Exodus 27:9 - সান্তালী বাইবেল

⁹ “Goha tạmbu reakʼ beṛhate mitʼṭecʼ raca tahena. Noa reakʼ dạkhin secʼ do mitʼsae moka tahena. Ar uńatʼ mĩhĩ musnạ kicricʼ reakʼ orwal tahena.

Exodus 27:9 Referans Kwoze

Jeheskel 42:3

Noa dolan do tahẽkana bhitri raca reakʼ bargel moka ona phaelao jaega ar bahre racare tol akatʼ jaega talare. Dolan do pe mahla tahẽkana ar mimitʼ mahla reakʼ kandhako samaṅte taṛam reakʼ hor hõ tahẽkana.

Jeheskel 40:44

Bhitri raca talare phaṭok duạr aṛere sekʼreńko lạgitʼ pe secʼ jhicʼge kandha tahẽkana; barea do utạr phaṭok aṛere dạkhin duạr ar mitʼṭecʼ do purub phaṭok aṛere utạr duạr.

Jeheskel 40:32

Ona tayom uni do bhitri raca reakʼ purub secʼe ạgukedińa ar onḍenakʼ phaṭok duạre jokhakeda; ona reakʼ jokha hõ eṭakʼakʼko lekage tahẽkana.

Jeheskel 40:28

Ona tayom uni do bhitri raca reakʼ dạkhin duạr talate bhitri racateye idikedińa ar phaṭok duạre jokhakeda; onako do eṭakʼakʼko leka inạ mitʼ jokhage hoyena.

Jeheskel 40:23

Bhitri raca reakʼ purub duạr lekage ona utạr reakʼ duạr hõ tahẽkana. Uni do bahre raca reakʼ phaṭok duạr khon bhitri raca reakʼ phaṭok duạr hạbicʼe jokhakeda; ona do mitʼsae moka tahẽkana.

Jeheskel 40:20

Ona tayom uni do bahre raca reakʼ utạr secʼ samaṅ akan phaṭok duạr reakʼ jeleńtetʼ ar osartetʼe jokhakeda.

Jeheskel 40:14

Ar phaṭok duạr kham khunṭikin reakʼ usultetʼ do turui gel moka kateye jokhakeda. Kham khunṭikin khonge phaṭok duạr reakʼ raca do ehopʼakana.

Sereńko 116:19

E Jerusalem, amrege Probhu Isorakʼ bakher racare onań purạua. Probhu Isorakʼge sarhao hoyokʼtae ma.

Sereńko 100:4

Uni sarhao sereńaete uniyakʼ duạrte bolokʼpe, ar uni gun manao joharae tulucʼ uniyakʼ racate bolokʼpe; uni sarhaoepe, ar gun manao joharaepe.

Sereńko 92:13

Aboren Probhu Isorakʼ oṛakʼre okoeko rohoe ocoakan onko do uniyakʼ racareko hara rakabokʼa.

Sereńko 84:10

Eṭakʼ jaegare hajar din khemao khon amakʼ oṛakʼ reakʼ racare mitʼṭecʼ din khemaoge ḍher bhagea; bạṛicʼ hoṛkoakʼ tạmbure ḍerakʼ khon bickom ińren Isorakʼ duạr ṭhen teṅgo tahenge ḍher bhagea.

2 Bõsbudạ 33:5

Probhu Isorakʼ oṛakʼ reakʼ banar racarege uni do sermaren ipilko ńutumte adomakʼ pinḍkoe benaokeda.

1 Rapajko 8:64

Ar Solomon do enhilokʼge Probhu Isorakʼ oṛakʼ reakʼ samaṅ senakʼ raca reakʼ tala hĩs do Probhu Isor ńutumteye begar dohokeda ar onḍe uni do jeredokʼ samaṅokʼakʼ reakʼ porobe porobena ar sulukren samaṅokʼakʼ reakʼ itile samaṅkeda, ente pitạl reakʼ okaṭakʼ pinḍe benaoletʼ tahẽkan ona do jeredokʼ samaṅokʼakʼ ar anaj samaṅokʼakʼ ar itil samaṅokʼakʼ lạgitʼ do huḍińge tahẽkana.

1 Rapajko 6:36

Ar napaete la-getʼakatʼ pe sạr reakʼ dhiri ar debdạru dare reakʼ mitʼ sạr reakʼ moṭa kaṭte do bhitri raca reakʼ beṛhaeteakʼ bhitkoe benaokeda.

Exodus 40:8

Ona tayom bakher raca reakʼ beṛhaete orwaltem eseda ar ona reakʼ duạrre hõ orwalem lagaoa.

Exodus 39:40

bakher raca reakʼ khunṭiko, onako reakʼ ganḍoko ar ona reakʼ orwal ar bakher racate bolokʼ reakʼ orwal; bakher raca orwal reakʼ gońj ar baberko; sekʼwa tạmbu, metakʼme ńapamokʼ tạmbu reakʼ joto lekan sorońjamko;

Exodus 36:17

Pạhilakʼ maraṅ orwal kicricʼ reakʼ osar secʼ reakʼ dhạrire mõṛẽgel goṭecʼ gạliko benaoada, ar dosarakʼ maraṅ orwal kicricʼre hõ ṭhik onkage gạliko benaoada.

Exodus 27:10

Ona orwal ṭaṅgao lạgitʼ bargel goṭecʼ khunṭikom dohoya. Ar khunṭiko latarre do pitạl reakʼ ganḍoko tahena, ar khunṭi sãote rupạ reakʼ bạkupʼakʼ ar totolakʼ hõm benao ocoya.

Exodus 35:17

khunṭiko ar ona reakʼ ganḍoko, bakher raca reakʼ orwalko ar bakher raca duạr lạgitʼ ekʼsetʼ orwalko;

Exodus 40:33

Pinḍ ar sekʼwa tạmbu beṛhaete uni do orwale ṭaṅgaokeda ar racae benaokeda ar duạr reakʼ orwale emada. Nonkate Mose do acʼakʼ kạmiye sạtkeda.

Numeri 3:26

bahre raca reakʼ orwal, sekʼwa tạmbu ar pinḍ beṛhaeteakʼ bakher raca duạr reakʼ orwal, ar ona reakʼ baberko ar onako sãoteakʼ eṭakʼ sanam kạmiko.

Numeri 4:26

Ona chaḍa sekʼwa tạmbu ar pinḍ beṛhaeteakʼ bakher raca reakʼ orwal, ar bakher racate bolokʼ duạr reakʼ orwalko, sekʼwa tạmbu reakʼ barahiko ar noako kạmire jạruṛokʼakʼ sanam jinisko gokʼ idiya. Ar nonkanakʼ tinạkʼ kạmi menakʼ ona jotoge Gersonren hoponko kạmi hoyokʼtakoa.

Numeri 4:32

Ona chaḍa, beṛhaetaeakʼ bakher raca reakʼ sanam ganḍoko ar khunṭiko, tạmbu reakʼ gońjko, bakher raca reakʼ orwal reakʼ barahiko ar onako reakʼ sanam asbabko ar onako kạmire jạruṛokʼakʼ sanam jinisko gokʼ idi hoyokʼtakoa. Ar okoe okaṭakʼko goga onape ṭhik akoa.

2 Bõsbudạ 4:9

Uni do naekeko lạgitʼ mitʼṭecʼ racae sapṛaokeda; ar ona tayom do ar mitʼṭecʼ maraṅ racae benao ocoketʼte ona lạgitʼ silpińkoe benao ocokeda ar ona silpińko do pitạlteye tol ocokeda.

Jeheskel 40:17

Ona tayom uni do bahre bakher racateye idikedińa. Raca reakʼ sanam secʼ do jotote pegel kandhań ńelkeda ar onako do jotoge mitʼ secʼ khạli tahẽkana; onako samaṅre do mitʼṭecʼ dhiri bạisạuakʼ ṭhạ̃i tahẽkana.