Exodus 3:13 - সান্তালী বাইবেল

¹³ Unre Mose do Isore metadea, “Menkhan tinre Israelkoń metakoa onkoren hapṛamkoren Isorge iń doe kolakadińa, unre hoedaṛeakʼa onko do ińko kuliyińạ, ‘cetʼ kana uniyakʼ ńutum do?’ Unre iń do cetʼ iń roṛ ruạṛakoa?”

Exodus 3:13 Referans Kwoze

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Mathae 1:21

Ar am do uniyakʼ ńutum Jisum dohoetaea, ente uni do acʼren hoṛko akoakʼ kại khone bańcaokoa.”

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Kạhtukko 30:4

Okoe sermate doe rakapʼakana are pheḍ hecʼakana? Okoe do tire hoeye cuputʼ akada? Okoe apnarakʼ kicricʼre sanam dakʼe jarwa dohoakada? Dhạrti reakʼ simạnako do okoeye bandhao akada? Uniyakʼ ńutum ar uniren hoponakʼ ńutum do cetʼ? Amem baḍae khan lạiyạńme baṛe.

Exodus 3:14

Isor do Moseye metadea, “Menayicʼ doń iń kangea ‘Iń kangeạń uni do. Am do Israelkom metakoa, ‘Iń kangeạń’ ar ińge onko ṭheniń kol akatʼmea.

Genesis 32:29

Jakob do uniye metadea, “Nehõram kạnạń, amakʼ ńutum baṛe lạiyạńme?” Uniye menkeda, “Ińakʼ ńutum do cedakʼem kuliyedińkana?” Ar noa katha menkate uni do Jakobe bhoradea.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Bikʼcạrko 13:17

Onate Manoho do Probhu Isorren goḍete kulikedea, “Amakʼ ńutum do cetʼtam? Ente amakʼ katha purạukʼre ạliń do amliń manotmea.”

Bikʼcạrko 13:6

Unre maejiu do jãwãetetʼ ṭhen senkateye menkeda, “Isorren mitʼṭen hoṛ do iń ṭhene hecʼlena. Isorren goḍet lekage uniyakʼ muṭhạn do tahẽkana ạḍitetʼ botorge. Ar oka khone hecʼena ona do bạń kuli ledea ar uni hõ acʼakʼ ńutum do bae lạiyạdińa.

Exodus 15:3

Uniyakʼ ńutum do Probhu Isorge, uni doe lạṛhại bir kana.

Aposkạmi 3:13

Abraham, Isahak ar Jakobren Isor, metakʼme aboren hapṛamkoren Isorge noa kạmi hotete acʼren guti Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Exodus 3:12

Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Exodus 3:15

Am do arhõm metakoa, onkoren hapṛam Abraham, Isahak ar Jakobren Probhu Isorge onko ṭhene kol akatʼmea. Ińakʼ ńutum do jaejugicʼ Probhuge. Onko do piṛhike piṛhi ińakʼ noa ńutumgeko disạitińạ.

Exodus 7:16

Ar unim metaea, ‘Ibrikoren Probhu Isor do noa katha men lạgitʼ am ṭhene kol akadińạ, uniren hoṛko hahaṅkarre senkate jemon uniko sewa daṛeae onate onko baṛe sen ocoakome. Menkhan ńit hạbicʼ am do uniyakʼ katha bam lutur akawada.

Jesaea 52:6

Onate ińren hoṛko baḍae daṛeakʼ iń doń okoe kana mente; enhilokʼ onko doko baḍae daṛeakʼa iń kangeạń roroṛicʼ; hẽ ińgeń roṛleda.”