Exodus 24:18 - সান্তালী বাইবেল

¹⁸ Ar Mose do rakapʼ rakapʼte ona rimil bhitriteye boloyena. Uni do pongel siń ar pongel ńindạ ona bururegeye tahẽyena.

Exodus 24:18 Referans Kwoze

Dosar Biboron 9:9

Ar Probhu Isor okaṭakʼ bondobos ape lạgitʼe dohoakatʼ ona bondobos olakatʼ dhiri paṭakin hatao lạgitʼ iń do buru coṭre pongel siń ar pongel ńindạń tahẽkana. Unre iń do dakʼ hõ bạń ńũleda ar piṭhạ hõ bạń jomleda.

Dosar Biboron 10:10

“Lahate leka iń do niạ dhao hõ pongel siń ar pongel ńindạ buru cetanreń tahẽkana ar Probhu Isor do ińakʼ kathae ańjomketʼtińạ. Ar ape maraope reakʼ sana do baṅ tahẽkantaea.

Exodus 34:28

Sinại burure Mose do Probhu Isor ṭhen pongel siń ar pongel ńindại tahẽkana. Ar inạ oktere uni do piṭhạ se dakʼ cetʼge bae jom-ńũleda. Probhu Isor do dhiri cạktikin cetanre acʼakʼ bondobos reakʼ kathako arhõe olkeda, ar onage gel hukum do hoyena.

Dosar Biboron 9:25

“Probhu Isor do marao giḍipe reakʼ kathae menletʼ iạte iń do pongel siń ar pongel ńindạ Probhu Isor samaṅre ikhṛum akaniń tahẽkana.

Dosar Biboron 9:18

“Probhu Isorakʼ mẽtʼãhã samaṅre nonkanakʼ kạikate ape do uniyakʼ edrepe rakapʼ ocoketʼtaete iń do lahate leka arhõ pongel siń ar pongel ńindạ Probhu Isor samaṅre ikhṛum hapegeń tahẽyena; dakʼ se piṭhạ cetʼge bạń jom ńũleda.

Luk 4:2

Unre Soetan do Jisu laloce udukʼaete kạire ńurhạye reakʼe kurumuṭukeda. Ar niạ pongel din Jisu do cetʼge bae jomleda; ar onako din purạuen khan uni do reṅgecʼkedea.

Mark 1:13

Ar pongel din hạbicʼ Soetan do Jisu laloce udukʼadea ar kạire ńurhạye lạgitʼe kurumuṭukeda. Onḍe do aema bir janwarko tahẽkana, ar serma goḍetko hõ uniko sapʼsorae kan tahẽkana.

Mathae 4:2

Onḍe uni do pongel siń ar pongel ńindại upạsketʼ khan reṅgecʼkedea.

1 Rapajko 19:8

Onate uni do beretʼkateye jomkeda. Ar ona jomkateye daṛeyente uni do pongel siń pongel ńindạ taṛamate Isorakʼ Horeb buruteye seṭerena.

Exodus 24:17

Israelkoakʼ mẽtʼre Probhu Isorakʼ ṭhonok do jolokʼ seṅgel leka buru reakʼ cuṛạre ńelena.

Exodus 19:20

Probhu Isor do Sinại buru coṭreye pheḍ hecʼente Moseye hohoadea ar Mose do buru coṭteye rakapʼena.

Exodus 9:33

Ona tayom Mose do Pharao ṭhen khone oḍok senena. Ar nagraha khon oḍok kate uni do Probhu Isor ṭhen ti tulkateye koekeda. Unre rimil saḍe ar arel ńurokʼ thirena. Ar dakʼ ńurokʼ hõ thirena.

Exodus 9:29

Mose do uniye metadea, “Nagraha khon oḍok katege iń do Probhu Isor ṭhen ti tulkateń koejoṅa. Onate huḍur ar arel ńurokʼ hõ thirokʼa. Ar noatem bujhạu daṛeakʼa, dhạrti do Probhu Isorakʼ kangea.

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Exodus 25:1

Probhu Isor do Moseye metadea,

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

1 Rapajko 19:11

Unre Probhu Isore menkeda, “Am do oḍok hecʼkate buru coṭre iń samaṅre teṅgokʼme.” Un jokhecʼ Probhu Isor do onkateye parom calakʼkan tahẽkana, ar uni samaṅre mitʼṭecʼ maraṅ daṛeanakʼ hoe do burukoe oṛecʼketʼte bar hạṭińena ar sanam dhiriko do rạputʼ gejerena, menkhan ona hoere Probhu Isor do bae tahẽkana. Ar ona hoe tayom do dhạrti laṛaoena, menkhan onare hõ Probhu Isor do bae tahẽkana.

Dosar Biboron 5:31

menkhan am do iń ṭhen nonḍe tahenme. Iń do hukumko ar ạn-ạrikoń emama okaṭakʼ do onko cetʼako hoyokʼtam, jemon ạidạri lạgitʼ okaṭakʼ disạmiń emako lạgidokʼkan onḍe onako manao idiy.’