Exodus 26:30 - সান্তালী বাইবেল

³⁰ “Noa buru cetanre am do ńapamokʼ tạmbu reakʼ oka nạmunam udukʼ ocoyen ṭhik onka lekagem benao ocoya.

Exodus 26:30 Referans Kwoze

Exodus 25:40

Noa buru cetanre okako nạmunań udukʼatʼme ṭhik onka lekage jotowakʼem benao ocoya.

Ibriko 8:5

Naeke lekate onkoakʼ noa kạmi do serma kạmi reakʼ mitʼṭecʼ nạmuna ar umul leka. Onate Mose tinre sewa tạmbui benao lạgidokʼkan tahẽkana unre Isor do noa menteye sontorledea, “Sinại buru cetanre okako nạmunań udukʼatʼme ṭhik onka lekage jotowakʼem benao.”

Exodus 25:9

Oka nạmuna udukʼamiń menetʼkan ona lekage am do noa sewa tạmbu ar sanam asbabkom benao ocoya.

Aposkạmi 7:44

“Goha reakʼ tạmbu do hahaṅkarre aboren hapṛamko sãote tahẽkana. Isor do Mose cetʼlekae hukumade tahẽkan ar Mose okaṭakʼ nạmunae ńelletʼ onkage noa tạmbu hõ tear akan tahẽkana.

Ibriko 9:23

Okaṭakʼ do serma reakʼakʼko reakʼ nokolakʼkan onako do janwar dãṛẽ hotete saphakʼ reakʼ jạruṛ tahẽkana menkhan okaṭakʼ do asolrege serma reakʼakʼko kan onako saphakʼ lạgitʼ do arhõ maraṅ dãṛẽ jạruṛa.

Ibriko 8:2

Uni do maraṅ sonot jaegare, metakʼme asol sewa tạmbure Isore sewawae kana. Ona sewa tạmbu do manwa bako beretʼakada, Probhu Isorgeye beretʼakada.

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”

Numeri 10:21

Noko tayom Kohatkoren do sekʼwa tạmbu reakʼ sonot jiniskoanteko mohnḍayena. Onko seṭerokʼ laharege sekʼwa tạmbu do umul reakʼ katha tahẽkana.

Exodus 40:2

“Bochor reakʼ pạhil cando reakʼ pạhil dinre am do sekʼwa tạmbu, metakʼme ńapamokʼ tạmbuyem bereda.

Exodus 27:8

Pinḍ do toktatem benao ocoya ar ona reakʼ bhitri secʼ do kholge tahena. Ar burure cetʼ lekam udukʼ ocoyen ṭhik onkagem benao ocoya.

Exodus 26:29

Ar onako paṭa do sonatem tol ocoya ar hurkạṛ bolokʼ lạgitʼ sona reakʼ kạṛiko benao ocokate paṭarem lagao ocoya. Ar ona hurkạṛko do sonatem tol ocoya.

Numeri 8:4

Diuhe dohowakʼ do nonka leka benao hoylena ona reakʼ ganḍo khon bahako hạbicʼ jotoge sona reakʼ koṭecʼ benaoakʼ tahẽkana. Probhu Isor do Mose cetʼleka nạmunae udukʼade tahẽkan ṭhik onkage diuhe dohowakʼ do benao hoyena.

1 Bõsbudạ 28:19

Dạude menkeda, “Probhu Isor iń ṭhen okaṭakʼ nạmunae sodorletʼ tahẽkan uniyakʼ ạyurte iń do onań akaokeda, ar ona nạmuna reakʼ khạṭi-nạṭi bujhạu reakʼ akel do uniye emadiń tahẽkana.”