Exodus 29:4 - সান্তালী বাইবেল

⁴ Ona tayom Aron ar uniren hoponko do ńapamokʼ tạmbu reakʼ duạr ṭhenem idikoa ar dakʼtem ạbuk saphakoa.

Exodus 29:4 Referans Kwoze

Exodus 40:12

“Ona tayom Aron ar uniren hoponkin do ńapamokʼ tạmbu reakʼ duạr samaṅre ạgukate dakʼtekin ạbuk saphakʼa.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Titus lạgitʼ Pạul Apostolakʼ ciṭhi 3:5

Jãhãn bhage kạmi lạgitʼ do bae bańcao akatʼ bona, menkhan dayategeye bańcaoketʼ bona. Sonot Jiu hotete nãwã janamte ar nãwã arokʼte uni do aboakʼ ontore ạrupʼ saphakeda, ar nonkateye bańcaoketʼ bona.

Ephesiko lạgitʼ Pạul Apostolakʼ ciṭhi 5:26

Mạsiyakʼ monsubạ do hoyokʼ kana jemon uni do acʼakʼ kathate dakʼre um saphakate onae sonot jemon acʼge apnar lạgitʼ mitʼṭecʼ ṭhonokanakʼ manḍerre samaṅ daṛeakʼ. Unre manḍerre bin dagan, se bin digdhạ se onkan jãhãnakʼge baṅ tahena, bickom ona do sonot ar niphuṭge hoyokʼa.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Dosar Biboron 23:11

Ar ạyubokʼ dela deli doe ḍạbrạ saphakʼa. Ar siń cando hạsur tayom do ḍerateye bolo daṛeakʼa.

Levitikus 14:8

Ar sapha ocokʼicʼ do acʼakʼ hoṛmo ar bohokʼ reakʼ sanam upʼko ar pạlku upʼkoe hoyo saphaea, ar kicricʼkoe saphaetaea are ḍạbrạ saphakʼa. Ar ona tayom do sapha akane hoyokʼa. Uni do ḍerateye bolo daṛeakʼa menkhan eae din hạbicʼ acʼakʼ tạmbu bahrere tahen hoyokʼtaea.

Exodus 40:28

Ona tayom uni do sekʼwa tạmbu duạr reakʼ orwale ṭaṅgaokeda.

Exodus 26:36

“Tạmbu reakʼ duạr lạgitʼ hõ mitʼṭecʼ orwal benao hoyokʼa. Ona do nil, beguni, ar jeṅgetʼ arakʼ sutạm ar ũńakʼ mĩhĩ musnạ sutạmte noksawakʼge.

Exodus 29:3

Ar mitʼṭecʼ ḍạlicʼre onakom sajaoa ar uni ḍaṅgra ar bheḍakin sãote ḍạlicʼ hõ iń samaṅrem dohoya.

Numeri 8:9

Inạ tayom do ńapamokʼ tạmbu samaṅre Liwikom ạgukoa ar sanam Israel hoponko mitʼ ṭhenem jarwakoa.

Jeheskel 42:14

Naekeko sekʼwa kạmi lạgitʼ okako kicricʼ horokʼkate mundil oṛakʼteko bolokʼ onako do niạ banar dolanreko bocʼ doho oṭokakʼa ar ona tayom do bahre racateko oḍok daṛeakʼa, ente onako do sonot utạrakʼ kicricʼkana. Hoṛkoakʼ jaegate calakʼ lahare onko do eṭakʼ kicricʼ horokʼ lagao akoa.”

Exodus 40:32

Probhu Isor do Mose oka lekae hukumade tahẽkan onkage onko do ńapamokʼ tạmbure bolokʼ lahare se pinḍ ṭhen calakʼ lahare ti jaṅgako ạbukokʼkan tahẽkana.