Exodus 24:14 - সান্তালী বাইবেল

¹⁴ Uni do murubbikoe men oṭowatʼkoa, “Ạliń ạuri liń ruạṛ hijukʼ hạbicʼ ape do nonḍege tạṅgi hataṛpe. Aron ar Hur do ape sãotekin tahẽyena. Hoṛko jhogṛa emanlenre jemon unkin ṭhenko calakʼ.”

Exodus 24:14 Referans Kwoze

Exodus 17:12

Nonkate Moseyakʼ ti do laṅga idiyentaea. Unre unkin do mitʼṭecʼ dhirikin ạgukeda, ar Mose do ona cetanreye duṛupʼena. Ar Aron ar Hur do banar secʼ khon uniyakʼ tikin tul akatʼtae tahẽkana. Onate siń cando ạuriye hạsurokʼ dhạbicʼ uniyakʼ tikin do onkage taheyena.

Exodus 17:10

Josuạ do Mose okalekae metade tahẽkan onkageye kạmikeda. Uni do Amalekiko upạrte lạṛhại lạgitʼe oḍok senena. Ar Mose, Aron ar Hur do ona buru muthniteko rakapʼena.

Genesis 22:5

Unre acʼren gutiye metatʼkinạ, “Gadha ar aben do nonḍege tahẽ hataṛokʼben; ar ińren hopon ar iń do onḍeliń calaolenge. Ar onḍe dewa sewa sạtkate arhõ aben ṭhen liń ruạṛ hijukʼa.”

1 Samuel 10:8

“Am do iń lahate Gilgolte pheḍ calakʼme. Iń do jeredokʼ ar sulukren samaṅokʼakʼ samaṅ lạgitʼ am ṭheniń hijukʼkana. Ar iń ạuriń hijukʼ hạbicʼ am do eae din iń hạbicʼem koyokʼ hora. Ar iń do hecʼkateń lạiyama cetʼ cekae hoyokʼtama.”

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

Exodus 18:16

Ar jãhãn jhogṛa jhạṭi rakapʼ lenkhange onko do ạliń ṭhenko hijukʼa ar ạliń doliń bicạr chinḍạu katako kana, ar Isorakʼ niạm ar hukumko liń bujhạu akokana.”