Exodus 3:14 - সান্তালী বাইবেল

¹⁴ Isor do Moseye metadea, “Menayicʼ doń iń kangea ‘Iń kangeạń uni do. Am do Israelkom metakoa, ‘Iń kangeạń’ ar ińge onko ṭheniń kol akatʼmea.

Exodus 3:14 Referans Kwoze

Ibriko 13:8

Jisu Mạsi do hola cetʼlekae tahẽkan, teheń hõ onkage menaea ar jaejug hạbicʼ hõ onkageye tahena.

Johan 8:58

Menkhan Jisui metatʼkoa, “Sạrigeń metapekana, iń do Abraham ạuriye janamokʼ khonge minạńạ.” Noa katha ańjomkate mukhiyạko do Jisu tińe lạgitʼ dhiriko halaṅkeda. Menkhan Jisu do apnartetʼe danaṅente mundil khone oḍok calaoena.

Johan sodor 1:8

Probhu Isore meneda, “Ińge Alpha ar Omega, one okoe do menaege, are tahẽkan are hijukʼkan. Ar iń kangeạń sanam daṛeyicʼ do.

Sereńko 90:2

Buru boṭkocʼ ạuri sirjạukʼre, dhạrti ar pirthimi ạuri sirjạukʼre, ona laha khon jaejug hạbicʼ am kangeam Isor do.

Jesaea 44:6

Probhu Isor, okoe do Israelren raj are babańcaoicʼ kan, okoe doe phạdkoren Probhu Isor kan, uni do niạ kathae meneda, “Ińge pạhilicʼ ar Ińge sesicʼ; iń chaḍa ar cele Isorge bạnukʼkoa.

Johan sodor 1:4

Iń Johan do Ạsiạ reakʼ eae goṭecʼ manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniyakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Exodus 6:3

Iń sanam daṛeanicʼ Isorge Abraham, Isahak ar Jakob ṭheniń ńel ocokʼkan tahẽkana, menkhan Probhu Isor lekate okoe kạnạń mente ona do bạń sodoretʼ tahẽkana.

Johan sodor 4:8

Noko ponea jiwiyanko do hoṛo hoṛo turui goṭecʼkate phạ̃kṛạ̃kʼ ar sanam jaegakore mẽtʼkote perecʼ tahẽkantakoa. Onko do siń ńindạ mitʼ kathageko roṛetʼ tahẽkana, “Sanam daṛeanicʼ Probhu Isor, okoe doe tahẽkan, okoe do menaege, okoe doe hijukʼkan uni doe sonot, sonot, sonotgea.”

2 Korinthiko 1:20

uni do jao ghuṛigeye “Hẽ” kana. Isorakʼ sanam gokʼakʼko do Mạsi hotete “Hẽ” hoyakana. Onate Isorakʼ ṭhonok lạgitʼ Mạsi hotete abo do “Amen” bon roṛeda.

Johan 8:28

Onate Jisui metatʼkoa, “Manwa Hopon tinre coṭtepe rakabea unrepe baḍae daṛeakʼa, iń doń uni kangea. Ar noa hõpe bujhạu daṛeakʼa iń do ińte cetʼge bạń kạmikana, bickom Baba okae cetʼ akawạdiń onageń roṛeda.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Sereńko 68:4

Isor lạgitʼ sereńpe, ar uni õṛhẽ sereńaepe; hahaṅkar talate okoe do rãt gạḍire decʼkateye hijukʼkan uni lạgitʼ usul hor tearpe; uniyakʼ ńutum do Probhu Isor, uni samaṅre hulạsokʼpe.

Mathae 18:20

ente okare bar se pe hoṛ iń ńutumteko jarwakʼa, onḍege iń do onko talareń tahena.”

Jobakʼ 11:7

Isorakʼ okoakʼko reakʼ khạndritetʼ do cetʼem baḍae daṛeakʼa? Sanam daṛeanicʼakʼ simạna baṅ tinạkʼ sạṅgiń ona do cetʼ suṭhik katem ńel daṛekea?

Johan 8:24

Onateń metapekana, ape do apeakʼ kạirepe gujukʼa. Ar ińkangeạń mente bape pạtiạukʼkan khan apeakʼ kạiregepe gujukʼa.”

Exodus 3:13

Unre Mose do Isore metadea, “Menkhan tinre Israelkoń metakoa onkoren hapṛamkoren Isorge iń doe kolakadińa, unre hoedaṛeakʼa onko do ińko kuliyińạ, ‘cetʼ kana uniyakʼ ńutum do?’ Unre iń do cetʼ iń roṛ ruạṛakoa?”

Exodus 6:2

Isor do Mose arhõe metadea, “Iń doń Probhu Isor kana.

Exodus 23:21

Ape do uniyakʼ kathape ańjoma ar uniyakʼpe manaotaea. Uni upạrte mon alope haṛhatʼ ocoytapea. Apeakʼ hul do bae ikạitapea, ente iń do unirege minạńa.

Exodus 15:3

Uniyakʼ ńutum do Probhu Isorge, uni doe lạṛhại bir kana.

Jesaea 42:8

“Iń kangeạń Probhu Isor do, ińakʼ ńutum do niạ kangea. Ińakʼ man ar sabasi do eṭakʼ boṅga murhutʼko bạń em ocoakokana.