Exodus 26:31 - সান্তালী বাইবেল

³¹ “Nil, beguni ar jeṅgetʼ arakʼ sutạm ar ũńakʼ mĩhĩ musnạ sutạmte mitʼṭecʼ orwalem tińa.

Exodus 26:31 Referans Kwoze

Mathae 27:51

Unre mundil reakʼ orwal do coṭ khon pheḍ hạbicʼ oṛecʼente bar hạṭińena; ar dhạrti do dal dalaoena ar lạṭu lạṭu dhiriko paṛakʼena.

2 Bõsbudạ 3:14

Solomon do nil, beguni, ar arakʼ sutạm ar mĩhĩ musnạ sutạmte orwalkoe benao ocokeda ar onare Kerubkinakʼ muṭhạne rokʼ jalatʼada.

Exodus 36:35

Kạrigolko do nil, beguni ar jeṅgetʼ arakʼ sutạm ar ũńakʼ mĩhĩ musnạ sutạmte mitʼṭecʼ orwalko benaokeda. Ar gạkhuṛ kạrigolte onare Kerubkoakʼ muṭhạnko benao ocokeda.

Levitikus 16:2

“Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

Exodus 36:8

Okoe hoṛko kạmikan tahẽkan onko modren gạkhuṛ kạrigolko do ũńakʼ mĩhĩ musnạ sutạmte ar nil, beguni ar jeṅgetʼ arakʼ sutạmte benaoakʼ gel goṭecʼ orwal kicricʼte ńapamokʼ tạmbuko benaokeda. Ar gạkhuṛ kạrigol hotete onare Kerubkoakʼ muṭhạnko dohokeda.

Exodus 26:1

“Ńapamokʼ tạmbu do gel goṭecʼ orwal kicricʼtem benaoa. Ona orwalko do ũńakʼ mĩhĩ musnạ sutạmte ar nil, beguni ar jeṅgetʼ arakʼ sutạmte benao hoyokʼa. Ar gạkhuṛ kạrigol hotete onare Kerubkoakʼ chubim dohoya

Ephesiko lạgitʼ Pạul Apostolakʼ ciṭhi 2:14

Unikangea aboren sulukicʼ do. Unige Jihudi ar be Jihudi, noa banare mitʼ akada. Uni do acʼe kuruslen hoṛmo hotete sanam hukum ar niạm sudhạ Moseyakʼ ạn-ạriko reakʼ daṛeye rạputʼkeda. Ar nonkate noakin banar talare okaṭakʼ do bạiri bhit leka tahẽkan onae lạnduṛ giḍikada. Uni doe nonkakeda jemon unkin hotete mitʼṭen nãwã manwae sirjạue, ar nonkate unkin talare jemon suluk hoyokʼ.

Mark 15:38

Unre mundil reakʼ orwal do coṭ khon pheḍ hạbicʼ oṛecʼente bar hạṭińena.

Soros sereń 7:1

Heṛan mońjgea panahe horokʼ akatʼ amakʼ jaṅgakin reakʼ goṛhon do! Amakʼ kaera opatʼ bulukin reakʼ abhran do mạnik leka ona do gạkhuṛ kạrigolakʼ tite kạmiyakʼge.

Sereńko 137:5

E Jerusalem, amiń hiṛińlemre ińakʼ jojomti do okajakʼ alo baṛe hoyokʼtiń.

Levitikus 16:15

“Ar ona tayom uni do hoṛkoakʼ kại ńutumte samaṅ akade merom bodae gurea ar uniyakʼ mãyãm do orwal bhitri secʼe adera ar ḍaṅgra mãyãmte okae cekaletʼ onkage nui bodawakʼ mãyãmte hõe onkaea. Ar sinduk reakʼ daya duṛupʼakʼre ar samaṅ secʼre ona mãyãme irciyakʼa.

Exodus 40:21

Ona tayom Probhu Isorakʼ hukum leka sinduk do sekʼwa tạmbu bhitriteye aderkeda ar ona reakʼ orwalteye dapalkada.

Exodus 40:3

Ar ona talare goha sinduk dohokate ona reakʼ orwalte ona dom dapal esetʼkakʼa.

Exodus 38:23

Dan khũṭren Ahisamakren hopon Oholiab do Besalele goṛowade tahẽkana. Uni do ti reakʼ kạmi metakʼme lalakʼ rorokʼren kạrigole tahẽkana. Ona chaḍa nil, beguni ar jeṅgetʼ arakʼ sutạm ar mĩhĩ musnạ sutạmte nana parkan galaṅ kạmiren mitʼṭen gạkhuṛ kạrigolgeye tahẽkana.

Exodus 35:35

Probhu Isor do nana parkan ti reakʼ kạmi nil, beguni ar jeṅgetʼ arakʼ sutạm ar mĩhĩ musnạ sutạmte tiń ar galaṅakʼ noksa benao reakʼ ektiạri hõe ematʼkoa. Jemon onko do akoakʼ kusi leka nana parkan nokshako benao daṛeakʼa.

Exodus 35:25

Okoe maejiu do sutạm takoe reakʼ kạmire gạkhuṛko tahẽkan onko do nil, beguni ar arakʼ roṅakʼ sutạm ar mĩhĩ musnạ sutạmte apnarakʼ titeko takoekeda.

Exodus 35:6

nil, beguni ar jeṅgetʼ arakʼ sutạm, mĩhĩ musnạ sutạm; merom upʼ;

Exodus 28:15

“Ińakʼ hukum baḍae lạgitʼ koṛam aḍokʼakʼem benao ocoya. Noa do mitʼṭen gạkhuṛ kạrigolakʼ ti reakʼ kạmige baṛe hoyokʼma. Ephod leka noa hõ sonate, nil, beguni ar jeṅgetʼ arakʼ sutạm ar uńakʼ mĩhĩ musnạ sutạmtem benao ocoya.

Exodus 25:18

Ona daya duṛupʼakʼre sonaren barea Kerubem benaokinạ.

Exodus 25:4

Nil, beguni ar arakʼ roṅakʼ sutạm ar mĩhĩ musnạ sutạm; merom upʼ;

Exodus 26:32

Ona orwal do gabla kaṭ reakʼ ponea khunṭi sãote lagao akatʼ sona reakʼ hukem dohokakʼa. Ar khunṭiko do sonatem tol ocoya ar onako do rupạ reakʼ ganḍore teṅgo tahena.

Exodus 27:21

Noa ńapamokʼ reakʼ tạmbu samaṅre oka orwal tahen ona orwal bahrere Aron ar uniren hoponko do ạyupʼ khon setakʼ hạbicʼ Probhu Isor samaṅre diuheko ńel todarota. Ar Israelko do piṛhike piṛhi niạ niạmko panjaya.

Exodus 36:36

Ona orwal do gabla kaṭ reakʼ ponea khunṭiko benaoada ar khunṭiko do sonateko tolkeda. Ar onako khunṭi lạgitʼ do sona reakʼ ạṅkusko benaoada ar khunṭiko bạisạu lạgitʼ rupạ reakʼ ponea ganḍoko benaokeda.

Exodus 27:16

“Raca reakʼ duạr lạgitʼ ponea khunṭi, ponea ganḍo ar bargel moka jeleń mitʼṭecʼ orwal tahena. Orwal do nil, beguni, ar jeṅgetʼ arakʼ sutạm ar uńatʼ mĩhĩ musnạ sutạmte mitʼṭecʼ noksa reakʼ jinisge hoyokʼa.

Exodus 35:12

sinduk ar ona reakʼ ḍaṅkin, daya duṛupʼakʼ ar onakin ekʼsetʼakʼ orwal;

Numeri 4:5

Ḍera uṭhạukʼre Aron ar uniren hoponko do sekʼwa tạmbu bhitrite bolokate goha sinduk reakʼ dapalakʼ orwal raṛa pheḍkate onate sindukko poṭoma.