Exodus 26:7 - সান্তালী বাইবেল

⁷ “Ńapamokʼ tạmbu reakʼ cetan reakʼ hĩs dapal esetʼkakʼ lạgitʼ meromakʼ upʼte gelmitʼ goṭecʼ orwal kicricʼkom benao ocoya.

Exodus 26:7 Referans Kwoze

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

1 Patras 3:4

bickom okaṭakʼ reakʼ cehratetʼ baṅ maraokʼ, ona mạ̃hir ar nindhạn colonte apeakʼ ontor sajaotape. Isorakʼ mẽtʼãhã samaṅre onage bạ̃ṛti damanakʼ kana.

Jesaea 4:5

Enhilokʼ Probhu Isor do Sion buru reakʼ sanam jaega cetanre ar okoe onḍeko jarwakʼ onko cetanre dhũạ reakʼ rimil ar ńindạ do jolokʼkan seṅgel reakʼ marsale sirjạua; ona do sanam Israelkoakʼ mạhima cetanre mitʼṭecʼ chamḍa lekage hoyokʼa.

Sereńko 45:13

Raj oṛakʼre raj hoponera do ạḍige mońje ńelokʼa; ar uniyakʼ horokʼ bandeakʼ do sona reakʼ sutạmte rokʼ galaṅ akana.

Numeri 31:20

Apeakʼ sanam kicricʼ khạnḍwạkʼko ar harta reakʼ, kaṭ reakʼ ar meromakʼ upʼte benaoakʼ sanamakʼ jinisko hõ saphae hoyokʼtapea.”

Exodus 35:26

Ar tinạkʼ do ontorre uskurko ńamketʼ ar sutạm takoe reakʼ kạmiko baḍaekan tahẽkan onko maejiuko hõ meromakʼ upʼko takokeda.

Exodus 35:23

Ar okoe ṭhen nil roṅakʼ, beguni, jeṅgetʼ arakʼ sutạm ar mĩhĩ musnạ sutạm se merom upʼ, arakʼ roṅ akatʼ bheḍawakʼ upʼ se merom hartako tahẽkan onko hõ onako ạgukeda.

Exodus 35:6

nil, beguni ar jeṅgetʼ arakʼ sutạm, mĩhĩ musnạ sutạm; merom upʼ;

Exodus 26:14

Ar ona cetan khon dapal esetʼkakʼ lạgitʼ arakʼ roṅ akatʼ bheḍawakʼ hartate mitʼṭecʼ dapalakʼ benao hoyokʼa, ar ona cetan reakʼ dapalakʼ do merom reakʼ hartate.

Exodus 26:12

Ar pạhil maraṅakʼ orwal reakʼ okaṭakʼ do tayom secʼ adha ạdhi ṭạmkur tahen ona do onkage tahena.

Exodus 26:9

Onako khon mõṛẽ goṭecʼ orwal kicricʼ do mitʼ sãote joṛao mitʼkate maraṅ okocʼ orwal benao hoyokʼa. Ar sarecʼ turui goṭecʼ orwal kicricʼ do mitʼ sãote joṛao mitʼkate maraṅ okocʼ orwal benao hoyokʼa. Noa maraṅ orwal modre okaṭakʼ bạ̃ṛti tahen ona do tạmbu samaṅ secʼem lạṭum doṛhakakʼa.

Exodus 26:1

“Ńapamokʼ tạmbu do gel goṭecʼ orwal kicricʼtem benaoa. Ona orwalko do ũńakʼ mĩhĩ musnạ sutạmte ar nil, beguni ar jeṅgetʼ arakʼ sutạmte benao hoyokʼa. Ar gạkhuṛ kạrigol hotete onare Kerubkoakʼ chubim dohoya

Exodus 25:4

Nil, beguni ar arakʼ roṅakʼ sutạm ar mĩhĩ musnạ sutạm; merom upʼ;

Exodus 26:6

Ona tayom mõṛẽgel goṭecʼ sona reakʼ bạkupʼakʼko benaokate onako do gạliko talate gutukate ona banar maraṅ orwal gakʼkakʼ hoyokʼa. Ar onakin banar maraṅ orwalte mitʼṭecʼ ńapamokʼ tạmbuge hoyokʼa.

Exodus 26:8

Ona orwal kicricʼko do jotoge mitʼ jokha reakʼ hoyokʼa- jeleńte pegel moka ar osar do pon moka.

Numeri 3:25

Ar ńapamokʼ tạmbure Gerson hoponkoakʼ dạyik do tahẽkana sekʼwa tạmbu, ar ona cetanre merom upʼ reakʼ dapalakʼ, ńapamokʼ tạmbu duạr reakʼ ekʼsetʼ orwal,