Exodus 27:21 - সান্তালী বাইবেল

²¹ Noa ńapamokʼ reakʼ tạmbu samaṅre oka orwal tahen ona orwal bahrere Aron ar uniren hoponko do ạyupʼ khon setakʼ hạbicʼ Probhu Isor samaṅre diuheko ńel todarota. Ar Israelko do piṛhike piṛhi niạ niạmko panjaya.

Exodus 27:21 Referans Kwoze

Numeri 19:21

Israelko lạgitʼ noa do mitʼṭecʼ tahẽ utạrakʼ niạmge hoyokʼa. “Okoe hoṛ noa saphakʼ reakʼ dakʼe irciy uni hõ acʼakʼ kicricʼkoe saphaetaea. Ar jãhãege noa saphakʼ reakʼ dakʼe joṭed enḍekhan uni do ạyupʼ hạbicʼ besapha akane tahena.

Numeri 18:23

Liwikoge ńapamokʼ tạmbu reakʼ kạmiko kạmiya ar ona reakʼ behokakʼ lạgitʼ onkoge dạyiko tahena. Piṛhike piṛhi niạ niạmge tahena. Eṭakʼ Israelko talare Liwiko do sompotti reakʼ ạidạri bako ńama.

2 Bõsbudạ 13:11

Onko do dinạm hilokʼ setakʼ ar ạyupʼ jokhecʼ Probhu Isor ńutumte jeredokʼ samaṅokʼakʼko samaṅeda ar jut so dhupko jeretʼeda. Onko do saphawakʼ ṭebilre dohoakan samaṅakʼ piṭhạko sajao dohokakʼ kana ar din hilokʼ ạyupʼ jokhecʼ sona reakʼ diuhe dohowakʼre diuheko jeretʼeda. Ale do aleren Probhu Isorakʼ hukum lekatele kạmikana, menkhan ape do unipe bạgi giḍiakadea.

1 Samuel 3:3

Ar Isor ńutumte okaṭakʼ diuhe jeretʼ tahẽkan ona do un hạbicʼ hõ baṅ ĩṛĩcʼ akan tahẽkana. Unre Samuel do Probhu Isorakʼ oṛakʼreye giticʼ akan tahẽkana. Ona oṛakʼre Isorakʼ goha sinduk tahẽkana.

Levitikus 16:34

“Noa do ape lạgitʼ mitʼṭecʼ niạm kana. Uni do Israelkoakʼ sanam kại reakʼ puruchun lạgitʼ bochorre mitʼ dhao kạmi hoyokʼtaea.” Ar Mose do Probhu Isore hukum akawade leka jotowakʼgeye kạmikeda.

Levitikus 3:17

Jãhãregepe girobasokʼ ape do itil ar mãyãm do alope joma. Ar noage piṛhike piṛhi ape lạgitʼ niạm do tahẽyena. ”

Exodus 30:8

Ar ńuhumokʼ jokhecʼ diuhe jol oktere uni do arhõ ona dhupe jereda. Onate aperen bõsko do piṛhike piṛhi Probhu Isor samaṅre jaoge dhup jered hoyokʼtakoa.

2 Patras 1:19

Sostorre nạbiko okakoko menakatʼ ona do ale ṭhen sạrikana mente sạbud akana. Ńutre apeakʼ mẽtʼ do cetʼleka diuhe secʼ tahenkan onkage, tin hạbicʼ baṅ setagokʼ ar apeakʼ ontorre bhurkạ ipil bae rakabokʼ, unhạbicʼ nạbikoakʼ kathape luturakʼ khan ape dope bhagekea.

Johan 5:35

Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniyakʼ ona marsalre hulạsokʼpe kusilena.

1 Samuel 30:25

Enhilokʼ khon Dạud do Israelko lạgitʼ ona lekage niạme ṭhikkeda ar teheń hạbicʼ hõ ona do onkage menakʼa.

Exodus 28:43

Aron ar uniren hoponko tinre ńapamokʼ tạmbureko bolokʼa se sonot ṭhạ̃i reakʼ pinḍre sewa kạmi lạgitʼko laha idikʼa unre onko do noa kạṭicʼ penko horoga. Nonkate onko do bin dusạnko tahena ar bako gujukʼa. Aron ar uniren bõsko lạgitʼ noage mitʼṭecʼ niạm leka tahẽyena.

Johan sodor 2:1

“Ephesus nagraha reakʼ manḍerren goḍet ṭhen noa katha do olme: “Okoe acʼakʼ jojomtire eae goṭecʼ ipil sapʼkate sona reakʼ eae goṭecʼ diuhe dohowakʼ talareye dãṛãbaṛae kan uni do noae meneda.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Luk 12:35

“Ape do ḍanḍare kicricʼ paṭhe akatʼ ar diuhe do jol akae tahentape ma.

Mathae 4:16

ar okoeko hoṛ ńutreko tahenkan, onko do maraṅ marsalko ńela. Ar okoe kaṛaṅ ńut reakʼ umulreko duṛupʼ akan, onko do marsal bamberakoa.

Malaki 2:7

Isorakʼ monsubạ babotre cecetʼakʼ emokʼ do naekekoakʼ lek kana, menkhan ona cecetʼakʼ jemon alo adokʼ. Ona chaḍa Isorakʼ katha baḍae lạgitʼ do naekeko ṭhenge calakʼ jạruṛa, ente onko do phạdkoren Probhu Isorren paṭhaona hoṛ kanako.

Sereńko 134:1

E Probhu Isorren golamko, okoe do Probhu Isorakʼ oṛakʼre ńindạ jokhecʼ unipe sapʼsorae kan, ape jotoge Probhu Isorakʼ sarhao sereńpe.

Numeri 8:9

Inạ tayom do ńapamokʼ tạmbu samaṅre Liwikom ạgukoa ar sanam Israel hoponko mitʼ ṭhenem jarwakoa.

Levitikus 24:9

Noa piṭhạ do Aron ar uniren hoponko sonot tạmbu reakʼ ṭhạ̃ire jojom hoyokʼtakoa, ente Probhu Isor ńutumte seṅgelteakʼ samaṅokʼakʼ jinisko modre noa do mitʼṭecʼ sonot utạrakʼ jinis kana. Ar noa do onkoakʼ jao okte reakʼ bakhra kana.”

Levitikus 24:3

Ńapamokʼ tạmbure goha sinduk reakʼ orwal bahrere Aron do ạyupʼ khon setakʼ hạbicʼ Probhu Isor samaṅre diuheko jaogeye sajao dohoya. Ar noa niạm do piṛhike piṛhi tahena.

Levitikus 3:8

Uni do bheḍa hoponakʼ bohokʼ cetanre acʼakʼ tiye dohoytaea ar ńapamokʼ tạmbu samaṅreye gureya. Ona tayom Aronren hoponko do uni reakʼ mãyãm hataokate pinḍ beṛhaeteko irciyakʼa.

Exodus 40:3

Ar ona talare goha sinduk dohokate ona reakʼ orwalte ona dom dapal esetʼkakʼa.

Exodus 30:36

Noa reakʼ thoṛa hataokate onam gunḍạea ar ńapamokʼ tạmbure goha-paṭa samaṅrem dohoya. Ar iń do onḍe am sãoteń ńapamokʼa. Ar noa dhup do sonot utạrakʼ jinis mentem bujhạua.

Exodus 29:44

“Ńapamokʼ tạmbu ar pinḍ do iń ńutumteń begar dohokakʼa ar naeke lekate iń sewawạń lạgitʼ Aron ar uniren hoponko hõ iń ńutumteń begar dohokoa.

Exodus 29:42

“Piṛhike piṛhi hạbicʼ ńapamokʼ tạmbu reakʼ duạr ṭhen Probhu Isorakʼ, metakʼme iń samaṅre noa jeredokʼ samaṅokʼakʼ do jaoge samaṅ hoyokʼa. Ar iń do onḍege ape sãoteń ńapamokʼa ar am tulucʼ iń galmaraoa.

Exodus 29:28

Nonkate Israelkoakʼ samaṅokʼakʼ sulukren sanam samaṅokʼakʼ niạko hĩs do jaoge Aron ar uniren hoponko em ocokʼa. Niạ hĩskoge Probhu Isor ńutumte Israelkoakʼ sandes do hoyokʼa.

Exodus 25:16

Ona goha sunduk do amiń emama ar am do noa sindukre onam dohokakʼa.

Exodus 16:34

Ar Manna jemon piṛhike piṛhi hạbicʼ doho akan tahen ona lạgitʼ Aron do Moseye emakawade Probhu Isorakʼ hukum leka gohawakʼ samaṅreye dohokada.

Genesis 1:8

Isor okaṭakʼ phaelao jaegae sirjạuketʼ ona reakʼ ńutum do sermae dohokeda. Nonkate ạyupʼena ar setakʼena ar ona do dosar din hoyena.

Levitikus 24:2

“Am do Israelkom hukumakoa jemon jạitun reakʼ khạṭi sunum am ṭhenko ạguiyte diuheko jaoge jemon jol akaege tahen.

Numeri 18:5

Israelko cetanre ińakʼ edre jemon alo sodorokʼ ona lạgitʼ sonot tạmbu ar pinḍ ńel todarot reakʼ bhar do ape cetanrege tahena.

Exodus 12:14

Ape lạgitʼ ona do mitʼṭecʼ disạ dokʼho dinge hoyokʼa. Probhu Isor ńutumte noa porob do mitʼṭecʼ jaejug reakʼ niạm lekate piṛhike piṛhipe porobokʼa.

Levitikus 6:15

Ar naeke do purạ samaṅokʼakʼ bodolte ona khon mitʼ cuputʼ mĩhĩ holoṅ, sunum ar jomakʼ samaṅokʼ jinis cetanre dohoakan sanam kunduru hataokate pinḍ cetanreye jereda. Ar noa reakʼ jut so Probhu Isor doe kusiyakʼa.

Levitikus 7:36

Ar oka hilokʼko ojokʼ bahal ocolen enhilokʼge Probhu Isor do Israelkoe hukumatʼko tahẽkana jemon piṛhike piṛhi onkoren bõs do noako ńam.

Levitikus 10:9

“Am ar amren hoponkin ape do bubulakʼ ńũkate ńapamokʼ tạmbure alope bolokʼa, arpe bololen khan ape hõpe gujukʼa. Noa do piṛhike piṛhi mitʼṭecʼ jaejug reakʼ niạmge tahena.

Levitikus 17:7

Probhu Isorre bepạtiạr iạte boda-bhutko ńutumte janwar dãṛẽkate apnartetʼ aloko ạkhrińokʼma. Noa do mitʼṭecʼ niạm leka piṛhike piṛhi manao idiy hoyokʼtakoa.

Levitikus 23:14

Aperen Isor ṭhen noa samaṅokʼakʼ ạuripe em hạbicʼ noa nãwã anaj reakʼ khon ape do bape jom daṛeakʼa. Ona chaḍa ona khon benaoakʼ jãhãn piṭhạ se seṅgelre rapakʼ hõ baṅ ganokʼa. Ar jãhãregepe girobasokʼ piṛhike piṛhi ape lạgitʼ noa do mitʼṭecʼ niạmge tahẽyena.

Levitikus 23:21

Enhilokʼ ape do mitʼṭecʼ sonot jarwakʼpe hoeocoya. Enhilokʼ do cetʼge alope kạmiya. Ar jãhãregepe girobasokʼ noa niạm do piṛhike piṛhi ape lạgitʼ tahẽyena.

Numeri 35:29

Disạm bhitrire jãhãregepe girobasokʼ, onḍe piṛhike piṛhi ape lạgitʼ noakoge ạn reakʼ dhara lekate tahena.