Exodus 26:34 - সান্তালী বাইবেল

³⁴ Noa sonot utạrakʼ ṭhạ̃ire goha sinduk cetanre ona reakʼ daya duṛupʼakʼem dohokakʼa.

Exodus 26:34 Referans Kwoze

Exodus 40:20

Ona tayom Mose do goha paṭa banar hataokate sinduk bhitrireye dohokeda ar sindukre ḍaṅkine hurạṛkada ar ona cetanre do ḍhalwakʼe dohokeda.

Exodus 25:21

Noa daya duṛupʼakʼ do sinduk cetanrem dohoya ar oka goha olakʼiń emam ona do sinduk bhitrirem dohokakʼa.

Ibriko 9:5

Ona sunduk cetanre Isorakʼ ṭhonokte perecʼ sonaren barea Kerubkin tahẽkana. Unkinakʼ phạ̃kṛạ̃kte ona sunduk reakʼ ḍhaknakin umulakatʼ tahẽkana. Noa ḍhaknare do kạiko hạrupʼkakʼkan tahẽkana. Menkhan noako reakʼ ńitokʼ do khode khod babo roṛ daṛeakʼkana.

Levitikus 16:2

“Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

1 Rapajko 6:16

Mundil oṛakʼre sonot utạrakʼ ṭhạ̃i ńutumanakʼ mitʼṭecʼ bhitri kandha benao lạgitʼ uni do mundil oṛakʼ reakʼ tayom secʼre bargel moka jaega do ot khon chad hạbicʼ debdạru kaṭteye begarkeda.

Jeheskel 41:4

Ona tayom uni do bhitri kandhae jokhakeda; ona do jeleńte bargel moka ar osarte bargel moka tahẽkana. Uni do ińe metadińạ, “Noa do sonot utạrakʼ ṭhạ̃i kana.”