Exodus 27:10 - সান্তালী বাইবেল

¹⁰ Ona orwal ṭaṅgao lạgitʼ bargel goṭecʼ khunṭikom dohoya. Ar khunṭiko latarre do pitạl reakʼ ganḍoko tahena, ar khunṭi sãote rupạ reakʼ bạkupʼakʼ ar totolakʼ hõm benao ocoya.

Exodus 27:10 Referans Kwoze

Jirimiạ 52:21

Mimitʼ goṭecʼ khunṭi do gel irạl moka usul ar ona reakʼ beṛ do gelbar moka tahẽkana; mimitʼ goṭecʼ khunṭi reakʼ pitạl do pon kạṭupʼ dạriạ ar bhitri do kholge tahẽkana.

Exodus 36:38

Noa orwal lạgitʼ ạṅkus sudhạ mõṛẽ goṭecʼ khunṭiko benaokeda. Khunṭi reakʼ muthni ar ona reakʼ sakomko do sonateko tolkeda. Ar khunṭiko bạisạu lạgitʼ do pitạl reakʼ mõṛẽ goṭecʼ ganḍoko benaoada.

Exodus 27:9

“Goha tạmbu reakʼ beṛhate mitʼṭecʼ raca tahena. Noa reakʼ dạkhin secʼ do mitʼsae moka tahena. Ar uńatʼ mĩhĩ musnạ kicricʼ reakʼ orwal tahena.

Exodus 27:11

Raca reakʼ utạr secʼhõ mitʼsae moka tahena. Onḍe hõ orwal ar bargel goṭecʼ khunṭiko, bargel goṭecʼ pitạl reakʼ ganḍoko ar khunṭiko sãote rupạ reakʼ bạkupʼakʼ ar totolakʼkom benao ocoya.

Exodus 38:10

Ona orwal ṭaṅgao lạgitʼ bargel goṭecʼ khunṭiye benaokeda. Ar ona khunṭiko lạgitʼ pitạl reakʼ bargel goṭecʼ ganḍoko ar khunṭiko sãote joṛao lạgitʼ rupạ reakʼ bạkupʼakʼ ar khunṭi jokʼṛao ṭheṅgakoe benaokeda.

Exodus 38:31

ar bakher raca reakʼ beṛhaeteakʼ ganḍoko ar bakher raca duạr reakʼ ganḍoko, sekʼwa tạmbu ar beṛhaeteakʼ bakher raca reakʼ gońjkoe benaokeda.