Exodus 24:16 - সান্তালী বাইবেল

¹⁶ Ar Sinại burure Probhu Isorakʼ ṭhonok sodorena. Turui din hạbicʼ buru do rimilte danaṅge tahẽyena. Ona tayom eae din hilokʼre ona rimil tala khon Probhu Isor do Moseye hohoadea.

Exodus 24:16 Referans Kwoze

Exodus 16:10

Aron do tinre Israelko sãote kathae roroṛkan tahẽkana unre onko do hahaṅkar secʼko beṅgetʼketʼ khan, onḍe rimilre Probhu Isorakʼ ṭhonokko ńelkeda.

Numeri 16:42

Menkhan somajren sanam hoṛko tinre Mose ar Aron upạrte jarwakate ńapamokʼ tạmbu secʼko samaṅkeda unre ackage ńapamokʼ tạmbu do ona rimilte danaṅena ar Probhu Isorakʼ ṭhonok sodorena.

Jeheskel 1:28

Dakʼ dinre rimil tala khon liṭạ akʼ leka ona beṛhaete ona marsal do ńelokʼkan tahẽkana. Okań ńelketʼ ona do Probhu Isorakʼ ṭhonokge tahẽkana. Ona ńelte iń do otreń ombakʼena ar mitʼ hoṛ katha roroṛiń ańjomkedea.

Sereńko 99:7

Uni do rimil reakʼ khunṭi khone roṛetʼkan tahẽkana; onko do uniyakʼ katha ar hukumko manaoetʼ tahẽkana.

Numeri 14:10

Menkhan onko do Josuạ ar Kaleb dhirite tiń gocʼkin lạgitʼko mepenena. Unre ńapamokʼ tạmbu khon Probhu Isorakʼ ṭhonok do sanam Israel hoponko samaṅre sodorena.

Levitikus 9:23

Inạ tayom Mose ar Aron do ńapamokʼ tạmbu bhitrite kin boloyena. Ar onḍe khon oḍok hecʼkate unkin do hoṛkin bhoratʼkoa. Unre Probhu Isorakʼ ṭhonok do hoṛko samaṅre sodorena.

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Exodus 24:17

Israelkoakʼ mẽtʼre Probhu Isorakʼ ṭhonok do jolokʼ seṅgel leka buru reakʼ cuṛạre ńelena.

Exodus 20:10

menkhan eae din hilokʼ do amren Probhu Isor ńutumte mitʼṭecʼ jirạukʼ din kana. Enhilokʼ do, am ar amren hoponko ar hoponerako, amren guti ar kạ̃ṛmĩko, amren ḍaṅgrako, amren gadhako se eṭakʼ jãhãn janwarko se amakʼ ato se nagrahare girobasokʼ kan eṭakʼ jạtren hoṛko, okoe hõ cetʼge alope kạmiya.

Exodus 19:9

Niạ tayom Probhu Isor do Moseye metadea, “Am sãote tinre kathań roṛa unre jemon hoṛko onako ańjom daṛeakʼ onate iń do mitʼṭen rimil tala khon ape ṭheniń hijukʼa. Enḍekhan hoṛko do jao ghuṛi am cetanre purạ biswạsko dohoya.” Ar hoṛko okako menketʼ Mose do ona Probhu Isore lạiyadea.

Levitikus 9:6

Unre Mose do onkoe metatʼkoa, “Probhu Isorakʼ mạhima ape samaṅre jemon sodorokʼ ar onate uni do noako kạmi lạgitʼe hukum akatʼpea.”

Jesaea 4:5

Enhilokʼ Probhu Isor do Sion buru reakʼ sanam jaega cetanre ar okoe onḍeko jarwakʼ onko cetanre dhũạ reakʼ rimil ar ńindạ do jolokʼkan seṅgel reakʼ marsale sirjạua; ona do sanam Israelkoakʼ mạhima cetanre mitʼṭecʼ chamḍa lekage hoyokʼa.