Exodus 3:15 - সান্তালী বাইবেল

¹⁵ Am do arhõm metakoa, onkoren hapṛam Abraham, Isahak ar Jakobren Probhu Isorge onko ṭhene kol akatʼmea. Ińakʼ ńutum do jaejugicʼ Probhuge. Onko do piṛhike piṛhi ińakʼ noa ńutumgeko disạitińạ.

Exodus 3:15 Referans Kwoze

Ibriko 13:8

Jisu Mạsi do hola cetʼlekae tahẽkan, teheń hõ onkage menaea ar jaejug hạbicʼ hõ onkageye tahena.

Malaki 3:6

“Iń kangeạń Probhu Isor do, ińakʼ jãhãn mon bodol do bạnukʼtińạ. Ona iạte E Jakob bõsrenko, ape do bape marao ocokʼa.

Hosea 12:5

Uni kangeae phạdkoren Probhu Isor do; ar Probhu Isor ńutumtege uni do hoṛko disạiyea.

Mikạ 4:5

Jạt jạtrenko do akoren debotakoakʼ daṛeteko kạmiyetʼre hõ abo do jaejug aboren Probhu Isorakʼ daṛete bon kạmi idiyma.

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Sereńko 102:12

Men khan E Probhu Isor, am do jaejug amakʼ siṅghạsonre menama; amakʼ ńutum do piṛhike piṛhi hạbicʼ tahena.

Sereńko 135:13

E Probhu Isor, amakʼ ńutum do jaejug hạbicʼ tahenkana. E Probhu Isor, piṛhi cetan piṛhige amakʼ ńutum disạkʼtama;

Aposkạmi 7:32

‘Iń do amren hapṛamkoren Isor kanạń, Abraham, Isahak ar Jakobren Isorge.’ Unre Mose do botorteye thar tharaoena; ar ńel lạgitʼ dil hõ bae dilleda.

Dosar Biboron 1:11

Aperen hapṛamkoren Probhu Isor do arhõ hajar doboṛe saṅge ocopema ar acʼakʼ gokʼakʼ lekageye bhorape ma.

Exodus 4:5

Ona tayom Probhu Isore menkeda, “Noam onkaea jemon onkoko pạtiạukʼ, onkoren hapṛam Abraham, Isahak ar Jakobren Probhu Isor do sạrige am ṭhene ńel ocoakana.”

Jesaea 63:12

Okoe do Mose goṛowae lạgitʼ acʼakʼ ṭhonokanakʼ daṛeye ematʼko tahẽkan, okoe do acʼakʼ ńutum jaejug hạrjoṅ lạgitʼ onko samaṅre dakʼe bar hạṭiń ocoletʼ,

Sereńko 72:19

Uniyakʼ ṭhonok do jaejug hạbicʼ sarhao hoyokʼtaema; goṭa dhạrti do uniyakʼ ṭhonokte perejokʼ ma. Amen, Amen.

Sereńko 72:17

Uniyakʼ namḍak do jaejug hạbicʼ tahenma; siń cando tinạkʼ din marsale emokʼa unạkʼ din uniyakʼ ńutum tahentae ma. Uni hotete sanam jạtren hoṛ jemon bhorko ńam ma; ar onko do bhạganko metaema.

2 Bõsbudạ 28:9

Probhu Isorren Oded ńutuman mitʼṭen nạbi do Samariạreye tahẽkana. Uni do lạṛhại phạdko tinre Samariạteko ruạṛ hecʼena unre onko sãote ńapamenteye menkeda, “Aperen hapṛamkoren Probhu Isor do Jihudạ upạrteye raṅgaoente onko do apeakʼ tireye jimạketʼkoa. Menkhan raṅgao khạtirte cetʼlekape gocʼketʼko ona katha do serma hạbicʼ seṭer akana.

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Aposkạmi 3:13

Abraham, Isahak ar Jakobren Isor, metakʼme aboren hapṛamkoren Isorge noa kạmi hotete acʼren guti Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Genesis 24:12

Unre uni guti do noa menkate koeyana, “E Probhu, ińren kisạ̃ṛ Abrahamren Isor, teheń noa reakʼ sanamakʼge amakʼ tireń dohokeda ar ińren kisạ̃ṛ Abrahamem emakade reakʼ amakʼ katha baṛe disạime.

Exodus 3:13

Unre Mose do Isore metadea, “Menkhan tinre Israelkoń metakoa onkoren hapṛamkoren Isorge iń doe kolakadińa, unre hoedaṛeakʼa onko do ińko kuliyińạ, ‘cetʼ kana uniyakʼ ńutum do?’ Unre iń do cetʼ iń roṛ ruạṛakoa?”

Exodus 4:1

Menkhan Mose do roṛ ruạṛketʼteye menkeda, “Israelko bako pạtiạuạń ar ińakʼ katha jodi bako ańjomtiń? Onkoko mendaṛeakʼa, ‘Probhu Isor do am ṭhen bae ńel ocoakana.’ ”

Exodus 6:2

Isor do Mose arhõe metadea, “Iń doń Probhu Isor kana.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Exodus 15:3

Uniyakʼ ńutum do Probhu Isorge, uni doe lạṛhại bir kana.

Levitikus 24:11

Unre uni Israel maejiuren hopon do Probhu Isorakʼ ńutume nindạukeda are sarapada. Onate hoṛko do Mose ṭhen uniko idikedea. Uni koṛaren eṅgattetʼakʼ ńutum do Salomot tahẽkana. Uni do Dan bõsren Dibriren hoponerae tahẽkana. Ar Probhu Isor acʼakʼ monsubạ onkore ạuriye pusṭạuako hạbicʼ uni do hajotreko dohokadea.

Sereńko 30:4

E Probhu Isor botorae kanko, ape do uni sereńaepe; ar uni sonottetʼ reakʼ sarhaotaepe;

Kạhtukko 18:10

Probhu Isor do kajak aotan gaṛ kanae; dhoromko onḍeko ńir sen khan rukhiyạko ńama.

Jesaea 26:8

Hẽ, Probhu Isor, ale do amakʼ dhorom hortele taṛametʼkante am koyokʼ horre menakʼlea; aleakʼ khojokʼakʼ do amakʼ kạmi hotete sodorokʼme baṛe.

Jesaea 42:8

“Iń kangeạń Probhu Isor do, ińakʼ ńutum do niạ kangea. Ińakʼ man ar sabasi do eṭakʼ boṅga murhutʼko bạń em ocoakokana.

Jirimiạ 33:2

Probhu Isore menkeda, “Ińakʼ ńutum do Probhu kana, iń doń kạmikana; ar okaṭakʼ iń kạmi ona reakʼ doń goṭa lahayetʼkana ariń kạmi sạtetʼkana. Ińiń meneda,

Daniel 2:23

E ińren hapṛamkoren Isor, amiń sarhaoetʼme kana, ariń õṛhẽyetʼme kana, ente am do ạkil ar daṛeyem em akawạdińa; ale do okaṭakʼ am ṭhen khon baḍae joṅle khojletʼ ona do ińem baḍae ocoakadińạ; rajakʼ kukmũ reaṅ am do alem baḍae ocoakatʼlea.”

1 Bõsbudạ 16:16

Ona bondobos do Abraham lạgitʼe bandhaoleda ar Isạhak ṭhen hõe gokʼletʼa.

1 Bõsbudạ 29:18

E Probhu Isor, aleren hapṛam Abraham, Isahak ar Israelren Isor, amren hoṛkoakʼ ontorre nonkan monsubạ jaejug hạbicʼ dohoyme ar amre onkoakʼ ontor baṛe pạtiạr dohoytakome.

Sereńko 30:5

Ente uniyakʼ edre do ḍher ghạṛicʼ baṅ tahenkana; uniyakʼ dayatege jion do ńamokʼ kana. Ar ńindạge eken rakʼ rakʼte paromokʼ kana, menkhan rạskạ do setakʼrege seṭerokʼ kana.

Sereńko 68:5

Isor do acʼakʼ sonot ṭhạ̃ire ṭũạrkoren baba kanae ar rạnḍiko secʼrenge.

Sereńko 102:13

Am do Sion baṛe mãyãwakʼme ente uni dayawae reakʼ okte hoyakana, ar niṭ akatʼ somoe hõ seṭerakana.

Hosea 12:6

Ńitokʼ do E Jakob bõsren hoṛko, aperen Isor ṭhen ruạṛ hijukʼpe; pạtiạranko hoyokʼpe, dhorom reakʼ bicạrpe ar sanam ghuṛi aperen Isor lạgitʼ koyokʼ horre tahenpe.