Exodus 28:3 - সান্তালী বাইবেল

³ Ar okoe gạkhuṛ kạrigolko akel emokʼicʼ jiuteń perecʼ akatʼko, onkom metakoa jemon onko do Aron lạgitʼ kicricʼko benaote naeke lekate iń sewawạń lạgitʼe begar doho ocokʼ.

Exodus 28:3 Referans Kwoze

Ephesiko lạgitʼ Pạul Apostolakʼ ciṭhi 1:17

Ar koejoṅ jokhecʼ apeakʼ katha do bạń hiṛińeda. Iń doń koejoṅ kana jemon aboren Probhu Jisu Mạsiren Isor, metakʼme uni ṭhonokren Baba do jiu reakʼ akel ar bujhạu lạgitʼ daṛeye danape, jemon uni do arhõ bạ̃ṛtipe baḍae daṛeae.

Jesaea 11:2

Ar Probhu Isorren Jiu do uni cetanreye tahena, uni do ạkil ar bujren jiu, solha ar jor reakʼ jiu, bud ar Probhu Isor botorae reakʼ jiuge.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Dosar Biboron 34:9

Nunren hopon Josua cetanre Mose do tiye capoade tahẽkante uni do ạkilte ar Jiuteye perecʼena. Onate Israelko do uniyakʼ katha leka calakʼko ehopʼena ar Probhu Isor Mose hotete okae hukumletʼ ona dokʼhoko ehopʼena.

Kạhtukko 2:6

ente Probhu Isorge ạkil doe emokʼ kana, uniyakʼ moca khonge bud ar ạkil do oḍokokʼ kana.

Exodus 35:35

Probhu Isor do nana parkan ti reakʼ kạmi nil, beguni ar jeṅgetʼ arakʼ sutạm ar mĩhĩ musnạ sutạmte tiń ar galaṅakʼ noksa benao reakʼ ektiạri hõe ematʼkoa. Jemon onko do akoakʼ kusi leka nana parkan nokshako benao daṛeakʼa.

Exodus 35:30

Inạ tayom Mose do Israelkoe metatʼkoa, “Probhu Isor do Jihudạ khũṭren Hur goṛomtetʼ koṛa, metakʼme Uriạ hopon Besalele bachaoana ar acʼakʼ Jiuteye perecʼkedete uni do ạkilte, bidiạte ar sanam lekan kạmi reakʼ daṛeye emadea.

Exodus 35:25

Okoe maejiu do sutạm takoe reakʼ kạmire gạkhuṛko tahẽkan onko do nil, beguni ar arakʼ roṅakʼ sutạm ar mĩhĩ musnạ sutạmte apnarakʼ titeko takoekeda.

Exodus 36:1

“Onate sonot sekʼwa ṭhạ̃i cetʼleka benao hoyokʼa ona bujhạu lạgitʼ Probhu Isor do Besalel, Oholiab ar eṭakʼ kạrigolko hõ bud ar ạkile ematʼkoa jemon onko do Probhu Isorakʼ hukum leka jotowakʼko kạmi daṛeakʼ.”

1 Rapajko 7:14

Uniren eṅgattetʼ do mitʼṭecʼ rạnḍi maejiu ar Naphtali gusṭiren hoponerae tahẽkana. Uniren apattetʼ do Turren hoṛe tahẽkana. Ar Hiram do pitạl kạrigole tahẽkana. Hiram do pitạl reakʼ sanam lekan kạmikoe baḍaekan tahẽkana ar ona kạmire uni do ạḍi gạkhuṛ kạrigole tahẽkana. Uni do Solomon raj ṭhene hecʼena ar okako kạmiye emocoyen onakoe kạmikeda.

Exodus 35:10

“Ape talaren gạkhuṛ kạrigolko hecʼkate Probhu Isor okae hukumakatʼ onako benaoma.

Exodus 36:2

Mose do noa sanamakʼ kạmi lạgitʼ Besalel ar Oholiab tạkine hohoatʼkinạ ar ona chaḍa nonkan gạkhuṛ kạrigolko hõe hohowatʼkoa okoe do Probhu Isor khon daṛeko ńamakatʼ ar monre uskur menakʼtako.