Biblia Todo Logo
Bib sou entènèt

- Piblisite -




Exodus 24:2 - সান্তালী বাইবেল

2 Menkhan am do eskarge iń ṭhenem rakapʼ hijukʼa, ar eṭakʼko do aloko hijukʼma. Noko chaḍa eṭakʼ Israel hoponko jemon am sãote aloko rakapʼ hijukʼ.”

Gade chapit la Kopi




Exodus 24:2
12 Referans Kwoze  

Ar Mose do rakapʼ rakapʼte ona rimil bhitriteye boloyena. Uni do pongel siń ar pongel ńindạ ona bururegeye tahẽyena.


Mose buruteye rakapʼ calakʼ jokhecʼ buru do rimilte esetʼena,


Noa katha ańjomkate Mose do acʼren gokʼṛoyicʼ Josuại soṅgekedea are mohnḍayena. Ar ona tayom uni do Isorakʼ buruteye rakapʼena.


Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.


“Jordan reakʼ bir khon cetʼleka dhạcri kul do sikạr lạgitʼe oḍokʼ hijukʼ onkage mitʼ ripitʼre Edom do acʼakʼ disạm khoniń laga ńirea. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”


Onkoren mukhiyạ do onkoren mitʼ hoṛe hoyokʼtakoa; onko tala khonge ḍanṭaoicʼe rakabokʼa. Iń do uniń hohoaea ar uni do iń ṭhene hijukʼa, ente bạń hohoae khan uni do cetʼ dil salakʼ iń ṭhene hecʼdaṛeakʼa?


Uni do Korah ar uni dolren hoṛkoe metatʼkoa, “Gapage Probhu Isor doe udukʼ abona okoe do uniren kanako ar okoe do uni ńutumteko begar ocoakana. Unige acʼren hoṛko acʼ samaṅreye sen ocoakoa. Ar okoeye bachao akawan unige acʼ samaṅreye sor ocoaea.


Hoṛko do sạṅgińreko teṅgo tahẽyena ar Mose do Isor ṭhen ona dhund rimil secʼe rakapʼ calaoena.


Tayomte Probhu Isor do Moseye metadea, “Aron, Nadab, Abihu ar Israelkoren eaegel murubbiko soṅgekate am do iń ṭhen rakapʼ hijukʼme. Ar rakapʼ hijukʼ jokhecʼ sạńgińre tahen khonge taberate ińpe sewawạńạ.


Mose do ruạṛkate Probhu Isorakʼ katha tinre hoṛko ṭhene lạikeda ar uniyakʼ sanam ạnkoe sodorkeda unre hoṛko do mitʼ domteko menkeda, “Probhu Isor cetʼ cetʼkoe menakatʼ ale do ona jotole manaoa.”


Hoṛko lạgitʼ buru goṭa beṛhaete am do mitʼṭecʼ simạnam ṭhik dohokakʼa arem sontorkoa, jemon buru cetante aloko rakabokʼ se buruhõ aloko joṭed. Ar okoe ona burui joṭeda uni do khạṭigeye gocʼ ocokʼa.


Swiv nou:

Piblisite


Piblisite