Exodus 27:19 - সান্তালী বাইবেল

¹⁹ Sekʼwa tạmbure okako jinis beoharokʼa, ona do jotoge pitạltem benao ocoya. Ar raca reakʼ orwalko reakʼ khunṭiko hõ rupạ reakʼ hoyokʼa.

Exodus 27:19 Referans Kwoze

Sakariạ 10:4

Jihudạ khonge konac reakʼ dhiri, tạmbu reakʼ gońj, lạṛhại reakʼ akʼ sar ar disạm cakʼlaokoko oḍok hijukʼa.

Jesaea 33:20

Aboakʼ sanam porob reakʼ nagraha Sion secʼ beṅgedme. Amakʼ mẽtʼkin do Jerusaleme ńela, nirạite tahen jaega ar baṅ ocogokʼ tạmbuge. Ona reakʼ khunṭiko do tishõ baṅ or todokʼa ar ona reakʼ baber hõ baṅ topagokʼa.

Sosolhayic̕ 12:11

Ạkilan hoṛkoakʼ katha do gupikoakʼ ṭheṅga leka. Onkoakʼ kathako do kuṭạm jalatʼ akatʼ jạlạiko lekana. Ona do mitʼṭen gupiyicʼe roṛakatʼ leka.

Esra 9:8

“Menkhan ńit thoṛa okte lạgitʼ aleren Probhu Isor doe daya akatʼlete aleren thoṛa hoṛ do jiwetʼe dohoakatʼlea ar uniyakʼ sonot disạmre mitʼṭecʼ jaegae em akatʼlea. Nonkate aleren Isor do rạskại dan akatʼlea ar aleakʼ golam dosarele tahẽkanre jiwiye raṛecʼketʼtalea.

Numeri 4:32

Ona chaḍa, beṛhaetaeakʼ bakher raca reakʼ sanam ganḍoko ar khunṭiko, tạmbu reakʼ gońjko, bakher raca reakʼ orwal reakʼ barahiko ar onako reakʼ sanam asbabko ar onako kạmire jạruṛokʼakʼ sanam jinisko gokʼ idi hoyokʼtakoa. Ar okoe okaṭakʼko goga onape ṭhik akoa.

Numeri 3:37

bakher raca reakʼ berhaeteakʼ khunṭiko ar ganḍoko, onako reakʼ gońjko ar onako reakʼ baberko ar onako sãoteakʼ eṭakʼ sanam kạmi reakʼ bhar hõ onkore tahẽkana.

Exodus 39:40

bakher raca reakʼ khunṭiko, onako reakʼ ganḍoko ar ona reakʼ orwal ar bakher racate bolokʼ reakʼ orwal; bakher raca orwal reakʼ gońj ar baberko; sekʼwa tạmbu, metakʼme ńapamokʼ tạmbu reakʼ joto lekan sorońjamko;

Exodus 38:31

ar bakher raca reakʼ beṛhaeteakʼ ganḍoko ar bakher raca duạr reakʼ ganḍoko, sekʼwa tạmbu ar beṛhaeteakʼ bakher raca reakʼ gońjkoe benaokeda.

Exodus 38:20

Sekʼwa tạmbu ar bakher raca orwal reakʼ gońjko hõ pitạlteye benaokeda.

Exodus 35:18

sekʼwa tạmbu reakʼ gońjko ar bakher raca reakʼ gońjko ar ona reakʼ baberko;

Exodus 27:3

Pinḍ reakʼ torocʼ giḍikakʼ lạgitʼ jinis ar kạ̃ṛchuko, samaṅakʼ mãyãm dohoy lạgitʼ bạṭi, jel rakab lạgitʼ kãṭãko ar seṅgel dohoy lạgitʼ celaṅko jotoge pitạl reakʼem tear ocoya.

Exodus 27:18

Raca do jeleńte mitʼsae moka ar osar do mõṛẽgel moka hoyokʼa. Ar ona beṛhaeteakʼ orwalko do mõṛẽ mokakate usul hoyokʼa ar onko do uńatʼ mĩhĩ musnạ sutạmtem benao ocoya, ar khunṭiko lạgitʼ do rupạ reakʼ ganḍokom benao ocoya.

Exodus 27:20

“Diuheko jemon jol akaege tahen onate Israelkom hukumakoa jemon jạitun reakʼ khạṭi sunum am ṭhenko ạgui.