

¹⁶ Am do senkate Israelkoren murubbiko jarwakatem metakoa, onkoren hapṛam Abraham, Isahak ar Jakobren Probhu Isorge am ṭhene ńel ocoakana are menakada, ‘ape cetanre’ar Misorre cetʼ hoyokʼkan ona doń ńelakada.

Exodus 3:16 Referans Kwoze

Sereńko 8:4

Unreń hudisa, manwa doe celekante, uni reakʼem dạndikʼkana? Ar Manwa Hopon baṅe celekan, onate uniyakʼ kom moneyakʼkana?

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

Exodus 4:29

Ona tayom Mose ar Aron do Misorte senkate Israelren sanam murubbikin jarwaketʼkoa.

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

Aposkạmi 15:14

Isor do acʼren hoṛko hoyokʼ lạgitʼ boṅgan hoṛ jạtrenko modkhon thoṛa hoṛ bachaokateye udukʼakada je, boṅgan hoṛ jạtrenko lạgitʼ hõ uni doe dạndikʼ kana. Ar noa kathage Simon Patras do aboe lại akatʼ bona.

1 Patras 5:1

Iń do Mạsiyakʼ duk sasetren goha kạnạń ar Mạsiyakʼ oka ṭhonok sodorokʼ onaren hõ bhạgiyạdar kạnạń. Onate ape modre okoe doko manḍerren maraṅ mukhiyạko kan iń do onkoren ar mitʼṭen maraṅ mukhiyạ lekate noa sikhạunań emako kana.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

Aposkạmi 20:17

Pạul do Miletus khon Ephesuste hoṛ kolkate ona manḍerren murubbikoe hoho ạgu ocoketʼkoa.

Aposkạmi 11:30

Onko do Barnabas ar Sạulakʼ tite Jihudạ manḍerren maraṅ mukhiyạko ṭhen ona goṛoko kolleda.

Luk 19:44

Onko do am ar amre menakʼko sanam hoṛ sapʼkate otreko tawakʼkoa ar amre do dhiri cetan dhiri hõ baṅ tahena, ente Isore hiriletʼme okte do bam baḍae oromlakʼa.”

Luk 1:68

“Israelkoren Probhu Isorakʼ sarhao hoyokʼtaema, ente uni do acʼren hoṛko secʼe beṅgetʼ akada are chaḍao akatʼkoa.

Mathae 26:3

Unre maraṅ naekeko ar Jihudikoren murubbiko do Kaeaphako metae maraṅ naekeakʼ oṛakʼreko jarwa mitʼena, ar Jisu hape hapete sapʼkate goje reakʼ phundiko aṭaokeda.

Rut reakʼ kạhini 1:6

Naomi do Moab disạmre tahẽkanregeye ańjomkeda, Probhu Isor do acʼren hoṛkoe disạ akatʼkoa ar jomakʼ reakʼe bebosta akatʼkoa. Onate uni do acʼren banar kimintetʼ soṅgekate Moab disạm khon ruạṛ hijukʼ lạgitʼe sapṛaoena.

Exodus 13:19

Mose do Josephakʼ jaṅkoe soṅge torakeda, ente Joseph do Israelkoe kiriạ ocoletʼkoa. Uniye metatʼko tahẽkana, “Isor do khạṭigeye ńel todarotpea. Ar nonḍe khonpe oḍok calakʼre ińakʼ jaṅko hõ soṅgete iditorae tińpe.”

Exodus 4:5

Ona tayom Probhu Isore menkeda, “Noam onkaea jemon onkoko pạtiạukʼ, onkoren hapṛam Abraham, Isahak ar Jakobren Probhu Isor do sạrige am ṭhene ńel ocoakana.”

Exodus 2:25

Uni do Israelko secʼe beṅgetʼkeda ar onkoe moneyatʼkoa.

Exodus 24:11

Israelkoren noko mukhiyạko do Isorko ńelkedere hõ bako gocʼlena. Onko do uniko ńelkedea arko jom ńũkeda.

Exodus 18:12

Inạ tayom Jethro do Isor ńutumte jeredokʼ samaṅokʼakʼ ar eṭakʼ dãṛẽko lạgitʼ janwarkoe ạguketʼkoa. Ar ona tayom Aron ar Israelren sanam murubbiko do Isor samaṅre Moseren hońhartetʼ sãote jojomko duṛupʼena.

Exodus 15:14

Ona katha ańjomkate eṭakʼ jạtrenko do botorteko thar tharaokʼa, ar Philisṭiko do monreko dhak dhakaokʼa.

Exodus 3:2

Onḍe Probhu Isorren mitʼṭen goḍet do jạnum jhạuạre jolokʼkan seṅgelre uni ṭhene ńel ocoyena. Mose doe ńelkeda, ona jạnum jhạuạre seṅgel do jolokʼkangea menkhan baṅ lokʼkana.

Genesis 21:1

Probhu Isor do acʼakʼ katha lekage Sarae hirikedea ar uni lạgitʼ okaṭakʼe gokʼakatʼ tahẽkan onae onkakeda.

Genesis 1:7

Nonkate Isor do dakʼ talare mitʼṭecʼ phaelao jaegae sirjạukeda ar cetan ar latar reakʼ dakʼe begarkeda. Onate cetan ar latar reakʼ dakʼ do begarena.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Genesis 48:15

Ona tayom Uni do Joseph bhoradeteye menkeda, “Uni Isor, one ińren hapṛam Abraham ar Isahak do uniyakʼ sanaleka kin calakʼkan tahẽkan, unige ińakʼ jionre pạhil khon teheń hạbicʼ gupiyicʼ lekae ạyur ạguyedeń kana,

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Exodus 4:1

Menkhan Mose do roṛ ruạṛketʼteye menkeda, “Israelko bako pạtiạuạń ar ińakʼ katha jodi bako ańjomtiń? Onkoko mendaṛeakʼa, ‘Probhu Isor do am ṭhen bae ńel ocoakana.’ ”

Exodus 17:5

Unre Probhu Isor do Moseye metadea, Israelkoren adom murubbiko soṅgekate hoṛko lahate calakʼpe. Ar oka ṭheṅgate nil gaḍa reakʼ dakʼem dalletʼ ona hataokate laha idikʼme.

Sereńko 33:18

Menkhan Probhu Isorre okoeyakʼ botor menakʼ, ar uniyakʼ dulạṛre okoe asko dohoyetʼ, onko cetanre uniyakʼ daya do tahẽnkana;

Exodus 1:8

Tayomte Misor disạm reakʼ sanam ektiạri do nonkan mitʼṭen nãwã rajakʼ tire paṛaoena okoe do Joseph reaṅ cetʼge bae baḍaekan tahẽkana.

Sereńko 102:21

Onate eṭakʼ jạtren ar rajosṭiko tinre Probhu Isor sewawae lạgitʼ mitʼ ṭhenko jarwakʼa, unre Probhu Isorakʼ ńutum do Sionre porcarokʼa.