Exodus 25:2 - সান্তালী বাইবেল

² “Israelko jemon iń lạgitʼ bhokti-sandesko ạgui. Ar apnarakʼ sanate jãhãege jãhãnakʼko ạgui khan ona hõm ataṅtakoa.

Exodus 25:2 Referans Kwoze

2 Korinthiko 9:7

Mimitʼ hoṛko monre okaṭakʼko goṭa akatʼ ona lekageko emokʼma; okoe hõ mon dukkate aloe emokʼma, ente kharsala monte emokʼkạnicʼge Isor doe dulạṛea.

Esra 2:68

Ar Jerusalemre Probhu Isorakʼ oṛakʼteko seṭeren tayom onko bõsren adom adom mathako do lahateakʼ ṭhạ̃ire Probhu Isorakʼ oṛakʼ arhõ benao lạgitʼ danko emkeda.

Nehemiạ 11:2

Okoeko hoṛ do akoakʼ kusileka Jerusalemre girobasokʼ lạgitʼko khojketʼ hoṛko do onkoko sarhaoketʼkoa.

Esra 7:16

Ona chaḍa okako sona ar rupạ Babel disạm khonem ńam ar Israelko ar onkoren naekeko Jerusalemre onkoren Isorakʼ oṛakʼ lạgitʼ akoakʼ kusite okako em ona jotogem iditoraea.

Esra 1:6

Onko aḍepaseren sanam hoṛko do sona, rupạ reakʼ bhajan, eṭakʼ eṭakʼ jinisko, janwarko ar damanakʼ jiniskoko ematʼkote onkoko goṛowatʼkoa ar Isorakʼ oṛakʼ lạgitʼ apnarakʼ kusi leka danko emena.

Esra 3:5

Ona tayom khon onko do dinạm hilokʼ reakʼ jeredokʼ samaṅokʼakʼ, ambas ńindạ reakʼ jeredokʼ samaṅokʼakʼ, Probhu Isor ńutumte niṭakatʼ porob reakʼ jeredokʼ samaṅokʼakʼ ar apnarakʼ kusite ạguakʼ jeredokʼ samaṅokʼakʼ samaṅko ehopʼena.

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

Bikʼcạrko 5:9

Ińakʼ mone do Israelkoren onko mukhiyạko secʼ lawerena ar apnarakʼ kusite lạṛhạiko oḍok senena; Probhu Isorakʼ sabasige hoyokʼtaema baṛe!

Numeri 18:24

Israelkoakʼ rojgarakʼ khon gel hạṭiń reakʼ mitʼ hạṭiń okaṭakʼ do Probhu ńutumteko ạgui onage onkoń ematʼkoa. Ar onatege iń Probhu Isor do onko reaṅ iń menakada, Liwiko do Israelko talare sompottiren ạidạri bako hoyokʼa.”

Exodus 25:1

Probhu Isor do Moseye metadea,

Exodus 25:3

Onko do jemon noako sandesko ạguima: Sona, rupạ ar pitạl;