Exodus 28:4 - সান্তালী বাইবেল

⁴ Uniyakʼ noa kicricʼre jemon koṛam aḍokʼakʼ, ephod, oyon aṅgrop, onol bonol kicricʼ kuṭrạ, dạhṛi ar ḍanḍare paṭheteakʼ tahen. Ar amren dadam Aron ar uniren hoponko hõ jemon naeke lekate ińko sewawạń onate onko lạgitʼ sonot kicricʼkom benao ocoya.

Exodus 28:4 Referans Kwoze

Johan sodor 9:17

Dorsonte sadomko ar onko cetanreko decʼakan onkoakʼ koṛam reakʼ aḍokʼakʼ do seṅgel leka arakʼ, lil ar gondhok leka sasaṅ iń ńelketʼtakoa. Sadomkoakʼ bohokʼ do dhạcri kulakʼ bohokʼ leka ar onkoakʼ moca khon do seṅgel, dhũạ ar gondhok oḍokokʼkan tahẽkana.

Ephesiko lạgitʼ Pạul Apostolakʼ ciṭhi 6:14

Onate sạriyakʼte ḍanḍa paṭhe keṭejokʼte, koṛam rukhiyạ lạgitʼ dhorom jionte koṛam aḍkate,

1 Thessalonikikko 5:8

Menkhan abo do sińren hoṛ kanabon; onate koṛam aḍ lạgitʼ pạtiạu ar dulạṛte koṛam aḍkate ar bohokʼ aḍ lạgitʼ bańcaokʼ reakʼ as bohokʼre horokʼkate delaṅ apnar bon sambṛaokʼma.

Jesaea 59:17

Uni do koṛam aḍtae lạgitʼ dhoromgeye horokʼana ar bohokʼre do babańcaoge. Uni do hala hạli reakʼ kicricʼe horokʼkeda ar edre do kicricʼ leka hoṛmoreye oyowana.

Jesaea 11:5

Dhorom do uniyakʼ ḍanḍa reakʼ totolakʼ hoyokʼtaea ar pạtiạrtetʼ do uniyakʼ totolakʼ pạṭkạge.

2 Samuel 6:14

Dạud do Musnạ reakʼ ephod horokʼkate Probhu Isor samaṅre uniyakʼ sanam daṛete enejokʼe ehopʼena.

1 Samuel 30:7

Unre Dạud do Ahimelekren hopon maraṅ naeke Abiathare metadea, “Iń ṭhen Ephod ạguiyme.” Ar ona ạgu hoyen khan Dạud do Probhu Isore kulikedea, “Iń do cetʼ onko hạhạnkoń khudạukoa? Onko do cetʼ iń sapʼ tiyokʼ daṛeakoa?” Probhu Isore roṛ ruạṛadea, “Hẽ, do khudạukom. Ar khạṭigem sapʼ tiyokʼkoa ar sanamkom bańcao daṛeakoa.”

1 Samuel 23:6

Ahimelekren hopon Abiathar do Dạud ṭhen Kayilateye dạṛketʼ oktere soṅgete maraṅ naekewakʼ ehpod hõe idi daraleda.

1 Samuel 22:18

Unre raj do Doege metadea, “Enḍekhan amge senkate naekeko gocʼkom.” Edomren Doeg do enhilokʼ irạlgel mõṛẽ naekeye gocʼketʼkoa. Unre naekekoakʼ hoṛmore do mĩhĩ musnạ kicricʼ reakʼ ephod tahẽkana.

1 Samuel 2:18

Menkhan huḍiń gidrạ Samuel do mĩhĩ musnạ sutạm reakʼ ephod horokʼkate Probhu Isore sapʼsorae kan tahẽkana.

Exodus 39:28

Onkoakʼ dạhṛi ar bohokʼ reakʼ ṭupri hõ mĩhĩ musnạ sutạmteko benaoekeda ar bhitri reakʼ kicricʼ do uńakʼ mĩhĩ musnạ sutạmteko benaokeda.

Exodus 25:7

ephod ar koṛam aḍokʼakʼ cetanre bạisạu lạgitʼ boidorjo mạnik dhiri ar eṭakʼ damanakʼ dhiriko.

Exodus 29:6

Ona tayom bohokʼ reakʼ dạhṛitem dạhṛiyea ar ona cetanre sona reakʼ sonot mukuṭem horokʼaea.

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.