Exodus 29:1 - সান্তালী বাইবেল

¹ “Naeke lekate jemon ińko sewawạń onate iń ńutumte onkom begar dohokoa. Am do mitʼṭen ḍaṅgra ar barea bheḍam hataokinạ. Onkoakʼ hoṛmore jemon jãhãn khũt alo tahen.

Exodus 29:1 Referans Kwoze

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Exodus 12:5

Uni hopon do merom boda se bhiḍi pal khon bachao akade mitʼ bochorren mitʼṭen bheḍa hoponge. Uniyakʼ hoṛmore jãhãn khũt alo baṛe tahentae ma.

Mathae 6:9

Onate ape do nonka leka koejoṅpe; E aleren sermare menam Baba, amakʼ ńutum sonotokʼ ma.

2 Bõsbudạ 13:9

Ape do Probhu Isorren naekeko, metakʼme Aronren hoponko ar Liwikope laga ńir akatʼkoa ar eṭakʼ eṭakʼ disạmren hoṛko leka apnar lạgitʼ naekepe bahal akatʼkoa. Naeke lekate apnartetʼ begarokʼ lạgitʼ jãhãege mitʼṭen damkom ar eae goṭen bheḍae ạguko unige onko debotakoren naekeye hoedaṛeakʼa.

Levitikus 22:20

Dos menakʼtae nonkan jãhãnicʼge jemon aloe ạguiye, ente onate jãhãn bhạlạiy do baṅ hoyokʼtaea.

Levitikus 16:3

“Ar onḍe bolokʼ lahare jemon nonkae sapṛaokʼ. Uni do kại ńutumte samaṅokʼakʼ lạgitʼ mitʼṭen ḍaṅgra ar jeredokʼ samaṅokʼakʼ lạgitʼ mitʼṭen bheḍae ạguiye.

Levitikus 9:2

Uni do Arone metadea, “Kại ńutumte samaṅokʼakʼ lạgitʼ am do mitʼṭen ạnḍiạ mĩhũ ar jeredokʼ samaṅokʼ lạgitʼ mitʼṭen bheḍam ạguyea ar unkin do Probhu Isor samaṅrem dohokinạ. Unkin do jemon niphuṭ utạrkin hoyokʼ.

Levitikus 6:6

Behok reakʼ juribana lekate uni do amem ṭhik akawade damren mitʼṭen niphuṭ utạricʼ bheḍa do Probhu Isor ńutumte samaṅe lạgitʼ naeke ṭhene ạguiyea.

Levitikus 4:3

“Uni kạkạiyicʼ do ojokʼ bahal ocoakan naekekan khane ar ona iạte sanam hoṛ dusiko hoyokʼ, enḍekhan ona lạgitʼ uni do kại reakʼ puruchun lekate Probhu Isor ṭhen mitʼṭen niphuṭ utạricʼ ḍaṅgra ạguiye hoyokʼtaea.

Exodus 29:21

Ona tayom ojokʼ bahalokʼakʼ thoṛa sunum ar pinḍ khon thoṛa mãyãm hataokate Aron ar uniren hoponkoakʼ kicricʼrem irciya. Onate kicricʼ sudhạ uni ar uniren hopon do iń ńutumteko begar ocokʼa.

Exodus 28:3

Ar okoe gạkhuṛ kạrigolko akel emokʼicʼ jiuteń perecʼ akatʼko, onkom metakoa jemon onko do Aron lạgitʼ kicricʼko benaote naeke lekate iń sewawạń lạgitʼe begar doho ocokʼ.

Exodus 28:41

Amren dadam Aron ar uniren hoponko noam horokʼakote sunumtem ojokʼkoa ar naeke hudạrem bahalkoa. Probhu Isor ńutumte onkom begar dohokoa jemon onko do naeke lekate ińko dewa sewawạń.

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Levitikus 8:1

Inạ tayom Probhu Isor do Moseye galmaraoadea,

Jeheskel 43:23

Pinḍ saphae tayom am do mitʼṭen niphuṭ damkom ar pal khon niphuṭ mitʼṭen bheḍawante Probhu Isor samaṅrem hạjirokʼa; Ar naekeko do uni cetanre buluṅko chiṭiạuaea ar Probhu Isor ńutumte jeredokʼ samaṅokʼ reakʼ porobko hoeocoya.

Exodus 28:1

“Am do Israelko mod khon amren boeha Aron ar uniren hoponko Nadab, Abihu, Eliasar ar Ithamor am ṭhenem hoho ạgukoa. Onko do naeke lekate ińko dewa sewawạńạ.

Levitikus 6:13

Ar pinḍ reakʼ seṅgel do jao okte joltege tahena, ar baṅge ĩṛĩcʼ ocowakʼ hoyokʼa.

Levitikus 7:35

Aron ar uniren hoponko oka hilokʼ khon naeke menkate Probhu Isor sapʼsorae lạgitʼko ojokʼ bahal ocoakan enhilokʼ khonge Probhu Isor ńutumte seṅgelre samaṅicʼ janwarakʼ niạ hĩs do onkoakʼ bakhra menkate ṭhik dohoakana.

Levitikus 14:11

Ar okoeṭakʼ naeke uniyakʼ saphakʼ reakʼe kạmikatae uni do samaṅokʼakʼ lạgitʼe ạguakatʼ uniyakʼ jinisko ńapamokʼ tạmbu reakʼ duạr ṭhen Probhu Isor samaṅreye ạguiya.