Exodus 28:6 - সান্তালী বাইবেল

⁶ “Ephod do sona, nil, beguni ar jeṅgetʼ arakʼ sutạm ar uńakʼ mĩhĩ musnạ sutạmtem benao ocokoa. Noa do mitʼṭen gạkhuṛ kạrigolakʼ ti reakʼ kạmige baṛe hoyokʼma.

Exodus 28:6 Referans Kwoze

Exodus 26:1

“Ńapamokʼ tạmbu do gel goṭecʼ orwal kicricʼtem benaoa. Ona orwalko do ũńakʼ mĩhĩ musnạ sutạmte ar nil, beguni ar jeṅgetʼ arakʼ sutạmte benao hoyokʼa. Ar gạkhuṛ kạrigol hotete onare Kerubkoakʼ chubim dohoya

Exodus 25:4

Nil, beguni ar arakʼ roṅakʼ sutạm ar mĩhĩ musnạ sutạm; merom upʼ;

Exodus 25:7

ephod ar koṛam aḍokʼakʼ cetanre bạisạu lạgitʼ boidorjo mạnik dhiri ar eṭakʼ damanakʼ dhiriko.

Exodus 28:7

Ephod do tarenre tol dohokakʼ lạgitʼ barea phitạ benao ocokate ephod reakʼ banar konacrem tol joṛao ocokoa.

Exodus 29:5

Tayomte ona bises kicricʼkoante Aron do bhitri reakʼ aṅgrop, ephod latarre horokʼ lạgitʼ jeleń aṅgrop, ephod ar koṛam-ḍhalwam horokʼaea. Ar gạkhuṛ tite benaoakʼ ḍanḍa reakʼ ḍombe sãote ephodem tolaea.

Levitikus 8:7

Ona tayom Aron do bhitri reakʼ kicricʼe horokʼadete ḍanḍa totolakʼteye paṭhekedea. Ar ephod latar reakʼ kicricʼ ar ona cetanre ephode horokʼadea ar ephod sãote joṛao mitʼakatʼ ḍanḍa reakʼ ḍombete ephod doe tolkada. Onate ephod do uniyakʼ hoṛmore tahẽyena.

Bikʼcạrko 8:27

Gideon do onako sonate mitʼṭecʼ ephode benao ocoketʼa ar acʼakʼ ato Ophrareye dohokeda. Ar Israelko do onḍe ona ephod sewawakʼko ehopʼena arko laṭghaṭkeda. Gideon ar uniyakʼ gharońjrenko lạgitʼ onage mitʼṭecʼ jhampa leka hoyena.

1 Samuel 23:6

Ahimelekren hopon Abiathar do Dạud ṭhen Kayilateye dạṛketʼ oktere soṅgete maraṅ naekewakʼ ehpod hõe idi daraleda.

1 Samuel 30:7

Unre Dạud do Ahimelekren hopon maraṅ naeke Abiathare metadea, “Iń ṭhen Ephod ạguiyme.” Ar ona ạgu hoyen khan Dạud do Probhu Isore kulikedea, “Iń do cetʼ onko hạhạnkoń khudạukoa? Onko do cetʼ iń sapʼ tiyokʼ daṛeakoa?” Probhu Isore roṛ ruạṛadea, “Hẽ, do khudạukom. Ar khạṭigem sapʼ tiyokʼkoa ar sanamkom bańcao daṛeakoa.”

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.