Exodus 27:3 - সান্তালী বাইবেল

³ Pinḍ reakʼ torocʼ giḍikakʼ lạgitʼ jinis ar kạ̃ṛchuko, samaṅakʼ mãyãm dohoy lạgitʼ bạṭi, jel rakab lạgitʼ kãṭãko ar seṅgel dohoy lạgitʼ celaṅko jotoge pitạl reakʼem tear ocoya.

Exodus 27:3 Referans Kwoze

1 Rapajko 7:45

torocʼ karaheko, kạ̃ṛchuko ar bạṭiko. Hirạm do Solomon rajakʼ hukumte Probhu Isorakʼ oṛakʼ lạgitʼ okako jiniskoe benaoletʼ ona do jhak jhak pitạl reakʼ tahẽkana.

2 Bõsbudạ 4:16

karaheko, kạ̃ṛchuko ar jel rakapʼakʼ kạ̃ṛchuko hõ tahẽkana. Hirạm do Solomon rajakʼ hukumte Probhu Isorakʼ oṛakʼ lạgitʼ okako jiniskoe benaoletʼ ona do jhak jhak pitạl reakʼ tahẽkana.

2 Bõsbudạ 4:11

Ona chaḍa Hirạm do eṭakʼ eṭakʼ bhajanko, bạṭiko ar kạ̃ṛchukoe benaokeda. Nonkate uni do Isorakʼ oṛakʼ lạgitʼ Solomon raj hotete okako kạmiye ehopʼletʼ onae sạtkeda. Onako do hoyokʼkana:

1 Bõsbudạ 28:17

Jel rakab reakʼ kaṭa kạ̃ṛchuko, samaṅokʼakʼ mãyãm dohoy reakʼ bạṭiko ar kanḍa ar dhudhup pinḍ lạgitʼ tinạkʼ khạṭi sona lagaoakʼ ar mitʼke mitʼ sona ar rupạ reakʼ bhajan lạgitʼ tinạkʼ sona ar rupạ lagaokʼa onae hukumadea. Ona chaḍa, Probhu Isorakʼ bondobos sinduk dapal lạgitʼ okoe sonaren Kerubkinakʼ phạ̃kṛạ̃kʼ kin laplapa akae tahen unkin lạgitʼ tinạkʼ khạṭi sona lagaokʼa ona hõe baḍae ocokedea.

2 Rapajko 25:15

Ar seṅgel dohoy lạgitʼ ḍhaknako, bạṭiko ar sona-rupạ reakʼ eṭakʼ sanamakʼ jinisko hõ rajren rurukhiyạ dolren subedar doe idikeda.

1 Rapajko 7:40

Ona chaḍa uni do eṭakʼ eṭakʼ bhajanko, bạṭiko ar kạ̃ṛchuko hõe benaokeda. Nonkate Hiram do Probhu Isorakʼ oṛakʼ lạgitʼ Solomon raj hotete okako kạmiye ehopʼletʼ onae sạtkeda. Onako do hoyokʼkana:

Numeri 4:14

Ona tayom onko do ona cetanre sekʼwa kạmi reakʼ sanam thạriko, bạṭiko, kạ̃ṛchuko, ḍhạknicʼko, jel rakapʼ kaṭa kạ̃ṛchũko ar mãyãm irciyakʼ bạṭiko ar pinḍ reakʼ sanam asbabko dohoya. Onko do ona cetanre takhas (susuk) hartako aṭetʼakʼa ar ona reakʼ ḍaṅkin do ṭhik jaegareko gutukakʼa.

Levitikus 16:12

Ar Probhu Isor samaṅre okaṭakʼ pinḍ menakʼ ona khon jolokʼkan aṅgra seṅgel hataokate mitʼṭecʼ ḍhạknicʼreye dohoya ar gunḍạ akatʼ bar cuputʼ dhupe hataoa. Ar orwal reakʼ bhitri secʼe adera.

Exodus 38:3

Ar pinḍ reakʼ jotowakʼ asbabko, metakʼme ṭukucʼko, kạ̃ṛchuko, chichiṭiạu lạgitʼ bạṭi, jel rakab lạgitʼ kãṭãko, bursiko noako jotoge pitạl reakʼe benaokeda.

Exodus 24:6

Mose do samaṅ akatʼkoakʼ mãyãm khon adha hataokate bhajanreye dohokeda ar adha do ona pinḍ cetanreye chiṭiạukeda.

Exodus 27:2

Pinḍ benao jokhecʼ ona ponon konacre ponea dereńem benao ocoya. Onate dereń sudhạ pinḍ reakʼ mitʼṭecʼ jinisge hoyokʼa. Ar pinḍ do pitạltem tol ocoya.

Exodus 27:4

Pitạl reakʼ mitʼṭecʼ jhạ̃ńjri, metakʼme cala lekam benaoa. Ona reakʼ ponon konare ponea rupạ reakʼ kạṛim lagaoa ocoya.

1 Rapajko 7:50

khạṭi sona reakʼ bạṭiko, sultạ saphae reakʼ cimṭạko, bạṭiko, kạ̃ṛchuko ar seṅgel aṅgra dohoy reakʼ celaṅko ar bhitri kandha reakʼ, metakʼme sonot utạrakʼ duạr lạgitʼ ar mundil oṛakʼ reakʼ maraṅ kandha reakʼ duạr lạgitʼ sona reakʼ kobjako.

2 Rapajko 25:14

Ona chaḍa onko do sanam ṭukucʼko, kạ̃ṛchũko, sultạ saphae reakʼ cimṭạko, belcako ar koejoṅ oṛakʼ reakʼ sekʼwa kạmi lạgitʼ eṭakʼ sanam pitạl reakʼ jiniskoko idikeda.

Exodus 27:19

Sekʼwa tạmbure okako jinis beoharokʼa, ona do jotoge pitạltem benao ocoya. Ar raca reakʼ orwalko reakʼ khunṭiko hõ rupạ reakʼ hoyokʼa.