Exodus 26:1 - সান্তালী বাইবেল

¹ “Ńapamokʼ tạmbu do gel goṭecʼ orwal kicricʼtem benaoa. Ona orwalko do ũńakʼ mĩhĩ musnạ sutạmte ar nil, beguni ar jeṅgetʼ arakʼ sutạmte benao hoyokʼa. Ar gạkhuṛ kạrigol hotete onare Kerubkoakʼ chubim dohoya

Exodus 26:1 Referans Kwoze

Exodus 26:36

“Tạmbu reakʼ duạr lạgitʼ hõ mitʼṭecʼ orwal benao hoyokʼa. Ona do nil, beguni, ar jeṅgetʼ arakʼ sutạm ar ũńakʼ mĩhĩ musnạ sutạmte noksawakʼge.

Exodus 36:35

Kạrigolko do nil, beguni ar jeṅgetʼ arakʼ sutạm ar ũńakʼ mĩhĩ musnạ sutạmte mitʼṭecʼ orwalko benaokeda. Ar gạkhuṛ kạrigolte onare Kerubkoakʼ muṭhạnko benao ocokeda.

Exodus 26:31

“Nil, beguni ar jeṅgetʼ arakʼ sutạm ar ũńakʼ mĩhĩ musnạ sutạmte mitʼṭecʼ orwalem tińa.

Exodus 25:18

Ona daya duṛupʼakʼre sonaren barea Kerubem benaokinạ.

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoyakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.

Johan sodor 19:8

Uni do jhalkaokʼkan, sapha ar mĩhĩ musnạ kicricʼ bandekʼ lạgitʼ emakawadea. Ona kicricʼ do Isorren hoṛkoakʼ dhorom kạmiko kana.”

Ibriko 9:9

Nahakʼ jug lạgitʼ noa do mitʼṭecʼ cinhạ kana one oka doe lại abonkan je, dãṛẽ samaṅ akade janwar ar eṭakʼ eṭakʼ jinisko do dewa sewakoakʼ bibek ohoe sạbit utạr daṛeletakoa.

Ibriko 8:2

Uni do maraṅ sonot jaegare, metakʼme asol sewa tạmbure Isore sewawae kana. Ona sewa tạmbu do manwa bako beretʼakada, Probhu Isorgeye beretʼakada.

Johan 2:21

Jisu do menkhan Isorakʼ oṛakʼ mente acʼakʼ hoṛmo reakʼ kathageye roṛletʼa.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

1 Bõsbudạ 21:29

Hahaṅkarre Mose do Probhu Isor lạgitʼ oka ḍera tạmbui benaoletʼ ona ar jeredokʼ samaṅokʼakʼ pinḍ do ona jokhecʼ Gibeon reakʼ koejoṅ oṛakʼre tahẽkana.

1 Bõsbudạ 17:1

Raj oṛakʼre girobasokʼ jokhecʼ mitʼdin Dạud do Nathan nạbiye metadea, “Iń do debdạru kaṭ reakʼ oṛakʼreń tahenkana menkhan Probhu Isorakʼ bondobos sinduk do tạmburege menakʼa.”

Exodus 40:2

“Bochor reakʼ pạhil cando reakʼ pạhil dinre am do sekʼwa tạmbu, metakʼme ńapamokʼ tạmbuyem bereda.

Exodus 35:35

Probhu Isor do nana parkan ti reakʼ kạmi nil, beguni ar jeṅgetʼ arakʼ sutạm ar mĩhĩ musnạ sutạmte tiń ar galaṅakʼ noksa benao reakʼ ektiạri hõe ematʼkoa. Jemon onko do akoakʼ kusi leka nana parkan nokshako benao daṛeakʼa.

Exodus 35:6

nil, beguni ar jeṅgetʼ arakʼ sutạm, mĩhĩ musnạ sutạm; merom upʼ;

Exodus 25:8

Israelko hotete iń tahen lạgitʼ mitʼṭecʼ sonot ṭhạ̃irem benaoa. Onate iń do onko talareń girobasokʼa.

Exodus 25:4

Nil, beguni ar arakʼ roṅakʼ sutạm ar mĩhĩ musnạ sutạm; merom upʼ;

Ibriko 9:2

Ar ona lekatege mitʼṭecʼ tạmbu do benao hoylena. Ona tạbmu reakʼ pạhil hạṭińre tahẽkana diuhe dohowakʼ ar mej ar samaṅakʼ piṭhạ. Noa pạhil hạṭiń reakʼ ńutum do tahẽkana sonot jaega.

Exodus 26:2

Orwal do jotoge inạ mitʼ jokhagem benao ocoya, jeleń do bargel irạl moka ar osar do pon moka.

Exodus 35:11

Sekʼwa tạmbu ar ona cetan reakʼ dapalakʼko; ona reakʼ bạkupʼakʼko, paṭako, hurkạṛakʼko, khunṭiko ar ganḍoko;

Numeri 3:25

Ar ńapamokʼ tạmbure Gerson hoponkoakʼ dạyik do tahẽkana sekʼwa tạmbu, ar ona cetanre merom upʼ reakʼ dapalakʼ, ńapamokʼ tạmbu duạr reakʼ ekʼsetʼ orwal,

2 Samuel 7:2

Mitʼ do raj do Nathan nạbiye metadea, “Ńelme, iń do debdạru kaṭ reakʼ oṛakʼreń girobasokʼ kana menkhan Isorakʼ sinduk do tạmbure menakʼa.”

Exodus 31:7

Ńapamokʼ tạmbu, goha sinduk ar ona cetan reakʼ ḍhakna, tạmbu reakʼ sanam asbabko,

Exodus 39:3

Onko do sona koṭecʼ capṛakate tar leka onako getʼ cirạkeda jemon nil, beguni ar jeṅgetʼ arakʼ sutạm ar mĩhĩ musnạ sutạm sãote sona reakʼ sutạm hõ beoharokʼ. Noa do mitʼṭen gạkhuṛ kạrigolakʼ ti reakʼ kạmige tahẽkana.

1 Rapajko 6:29

Mundil oṛakʼ reakʼ barea kandha reakʼ goṭa bhitge Kerub, khijur dare ar saṛ bahako reakʼ muṭhạnkoe rokʼ ocoakatʼ tahẽkana.