Exodus 26:14 - সান্তালী বাইবেল

¹⁴ Ar ona cetan khon dapal esetʼkakʼ lạgitʼ arakʼ roṅ akatʼ bheḍawakʼ hartate mitʼṭecʼ dapalakʼ benao hoyokʼa, ar ona cetan reakʼ dapalakʼ do merom reakʼ hartate.

Exodus 26:14 Referans Kwoze

Exodus 36:19

Ar arakʼ roṅ akatʼ bheḍawakʼ hartate ona cetan reakʼ dapalakʼko benaoada ar ona cetan reakʼ dapalakʼ hõ merom hartateko benaokeda.

Exodus 25:5

arakʼ roṅte roṅakatʼ bheḍawakʼ harta ar merom harta; gabla kaṭ;

Jeheskel 16:10

Ar likhon goṛhon kicricʼteń oyokatʼmea ar jaṅgare do takʼhas harta reakʼ mońj okocʼ panahiń horokʼatʼmea. Iń do mĩhĩ musnạ kicricʼteń bedhaoketʼmea ar lumạṅ sutạm reakʼ kicricʼteń bandekatʼmea.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 4:6

Noa do setoṅ khon umul ńam reakʼ mitʼṭecʼ chạuni ar hoe ar dakʼ khon rukhiyạ ńam lạgitʼ mitʼṭecʼ asray ṭhạ̃ige hoyokʼa.

Sereńko 27:5

Ente muhin hilokʼre uni do acʼakʼ ona gaṛre nirạiteye dohoyińạ, ar acʼakʼ ona tạmbureye oko dohokạńạ, ar ḍuṅgri cetanre uni doe rakabińạ.

Numeri 4:10

Ar ona tayom asbabko sudhạ diuhe dohowakʼ do takhas (susuk) hartate bedhaokate gokʼ idiy reakʼ tokta cetanreko dohoya.

Numeri 4:5

Ḍera uṭhạukʼre Aron ar uniren hoponko do sekʼwa tạmbu bhitrite bolokate goha sinduk reakʼ dapalakʼ orwal raṛa pheḍkate onate sindukko poṭoma.

Exodus 39:34

arakʼ roṅakatʼ bheḍa harta ar merom harta reakʼ banar umulakʼ ar sonot utạrakʼ ṭhạ̃i dapal reakʼ ḍhakna;

Exodus 35:23

Ar okoe ṭhen nil roṅakʼ, beguni, jeṅgetʼ arakʼ sutạm ar mĩhĩ musnạ sutạm se merom upʼ, arakʼ roṅ akatʼ bheḍawakʼ upʼ se merom hartako tahẽkan onko hõ onako ạgukeda.

Exodus 35:7

arakʼ roṅte roṅakatʼ bheḍawakʼ harta, merom harta ar gabla kaṭ;

Exodus 26:13

Merom upʼ reakʼ orwalko do latar reakʼ kicricʼ khon banar secʼ mitʼ moka kate bạ̃ṛtikʼ iạte ona reakʼ banar secʼ ṭạmkurkate goṭa ńapamokʼ tạmbugeye umul esetʼkakʼa.