Exodus 27:5 - সান্তালী বাইবেল

⁵ Pinḍ beṛhaete oḍok akan kaṅkha latarre noa jhạńjri dom dohoya. Ona do pinḍ latar khon cetan secʼ adha ạdhi jaegare tahena.

Exodus 27:5 Referans Kwoze

Exodus 38:4

Pinḍ lạgitʼ pitạl reakʼ mitʼṭecʼ jhạńjriye benaokeda. Ar kaṅkha latar secʼre ona doe dohokada. Onate jhạńri do pinḍ latar ar cetan ona adha ạdhire tahẽyena.

Exodus 27:4

Pitạl reakʼ mitʼṭecʼ jhạ̃ńjri, metakʼme cala lekam benaoa. Ona reakʼ ponon konare ponea rupạ reakʼ kạṛim lagaoa ocoya.

Exodus 27:6

Pinḍ lạgitʼ gabla kaṭte barea ḍaṅem benao ocoya ar onakin do pitạltem tol ocoya.

Jeheskel 43:14

Ar pinḍ reakʼ usul do nonka tahena; otre ona reakʼ pheḍtetʼ khon latarakʼ khap hạbicʼ bar moka, ar osartetʼ do mitʼ moka tahena; hoponakʼ khap khon maraṅakʼ khap hạbicʼ, pon moka ar osartetʼ do mitʼ moka: