Exodus 28:2 - সান্তালী বাইবেল

² Manot ar sajaokʼ lạgitʼ am do amren dadam Aron lạgitʼ sonot kicricʼem benao ocoaea.

Exodus 28:2 Referans Kwoze

Levitikus 8:30

Ona tayom Mose do thoṛa ojokʼ bahalokʼ reakʼ sunum ar pinḍ khon thoṛa mãyãm hataokate Aron ar uniren hoponko ar onkoakʼ kicricʼko cetanreye ircikeda. Nonkate Aron ar uniren hoponko ar onkoakʼ kicricʼko Probhu Isor ńutumteye begarkeda.

Johan sodor 19:8

Uni do jhalkaokʼkan, sapha ar mĩhĩ musnạ kicricʼ bandekʼ lạgitʼ emakawadea. Ona kicricʼ do Isorren hoṛkoakʼ dhorom kạmiko kana.”

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Jobakʼ 40:10

Enḍekhan ńitokʼ do ṭhosok ar mante sajokʼme, mạhima ar ṭhonok horokʼ joṅme.

Exodus 28:40

“Manot ar sajaokʼ lekate am do Aronren hoponko hõ kicricʼko, ḍanḍa totolakʼko ar bohokʼ reakʼ dạṛhim benao ocoakoa.

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uniy okalekanicʼ kan, ona muṭhạntege bon ńelea.

2 Patras 1:17

“Nuige ińren dulạṛiạ Hopon, one unireń kusi akan,” Serma khon roṛlen noa kathate Mạsi do Isor Baba ṭhen khon man ar ṭhonoke ńamleda.

Ibriko 2:9

menkhan abo do Jisu bon ńelńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.

Galathiko lạgitʼ Pạul Apostolakʼ ciṭhi 3:27

Ente tinạkʼ hoṛ Mạsirepe bạptis akan, ape do kicricʼ leka Mạsipe horokʼ akawana.

Romiko lạgitʼ Pạul Apostolakʼ ciṭhi 13:14

Ape do kicricʼ leka Probhu Jisu Mạsi horokʼjoṅpe; ar jel reakʼ sana purạu lạgitʼ do alope moneyakʼa.

Romiko lạgitʼ Pạul Apostolakʼ ciṭhi 3:22

Okoe Jisu Mạsireko pạtiạukʼkan onkoakʼ ona biswạs hotetege Isor do dhorom mente onkoe ataṅkoa. Jihudi ar boṅgan hoṛ jạtrenko sanamgeko somangea,

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jesaea 4:2

Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Sereńko 132:16

Iń do Sionren naekeko bańcaokʼ reakʼ kicricʼ iń horokʼakoa; onḍe ińko botorạńkan hoṛ do ãṭ aṛaṅteko sereńa.

Sereńko 132:9

Amren naekeko do dhorom reakʼ kicricʼko horogma, ar am botoram kanko do rạskạteko sereńma.

Sereńko 96:6

Man ar mạhima do uni samaṅre; uniyakʼ oṛakʼre do daṛe ar ṭhonokge menakʼa.

Exodus 40:13

Ar Aron do sonot kicricʼem horokʼaea arem ojokʼ bahalea ar iń ńutumtem begar dohoyea jemon naeke lekate ińakʼ sapʼ dapʼ kạmiye kạmi daṛeakʼa.

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Exodus 29:28

Nonkate Israelkoakʼ samaṅokʼakʼ sulukren sanam samaṅokʼakʼ niạko hĩs do jaoge Aron ar uniren hoponko em ocokʼa. Niạ hĩskoge Probhu Isor ńutumte Israelkoakʼ sandes do hoyokʼa.