Exodus 24:1 - সান্তালী বাইবেল

¹ Tayomte Probhu Isor do Moseye metadea, “Aron, Nadab, Abihu ar Israelkoren eaegel murubbiko soṅgekate am do iń ṭhen rakapʼ hijukʼme. Ar rakapʼ hijukʼ jokhecʼ sạńgińre tahen khonge taberate ińpe sewawạńạ.

Exodus 24:1 Referans Kwoze

Numeri 11:16

Probhu Isor do Moseye metadea, “Israelko talare okoe do mukhiyạ arko lekman hoṛkan onko modren nonkan eaegel murubbiko iń ṭhenem ạgukoa. Onko do ńapamokʼ tạmbu ṭhen hecʼkate am sãote teṅgokʼ lạgitʼem metakoa.

Exodus 6:23

Aronren hopon doko hoyokʼ kana Nadab, Abihu, Eleasar ar Ithamar. Aron do Aminadabren hoponera Nahsonren misera Elisebae baplaledea ar uni khonge noko doko janamlena.

Exodus 28:1

“Am do Israelko mod khon amren boeha Aron ar uniren hoponko Nadab, Abihu, Eliasar ar Ithamor am ṭhenem hoho ạgukoa. Onko do naeke lekate ińko dewa sewawạńạ.

Exodus 19:24

Unre Probhu Isor do Moseye metadea, “Am do latarte pheḍokʼme. Ona tayom am ar Aron do arhõ cetante rakapʼ hijukʼ ben. Menkhan naekeko ar hoṛko do simạna paromkate iń ṭhen jemon aloko rakapʼ hijukʼ. Arko hijukʼ khan iń do ạḍi bạṛicʼ iń sạjạikoa.”

Luk 10:17

Ado onko eaegel celako do rạskạte ruạṛ hecʼkateko metadea, “E Probhu Isor, amakʼ ńutumle ńumetʼ khange bhutko hõ aleakʼ kathako ańjometʼ kana.”

Luk 10:1

Ona tayom Probhu Jisu do arhõ eaegel celako porcar kạmi kolko lạgitʼe bachaoketʼkoa. Ar acʼ do okako ato ar jaegakote calakʼ lạgitʼe goṭa akatʼ tahẽkan, onako jaega calakʼ lahare uni do babar hoṛkateye kolkatʼkoa.

Jeheskel 8:11

Onako samaṅre Israelren gel eae murubbiko teṅgo akan ar onko talare Saphan hopon Jasaniạ teṅgo akaniń ńelkedea. Ar onko mimitʼkoakʼ tire do mitʼṭecʼkate dhup dạni tahẽkana ar ona khon dhũạ do rimil cetan secʼ rakabokʼkan tahẽkana.

1 Bõsbudạ 6:3

Omramren hoponko doko hoyokʼkana Haron, Mose ar Mạriạm. Haronren hopon doko hoyokʼkana Nadam, Abihu, Eliaser ar Ethamar.

Exodus 34:2

Am do gapa setakʼre sapṛaokate sinại burute rakapʼ hijukʼme. Iń do onḍe buru muthnire am samaṅreń hạjirokʼa.

Exodus 24:15

Mose buruteye rakapʼ calakʼ jokhecʼ buru do rimilte esetʼena,

Exodus 24:9

Noa tayom Mose, Aron, Nadab ar Israelkoren eae gel murubbiko do buru coṭte rakapʼ senkate Israelren Isorko ńelkedea. Uniyakʼ jaṅga talka do sapha rimilre Nilkanto monite bạisạu akatʼ leka tahẽkana.

Exodus 20:21

Hoṛko do sạṅgińreko teṅgo tahẽyena ar Mose do Isor ṭhen ona dhund rimil secʼe rakapʼ calaoena.

Exodus 19:20

Probhu Isor do Sinại buru coṭreye pheḍ hecʼente Moseye hohoadea ar Mose do buru coṭteye rakapʼena.

Exodus 19:9

Niạ tayom Probhu Isor do Moseye metadea, “Am sãote tinre kathań roṛa unre jemon hoṛko onako ańjom daṛeakʼ onate iń do mitʼṭen rimil tala khon ape ṭheniń hijukʼa. Enḍekhan hoṛko do jao ghuṛi am cetanre purạ biswạsko dohoya.” Ar hoṛko okako menketʼ Mose do ona Probhu Isore lạiyadea.

Exodus 3:5

Probhu Isore menkeda, “Ar alom sorokʼa. Amakʼ jaṅga reakʼ panahe bojtam. Ente am do sonot ṭhạ̃irem teṅgo akana.

Exodus 24:2

Menkhan am do eskarge iń ṭhenem rakapʼ hijukʼa, ar eṭakʼko do aloko hijukʼma. Noko chaḍa eṭakʼ Israel hoponko jemon am sãote aloko rakapʼ hijukʼ.”

Dosar Biboron 1:15

Ona iạte aperen gusṭiko khon ạkilanko, bujhạntar hoṛko, namḍak hoṛko hataokate ape cetanre, hajarko cetanre, saeko cetanre, mõṛẽgelko cetanre, gelko cetanre mathako ar judạ judạ kạmiyạkoń bahalketʼkoa.