Exodus 24:3 - সান্তালী বাইবেল

³ Mose do ruạṛkate Probhu Isorakʼ katha tinre hoṛko ṭhene lạikeda ar uniyakʼ sanam ạnkoe sodorkeda unre hoṛko do mitʼ domteko menkeda, “Probhu Isor cetʼ cetʼkoe menakatʼ ale do ona jotole manaoa.”

Exodus 24:3 Referans Kwoze

Exodus 19:8

Noa katha ańjomkate hoṛko do mitʼ domteko menkeda, “Probhu Isor okaṭakʼe menakatʼ ale do jotogele onkaea.” Ar hoṛko okako menketʼ Mose do ona Probhu Isore baḍae ocokedea.

Exodus 24:7

Ona tayom uni do bondobos olakʼ puthi hataokate hoṛkoe paṛhao ańjomatʼkoa. Unre hoṛko doko roṛ ruạṛadea, “Ale dole bataoa ar Probhu Isor okakoe menakatʼ ona jotowakʼle palona.”

Josuạ 24:22

Unre Josuại metatʼkoa, “Ape do niạ kathate apnarge aperen gohape hoyena, Probhu Isor gepe sewawaea mente.” Onkoko roṛ ruạṛkeda, “Hẽ, ale do goha gele hoyena.”

Dosar Biboron 6:1

“Aperen Probhu Isor do niạko hukum ar ạn-ạriko cetʼape lạgitʼ ińe hukum akawadińạ, jemon jordan gaḍa paromkate okaṭakʼ disạm ạidạri lạgitʼpe calakʼkan onḍe onape manao idiy.

Dosar Biboron 5:1

Mose do sanam Israelko hohoatʼkoteye metatʼkoa, “E Israelko, teheń ape ṭhen okako niạm ar hukumiń sodoretʼkan ona baṛe ańjompe. Ar onako cetʼ dohokakʼpe ar joton salakʼ manao idiype.

Dosar Biboron 4:5

“Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Dosar Biboron 11:1

“Aperen Probhu Isor dulạṛepe ar uni okae khojkan ona baṛe kạmipe ar uniyakʼ niạmko, hukumko bataotaepe.

Dosar Biboron 5:31

menkhan am do iń ṭhen nonḍe tahenme. Iń do hukumko ar ạn-ạrikoń emama okaṭakʼ do onko cetʼako hoyokʼtam, jemon ạidạri lạgitʼ okaṭakʼ disạmiń emako lạgidokʼkan onḍe onako manao idiy.’

Exodus 24:2

Menkhan am do eskarge iń ṭhenem rakapʼ hijukʼa, ar eṭakʼko do aloko hijukʼma. Noko chaḍa eṭakʼ Israel hoponko jemon am sãote aloko rakapʼ hijukʼ.”

Josuạ 24:24

Unre sanamkoge Josuạko metadea, “Ale do aleren Probhu Isor gele sewawaea ar uniyakʼ hukumkogele manaotaea.”

Jirimiạ 11:4

Tinre iń do aperen hapṛamko Misor disạm khon, mẽṛhẽtʼ bhaṭa khoniń oḍok ạguletʼkoa unre noa menkate onkoń hudisatʼko tahẽkana, ‘ape do ińakʼ katha ańjompe ar iń okaṭakʼ cekaeyiń hukum akawatʼpe ona onkaepe, enḍekhan ape do ińren hoṛpe hoyokʼa ar iń do aperen Isorgeń hoyokʼa.

Jirimiạ 34:13

“Iń Israelren Probhu Isoriń meneda, aperen hapṛamko tinre Misor disạm khon, golam oṛakʼ khoniń oḍok ạguletʼkoa unre onko do noa bondobos lekateń metatʼko tahẽkana,

Malaki 2:10

Abo sanamkoren baba do cetʼ uni mitʼ babageye baṅkana? Mitʼṭen Isorge cetʼ abo do bae sirjạu akatʼbona? Enḍekhan cedakʼ mitʼ hoṛ do armitʼ hoṛ sãote bin pạtiạr bon hoyokʼkante aboren hapṛamko lạgitʼ doho akan bondobos bon bemanotetʼ kana?

Josuạ 24:21

Onate hoṛko do Josuạko metadea, “Baṅa, ale do Probhu Isor gele sewawaea.”

2 Bõsbudạ 15:14

Onko do rạskạte ãṭ aṛaṅte sakwa ar pẽpṛẽtʼ oroṅate Probhu Isor ṭhenko kiriạyena.

2 Bõsbudạ 15:15

Niạ kiriạ iạte Jihudạ disạmren sanam hoṛ doko rạskạyena, ente goṭa ontortege onko doko kiriạlena. Onko do Isorakʼ monejoṅakʼko baḍae lạgitʼgeko khojletʼa arko baḍaekeda.

Sereńko 50:5

Uni doe meneda, “Iń botorạń kanko do iń ṭhen jarwakom, one okoe do janwar dãṛẽko hotete ińakʼ bondobosko ataṅ akatʼ.”

Hagae 2:5

Ape tinre Misor disạm khonpe oḍok hecʼlena unre ape ṭhen noageń gokʼleda, ar ińren Jiu do ńithõ ape talare menaea. Ape do alope botorokʼa.