Exodus 27:1 - সান্তালী বাইবেল

¹ “Gabla kaṭ reakʼ mõṛẽ moka jeleń, mõṛẽ moka osar ar pe moka usul mitʼṭecʼ pon konac pinḍem benaoa.

Exodus 27:1 Referans Kwoze

Ibriko 13:10

Aboakʼ do mitʼṭecʼ pinḍ menakʼa ar okoe Israelkoakʼ ona sewa tạmbureko kạmikan, onko do aboakʼ pinḍ cetanre samaṅ akatʼ jãhãnakʼge jojom reakʼ ạidạri bạnukʼtakoa.

2 Bõsbudạ 4:1

Solomon do bargel moka jeleń, bargel moka osar ar gel moka usul mitʼṭecʼ pitạl reakʼ pinḍe benao ocokeda.

2 Samuel 24:18

Enhilokʼ Gad do Dạud ṭhen senkateye metadea, “Am do Jebusiạren Arownakʼ khạrạite senkate Probhu Isor ńutumte onḍe mitʼṭecʼ pinḍ benaome.”

Exodus 40:29

Sekʼwa tạmbu, metakʼme ńapamokʼ tạmbu duạr ṭhen uni do jeredokʼ samaṅokʼ reakʼ pinḍe dohokeda ar Probhu Isorakʼ hukum leka ona cetanre jeredokʼ samaṅokʼakʼ ar anaj samaṅokʼakʼ porobe porobena.

Exodus 40:10

Thạri bạṭiko sudhạ jeredokʼ samaṅokʼakʼ pinḍ cetanre hõ ojogokʼakʼ sunumte pinḍ do iń ńutumtem begar dohokakʼa. Onate ona do sonot utạrakʼ jinisko hoyokʼa.

Exodus 24:4

Ar Mose do Probhu Isor okako kathae menletʼ onako jotowakʼe ol dohokeda. Dosar hilokʼ Mose do ạḍi setakʼre buru latarre mitʼṭecʼ pinḍe benaokeda ar Israelkoren gelbar khũṭ reakʼ katha disạkate gelbar goṭecʼ khunṭiye benaokeda.

Exodus 35:16

jeredokʼ samaṅokʼakʼ lạgitʼ pinḍ, ar ona lạgitʼ pitạl reakʼ jhạńjri, ar onakin reakʼ ḍaṅkin ar asbabko; ạbukokʼ hanḍha ar ona doṛomkakʼ reakʼ ganḍoko;

Numeri 3:31

Kohatrenkoakʼ dạyik do tahẽkana goha sinduk, ṭebil, diuhe dohowakʼ, pinḍkin, sonot ṭhạ̃i reakʼ asbabko ar sonot utạr ṭhạ̃i reakʼ orwal ńel jut ar onako sãoteakʼ eṭakʼ jotowakʼ kạmiko.

Numeri 4:13

Rupạ pinḍ reakʼ sanam torocʼko giḍikate onko do mitʼṭecʼ beguni roṅakʼ kicricʼ ona cetanreko aṭetʼakʼa.

2 Rapajko 16:14

Ar Probhu Isor samaṅre dohoakan pitạl reakʼ pinḍ do Probhu Isorakʼ oṛakʼ ar nãwã pinḍ reakʼ tala khon ocokʼkate nãwã pinḍ reakʼ utạr secʼreye dohokeda.

1 Bõsbudạ 6:49

Menkhan Aron ar uni bõsren hoṛko do Isorren guti Moseyakʼ sanam hukum lekate jeredokʼ samaṅokʼakʼ pinḍ ar dhudhup pinḍ cetanre samaṅokʼakʼko samaṅetʼ tahẽkana ar sonot utạrakʼ ṭhạ̃ire jạruṛokʼakʼ kạmiko kạmiyetʼ tahẽkana ar Israel jạtrenkoakʼ kại puruchun reakʼ hõko kạmiyetʼ tahẽkana.

Esra 3:2

Ar ona tayom Josadakren hopon Jesua ar uni sãoten naekeko ar Solṭielren hopon Serubabel ar uni sãoten hoṛko do jeredokʼ samaṅokʼakʼ porobokʼ lạgitʼ Isorren hoṛ Moseyakʼ ạn-ạrire olakʼ lekate Israelren Isorakʼ pinḍko benaokeda.

Exodus 17:15

Tayomte Mose do mitʼṭecʼ pinḍ benaokate ona reakʼ ńutum do Jehowa-nisiye (metakʼme “Probhu Isorge ińakʼ jhạnḍi”) dohokeda.

Exodus 31:9

jeredokʼ samaṅokʼakʼ pinḍ ar ona reakʼ thạri-bạṭiko, bhajanko ar ona reakʼ ganḍoko ar naekeakʼ kạmi lạgitʼ Aronakʼ sonot kicricʼ ar uniren hoponko lạgitʼ kicricʼko.

Exodus 39:39

Pitạl reakʼ jhạńjri ar pitạl reakʼ pinḍ, ar ona reakʼ ḍaṅkin ar joto lekan asbabko, ganḍoko;

Exodus 40:6

Sekʼwa tạmbu, metakʼme ńapamokʼ tạmbu reakʼ duạr samaṅre jeredokʼ samaṅokʼ reakʼ pinḍem benaoa.

Numeri 4:14

Ona tayom onko do ona cetanre sekʼwa kạmi reakʼ sanam thạriko, bạṭiko, kạ̃ṛchuko, ḍhạknicʼko, jel rakapʼ kaṭa kạ̃ṛchũko ar mãyãm irciyakʼ bạṭiko ar pinḍ reakʼ sanam asbabko dohoya. Onko do ona cetanre takhas (susuk) hartako aṭetʼakʼa ar ona reakʼ ḍaṅkin do ṭhik jaegareko gutukakʼa.