Exodus 24:5 - সান্তালী বাইবেল

⁵ Ona tayom uni do mitʼbar Israel juạnkoe kolketʼkoa ar onko do Probhu Isor ńutumte jeredokʼ samaṅokʼ reakʼko porobena ar sulukren samaṅokʼakʼ lekate aema ḍaṅgrako dãṛẽketʼkoa.

Exodus 24:5 Referans Kwoze

Exodus 18:12

Inạ tayom Jethro do Isor ńutumte jeredokʼ samaṅokʼakʼ ar eṭakʼ dãṛẽko lạgitʼ janwarkoe ạguketʼkoa. Ar ona tayom Aron ar Israelren sanam murubbiko do Isor samaṅre Moseren hońhartetʼ sãote jojomko duṛupʼena.

Exodus 19:22

Ar Probhu Isor ṭhenko sorokʼkan naekeko hõko saphakʼma. Ar bako saphakʼ khan Probhu Isor do kajak sạjạiye emakoa.”

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Sereńko 50:5

Uni doe meneda, “Iń botorạń kanko do iń ṭhen jarwakom, one okoe do janwar dãṛẽko hotete ińakʼ bondobosko ataṅ akatʼ.”