Exodus 26:33 - সান্তালী বাইবেল

³³ Orwal do cetan reakʼ mĩhĩ musnạ kicricʼre lagao akatʼ bạkupʼakʼ latarre jhulạu tahena. Ar noa orwal tayomrege gohawakʼ tạmbu do tahena. Orwal do sonot utạrakʼ ṭhạ̃i ar sonot ṭhạ̃i talareye begar dohokakʼa.

Exodus 26:33 Referans Kwoze

Levitikus 16:2

“Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

Exodus 40:21

Ona tayom Probhu Isorakʼ hukum leka sinduk do sekʼwa tạmbu bhitriteye aderkeda ar ona reakʼ orwalteye dapalkada.

Exodus 25:16

Ona goha sunduk do amiń emama ar am do noa sindukre onam dohokakʼa.

1 Rapajko 8:10

Sonot utạrakʼ ṭhạ̃i khon naekekoko oḍok hecʼen sãote Probhu Isorakʼ oṛakʼ bhitri do rimilte perecʼena.

1 Rapajko 8:6

Ona tayom naekeko do Probhu Isorakʼ bondobos sinduk niṭ akatʼ ṭhạ̃ire, mundil oṛakʼ reakʼ bhitri kandhare, metakʼme sonot utạrakʼ ṭhạ̃ire Kerubkinakʼ phạ̃kṛạ̃kʼ latarreko dohokada.

Exodus 36:36

Ona orwal do gabla kaṭ reakʼ ponea khunṭiko benaoada ar khunṭiko do sonateko tolkeda. Ar onako khunṭi lạgitʼ do sona reakʼ ạṅkusko benaoada ar khunṭiko bạisạu lạgitʼ rupạ reakʼ ponea ganḍoko benaokeda.

Exodus 27:10

Ona orwal ṭaṅgao lạgitʼ bargel goṭecʼ khunṭikom dohoya. Ar khunṭiko latarre do pitạl reakʼ ganḍoko tahena, ar khunṭi sãote rupạ reakʼ bạkupʼakʼ ar totolakʼ hõm benao ocoya.

Exodus 26:32

Ona orwal do gabla kaṭ reakʼ ponea khunṭi sãote lagao akatʼ sona reakʼ hukem dohokakʼa. Ar khunṭiko do sonatem tol ocoya ar onako do rupạ reakʼ ganḍore teṅgo tahena.

Exodus 27:21

Noa ńapamokʼ reakʼ tạmbu samaṅre oka orwal tahen ona orwal bahrere Aron ar uniren hoponko do ạyupʼ khon setakʼ hạbicʼ Probhu Isor samaṅre diuheko ńel todarota. Ar Israelko do piṛhike piṛhi niạ niạmko panjaya.

Exodus 40:3

Ar ona talare goha sinduk dohokate ona reakʼ orwalte ona dom dapal esetʼkakʼa.

1 Rapajko 6:16

Mundil oṛakʼre sonot utạrakʼ ṭhạ̃i ńutumanakʼ mitʼṭecʼ bhitri kandha benao lạgitʼ uni do mundil oṛakʼ reakʼ tayom secʼre bargel moka jaega do ot khon chad hạbicʼ debdạru kaṭteye begarkeda.

2 Bõsbudạ 3:8

Ona tayom uni do sonot utạrakʼ ṭhạ̃iye benaokeda. Ona do bargel moka osar ar bargel moka jeleńe dohokeda. Ar bhitri do bargel pe ṭon ponsae keji khạṭi sonateye tolkeda.

Jeheskel 41:4

Ona tayom uni do bhitri kandhae jokhakeda; ona do jeleńte bargel moka ar osarte bargel moka tahẽkana. Uni do ińe metadińạ, “Noa do sonot utạrakʼ ṭhạ̃i kana.”