Exodus 24:12 - সান্তালী বাইবেল

¹² Ona tayom Probhu Isor do Moseye metadea, “Am do buru cetanre iń ṭhen rakapʼ hijukʼme ar thoṛa okte hạbicʼ iń ṭhen tahenme. Iń do hoṛko cetʼako lạgitʼ dhiri cạktireń olakatʼ ạn-ạri ar hukumkoń emama.”

Exodus 24:12 Referans Kwoze

Dosar Biboron 5:22

“Probhu Isor do noako hukum ona buru cetanre seṅgel, rimil ar kaṛaṅ ńut khon sanamko ṭhen ãṭ aṛaṅteye sodorleda. Ona chaḍa uni do ape ṭhen ar jãhãnakʼ bae menleda. Tayomte uni do barea dhiri reakʼ paṭare onako olkate ińe emadińạ.

Exodus 31:18

Sinại buru cetanre Mose ṭhen niạko kathae roṛ mucạtʼketʼ khan Probhu Isor do goha reakʼ barea dhiri cạktiye emadea. Isor do noakin dhiri cạktire acʼakʼ kạṭupʼte hukume olleda.

Ibriko 9:4

Noa hạṭińre dhup jered lạgitʼ sona reakʼ pinḍ ar bondobos reakʼ sunduk tahẽkana. Ona sunduk do beṛhaete sonate tolakatʼ tahẽkana. Ar ona cetanre sona reakʼ bhajanre dohoakatʼ Manna, ar Aronakʼ oka ṭheṅgare baha bhoṭokʼlen ona ṭheṅga, ar bondobos olakʼ dhiri reakʼ barea paṭa.

2 Korinthiko 3:3

Apege Mạsiyakʼ ciṭhi ar aleakʼ kạmiko reakʼ jo kanpe ona do pusṭạutege ńelogokʼ kana. Noa ciṭhi kạlite olakʼ do baṅkana menkhan jiwetʼ Isorren Jiu hotetege olakana. Noa do jãhãn dhiri paṭare baṅ olakana, menkhan manwakoakʼ ontorrege olakana.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

2 Korinthiko 3:7

Dhirire olakʼ oka bondobos hotete moron hijukʼkan ona bondobos emokʼ jokhecʼ Isorakʼ do ṭhonok sodorlena. Onate Moseyakʼ mẽtãhã hõ Isorakʼ ṭhonokte perecʼlena. Ar ona ṭhonok do bại bạite komao idiyenre hõ Israelko do Moseyakʼ mẽtʼãhã secʼ bako beṅgetʼ daṛeada.

Dosar Biboron 4:14

Jordan gaḍa paromkate okaṭakʼ disạmpe ạidạri lạgidokʼkan ona disạmre senkate okako niạm ar ạn-ạriko manao hoyokʼtapea ona reakʼ sikhnạt emokʼ lạgitʼ unre Probhu Isor do ińe hukumạdiń tahẽkana.

Exodus 24:18

Ar Mose do rakapʼ rakapʼte ona rimil bhitriteye boloyena. Uni do pongel siń ar pongel ńindạ ona bururegeye tahẽyena.

Exodus 24:15

Mose buruteye rakapʼ calakʼ jokhecʼ buru do rimilte esetʼena,

Exodus 24:2

Menkhan am do eskarge iń ṭhenem rakapʼ hijukʼa, ar eṭakʼko do aloko hijukʼma. Noko chaḍa eṭakʼ Israel hoponko jemon am sãote aloko rakapʼ hijukʼ.”

Mathae 5:19

Onate jãhãege noa kạṭicʼ utạrakʼ hukumko modre mitʼ goṭecʼe rạpud ar onkage hoṛkoe cetʼako, uni do serma rajre huḍiń utạricʼe ńumogokʼa. Menkhan jãhãege onakoe senakʼ are cetʼako uni do serma rajre maraṅe ńum ocokʼa.

Nehemiạ 9:13

“Am do Sinại buru cetanrem pheḍ hecʼlena ar serma khon onko sãote katham roṛleda. Ona jokhecʼ am do dhorom reakʼ hukum, ṭhikakʼ ạn-ạriko, bhage niạmko ar hukumkom ematʼko tahẽkana.

Esra 7:10

Esra do Israel disạmre Probhu Isorakʼ ạn-ạriko paṛhao ańjomako, onako manao, ar ona reakʼ niạmko ar hukumko cetʼako lạgitʼ apnartetʼe emena.

Exodus 34:1

Inạ tayom Probhu Isor do Moseye metadea, “Pạhilakʼ dhiri cạktikin leka arhõ benaome. Ar amakʼ rạputʼakʼ dhiri cạktikinre okako katha ol tahẽkan niạ nãwã dhiri cạktikinre hõ onkageń olama.

Dosar Biboron 5:31

menkhan am do iń ṭhen nonḍe tahenme. Iń do hukumko ar ạn-ạrikoń emama okaṭakʼ do onko cetʼako hoyokʼtam, jemon ạidạri lạgitʼ okaṭakʼ disạmiń emako lạgidokʼkan onḍe onako manao idiy.’

1 Rapajko 19:11

Unre Probhu Isore menkeda, “Am do oḍok hecʼkate buru coṭre iń samaṅre teṅgokʼme.” Un jokhecʼ Probhu Isor do onkateye parom calakʼkan tahẽkana, ar uni samaṅre mitʼṭecʼ maraṅ daṛeanakʼ hoe do burukoe oṛecʼketʼte bar hạṭińena ar sanam dhiriko do rạputʼ gejerena, menkhan ona hoere Probhu Isor do bae tahẽkana. Ar ona hoe tayom do dhạrti laṛaoena, menkhan onare hõ Probhu Isor do bae tahẽkana.

Exodus 19:3

Mose do burute Isor ṭhene rakapʼena. Ona jokhecʼ Probhu Isor do buru cetan khon hohoadeteye menkeda, “Am do Jakob bõsren Israelkom metakoa,

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

Nehemiạ 9:14

Amge amakʼ sonot jirạukʼ mãhã reaṅem baḍae ocoletʼkoa ar amren guti Mose hotete hukum ar ạn-ạrikom ematʼkoa.

Sereńko 19:12

Apnarakʼ bhul do okoeye bujhạu daṛeakʼa? Ińakʼ bin baḍae dosko reakʼ baṛe ikạitińme.