Exodus 3:12 - সান্তালী বাইবেল

¹² Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Exodus 3:12 Referans Kwoze

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Dosar Biboron 31:23

Probhu Isor do Nunren hopon Josuạ noae hukumadea, “Daṛeanicʼ hoyokʼme ar monre dil dohoyme. Ente oka disạm emokʼ lạgitʼ iń gokʼletʼ ariń kiriạlen onḍe do amgem idikoa. Ar ińge am sãoteń tahena.”

Genesis 31:3

Unre Probhu Isor do Jakobe metadea, “Am do amren hapṛamkoakʼ disạmren hoṛko ṭhen ruạṛ calakʼme. Iń do am são sãotegeń tahena.”

Exodus 4:15

Ar tinre uni sãote katham roṛa unre unim lạiyaea cetʼ roroṛ hoyokʼtaea mente. Iń do aben bana hoṛge katha roṛ lạgitʼ iń goṛoabena ar cetʼ cekae hoyokʼa ona hõń cetʼabena.

Exodus 4:12

Ńitokʼ do calakʼme. Ińge katha roṛ lạgitʼ iń goṛowama ar okaṭakʼ roroṛ hoyokʼtam ona hõń cetʼama.”

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Aposkạmi 11:21

Isorakʼ ti onko cetanre tahẽkante ạḍi utạr hoṛ do Probhu Isorreko pạtiạuente uni secʼko ạcurena.

Mark 16:20

Ar celako do senkate sanam jaegare porcarko ehopʼena. Ar Probhu Isor do onko talate kạmiye ehopʼena ar hahaṛa kạmi reakʼ daṛeteye pormankeda, onko okako porcaretʼkan ona do sạrikana mente.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Sereńko 86:17

Amakʼ bhạlại reakʼ sana menakʼ ona baṛe sạbudme, jemon iń hirkhạwạńko do ona ńelte lajaoko ńam; ente E Probhu Isor, amge ińem goṛoakadińạ ar jiwi raṛecʼem imạńkana.

Jesaea 37:30

“E Hiskiạ, am lạgitʼ cinhạ do nõkʼõe: nes acʼte oka janamokʼ onape joma, ar kalom ona khon oka janamokʼ onage jompe. Menkhan satom do itạpe era ar phosolpe ira ar darkha bagwan benaokate ona reakʼ jope joma.

Bikʼcạrko 7:11

ar onkom ańjomkoa cetʼko meneda mente. Onate Gideon do acʼren guti Purai soṅgekedete lạṛhại phạdkoakʼ ḍera ṭhene senena.

Bikʼcạrko 6:21

Unre Probhu Isorren goḍetakʼ tire okaṭakʼ ṭheṅga tahẽkan ona reakʼ agalte ona jel ar bin khạmiyanakʼ piṭhạye ṭunḍukeda. Onate dhiri khon seṅgel rakapʼente jel ar piṭhạye atarkeda, Ar Probhu Isorren goḍet doe chanena.

Bikʼcạrko 6:17

Gideone menkeda, “Amakʼ dayań ńamakatʼ khan, jemoniń bujhạu daṛeakʼ, sạrige am do iń sãote katham roṛeda ar onate mitʼṭecʼ cinhạ baṛe imạńme.

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Genesis 15:8

Unre Abrame menkeda, “E Probhu, ińren Isor, iń do cekateń baḍaea, noa disạm do ińakʼ ạidạrire hijukʼa mente?”

Aposkạmi 7:7

Isor do arhõe metadea, ‘okoe onko golam menteko khaṭaoetʼko onko jạtrenko doń sạjạikoa. Ar onko do ona disạm khonko oḍok hijukʼa ar noa jaegare ińko sewawạńạ.’

Exodus 3:1

Mitʼ din Mose do acʼren hońhartetʼ Jethro, metakʼme Ruelren bhiḍi-meromkoe gupiyetʼko tahẽkana. Jethro do Midiankoren mitʼṭen naekeye tahẽkana. Mose do hahaṅkar hanasate bhiḍi-meromko gupi gupite Isorakʼ Horeb buruteye seṭerketʼkoa.

Exodus 3:13

Unre Mose do Isore metadea, “Menkhan tinre Israelkoń metakoa onkoren hapṛamkoren Isorge iń doe kolakadińa, unre hoedaṛeakʼa onko do ińko kuliyińạ, ‘cetʼ kana uniyakʼ ńutum do?’ Unre iń do cetʼ iń roṛ ruạṛakoa?”

Exodus 18:5

Isorakʼ buru ṭhen Mose oka hahaṅkarre tạmbu ṭaṅgaokateye ḍeralen onḍege uniren bạhu ar hoponkin soṅgekate hońhartetʼ Jethro doe seṭerena.

Exodus 33:14

Probhu Isore roṛ ruạṛketʼa, “Ińge am sãoteń calakʼa ar amiń jirạu ocomea.”

Numeri 16:28

Mose do unre Israelkoe metatʼkoa, “Niạtepe bujhạu daṛeakʼa, iń okań cekayetʼ ona lạgitʼge Probhu Isor do nonḍeye kol akadińạ; noa do ińakʼ cetʼge baṅkana.

Numeri 23:21

Uni do Jakobre cetʼ ghạṭge bae ńel akada, ar Israelkoakʼ bhạgre jãhãn dukge bae dohoakada. Onkoren Probhu Isor do onko sãorege menaea, ar onkoren rajakʼ sạhnạs do onko ṭhenge menakʼa.

Bikʼcạrko 6:16

Probhu Isore roṛ ruạṛketʼteye menkeda, “Iń do am sãoteń tahena, ar onate sanam Midiạnrenko do mitʼ hoṛ lekagem haraokoa.”

2 Rapajko 19:29

“E Hiskiạ, am lạgitʼ cinhạ do nõkʼõe: nes acʼte oka janamokʼ onape joma, ar kalom ona khon oka janamokʼ onage jompe. Menkhan satom do itạpe era ar phosolpe ira ar darkha bagwan benaokate ona reakʼ jope joma.

Jirimiạ 1:8

Onko do alom botorakoa, ente iń Probhu Isorge amiń rukhiyạmea ar am sãotegeń tahena.”

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Exodus 8:27

Aleren Probhu Isorakʼ hukum leka ale do hahaṅkar talate pe din reakʼ horte senkate uni ńutumte dãṛẽle samaṅa.”

Bikʼcạrko 6:12

Unre Probhu Isorren goḍet do Gideon ṭhen ńel ocoyenteye metadea, “E daṛean bir, Probhu Isor do am sãore menaea.”

1 Samuel 14:10

Arko metalaṅ khan, ‘ale ṭhen rakapʼ hijukʼ ben,’ enḍekhan laṅ rakapʼ calakʼa. Ar Probhu Isor aboakʼ tireye jimạ akatʼko onage hoyokʼa alaṅ ṭhen uniyakʼ cinhạ do.”

1 Bõsbudạ 9:20

Ona jokhecʼ Eliaserren hopon Pinehas cetanre do rurukhiyạko ńel todarotko reakʼ bhar tahẽkana ar Probhu Isor hõ uni sãoteye tahẽkana.