Exodus 28:21 - সান্তালী বাইবেল

²¹ Israelren gelbar goṭen hoponko lạgitʼ jotote gelbar goṭecʼ mạnik dhiriko tahena. Ar ona reakʼ mimitʼ goṭecʼre gelbar khũṭren mitʼṭecʼkate ńutum do rokʼ caṛhao hoyokʼa, mohor chapakʼ lekage.

Exodus 28:21 Referans Kwoze

Johan sodor 21:12

Ona nagraha reakʼ mitʼṭecʼ maraṅ ar usul pạcri tahẽkana ar onare gelbar goṭecʼ duạr tahẽkana, ona duạrkore do gelbar goṭen serma goḍetko tahẽkana. Ar Israel jạtren gelbar bõsrenkoakʼ ńutum do ona duạrre ol tahẽkana.

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chirchạtur akan Jihudikoren gelbar bõsrenko johariń emakokana.

Luk 22:30

Onate ińakʼ rajre ape do iń tulucʼpe jom ńũiya ar siṅghạsonre duṛupʼkate Israelren gel bar khũṭrenkoakʼpe bicạrtakoa.

1 Rapajko 18:31

Uni do Jakobren hoponkoakʼ mimitʼ gusṭi lạgitʼ mimitʼ goṭecʼkate gel bar goṭecʼ dhiriye hataoana. Nui Jakobge Probhu Isore metade tahẽkana, “Amakʼ ńutum do hoyokʼa Israel.”

Exodus 28:11

Kạrigolko damanakʼ dhirire cetʼlekako rokʼ caṛhao arko mohor chapakʼ ṭhik onkage onakin dhiri cetanre Israelren hoponkoakʼ ńutumem rokʼ caṛhao ocoytakoa. Banar boidorjomoni dhirige sona reakʼ jhạńjri cetanre bạisạukate taren reakʼ phitạ sãotem tol doho ocokoa. Noa banar dhiri do Probhu Isor samaṅre Israelkoe udukʼkoa. Ar Probhu Isor jemon onko secʼe beṅged onate Aron do Probhu Isor samaṅre noa ńutumko acʼakʼ banar taren cetanreye ladekakʼa.

Exodus 28:20

ar ponakʼ sạrre do gomedok, boidurjo ar surjokanto moni. Ar mạnik dhiriko do galaṅ paṭetʼ akatʼ sona cetanrege bạisạu dohoy hoyokʼa.

Exodus 28:22

“Noa koṛam aḍokʼakʼ lạgitʼ khạṭi sona do baber leka uńkate barea sikṛim benao ocoya.

Exodus 24:4

Ar Mose do Probhu Isor okako kathae menletʼ onako jotowakʼe ol dohokeda. Dosar hilokʼ Mose do ạḍi setakʼre buru latarre mitʼṭecʼ pinḍe benaokeda ar Israelkoren gelbar khũṭ reakʼ katha disạkate gelbar goṭecʼ khunṭiye benaokeda.

Jobakʼ 19:24

Dhiri reakʼ paṭare mẽṛhẽtʼ ar sisạte jaejug lạgitʼ ona do rokʼ doholen khan!

Sakariạ 9:16

Enhilokʼ onkoren Probhu Isor do bhiḍi palko leka acʼren hoṛkoe bańcaokoa. Onko do uniyakʼ disạmre mukuṭ reakʼ hirạ-mạnik lekako jhak jhakaokʼa.