Exodus 25:8 - সান্তালী বাইবেল

⁸ Israelko hotete iń tahen lạgitʼ mitʼṭecʼ sonot ṭhạ̃irem benaoa. Onate iń do onko talareń girobasokʼa.

Exodus 25:8 Referans Kwoze

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoyakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.

1 Rapajko 6:13

Ar Israelko talareń girobasokʼa ar ińren hoṛ Israelko do bạń bạgi giḍikoa.”

Exodus 29:45

Iń do Israelren Isor hoekate onko talareń girobasokʼa.

Sakariạ 2:10

Probhu Isore meneda, “E Sion-kuṛi, rạskạte sereńme ar hulạsokʼme, ente ińiń hijukʼkana, ar iń do ape talareń girobasokʼa.

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akae bon tahen, enḍekhan aboge Isorakʼ gharońjren hoṛ bon hoyokʼa.

Sakariạ 8:3

Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Numeri 5:3

Baṅ doe maejiukan ar baṅ doe herel hoṛkan uni do oḍok giḍikae hoyokʼa. Nonkan hoṛ iạte ḍera jemon alo besaphakʼ onate onko do bahrete oḍok giḍikako hoyokʼa, ente iń do onḍe Israelko sãoteń tahenkana.”

Levitikus 4:6

Ar ona mãyãmre acʼakʼ kạṭupʼe caḍoetaea ar thoṛa mãyãm do Probhu Isor samaṅre ona sonot ṭhạ̃i reakʼ orwal secʼ eae dhaoe irciya.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Levitikus 10:4

Tayomte Mose do Mesayel ar Elsaphone hohowatʼkinteye metatʼkinạ, “Nonḍe hijukʼben; ar sonot tạmbu oṛakʼ samaṅ khon abenren bhạcạmtạkinakʼ mạ̃ṛĩ do ḍera bahrete idiben.” Mesayel ar Elsaphon do Aronren kaka goṅgo boeha, metakʼme Usielren hoponkin tahẽkana.

Aposkạmi 7:44

“Goha reakʼ tạmbu do hahaṅkarre aboren hapṛamko sãote tahẽkana. Isor do Mose cetʼlekae hukumade tahẽkan ar Mose okaṭakʼ nạmunae ńelletʼ onkage noa tạmbu hõ tear akan tahẽkana.

Exodus 29:46

Ar unreko baḍae daṛeakʼa, iń kangeạń onkoren Probhu Isor do. Iń do onko talareń tahen lạgitʼte Misor disạm khoniń oḍokʼ ạgu akatʼkoa. Ar iń Probhuge onkoren Isor kạnạń.

Levitikus 26:11

Iń do bạń dea giḍikapea. Ape talaregeń girobasokʼa.

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Josuạ 22:31

Ar naeke Eleasarren hopon Phinehas do onkoe metatʼkoa, “Teheńle bujhạu daṛeakʼkana, Probhu Isor do abo sãorege menaea, ente niạ ape do Probhu Isor upạrte bepạtiạrakʼ do bape kạmi akada. Ape do Probhu Isorakʼ ti khon Israel hoponkope rukhiyạketʼkoa.”

Exodus 15:17

Amge amren hoṛko ạgukate poha leka amakʼ bururem rohoekoa. E Probhu Isor, am apnar tite benaoakʼ onage amakʼ tahen oṛakʼ do; E Probhu Isor, amakʼ tite benaoakʼ onage amakʼ tahen ṭhạ̃i do;

1 Bõsbudạ 22:19

Ńitokʼ ape do aperen Probhu Isorakʼ sana baḍae lạgitʼ apeakʼ goṭa jiwi, daṛete ar monte Probhu Isor ńutumte uniyakʼ sonot oṛakʼ benao lạgitʼ lạgiyạ paṛaokʼpe, jemon Probhu Isorakʼ bondobos reakʼ sinduk ar sonotakʼ jinisko do ạgukʼte onare dohokʼ.”

Jeheskel 37:26

Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.

Jeheskel 37:28

Ińakʼ oṛakʼ do tinre jaejug lạgitʼ onko talare hoyokʼa unre jạtren sanamko baḍaea daṛeakʼa, iń Probhu Isorge iń ńutumte Israel doń begar dohoakadea.’ ”

Jeheskel 43:7

Uni doe menkeda, “E manwa hopon, noa do ińakʼ siṅghạson reakʼ ṭhạ̃i ar ińakʼ jaṅga dohoy lạgitʼ jaega kana. Iń do nonḍege Israelko talareń girobasokʼa. Israelko tishõ ińakʼ sonot ńutum do bako besonot ocoytińạ. Baṅ do ako ar baṅ do onkoren rapajkoakʼ laṭghaṭ iạte, ar akoren gocʼakan rapajko ńutumte dikʼsạwakʼko teṅgoe hotete onko do ińakʼ ńutum ar bako besonot ocoytińạ.