Exodus 23:8 - সান্তালী বাইবেল

⁸ Ghus alom joma, ente okoeyakʼ mẽtʼ menakʼ uni hõ ghusteye kãṛã ocokʼa. Ghus do dhorom hoṛakʼ katha hõe ulṭạu ocoya.

Exodus 23:8 Referans Kwoze

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

Jesaea 5:23

okoe do ghus jomkate dusiyicʼko aṛakʼede ar bin dusiyicʼ do hok reakʼ bako bicạretʼtae.

Kạhtukko 17:23

Bedhoromicʼ do gocha khon ghuse hataoeda hok reakʼ horko konḍeyae lạgitʼ.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.

1 Samuel 8:3

Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.

Sosolhayic̕ 7:7

Ạkilan hoṛe julum khan uni do bebujicʼ lekae hoyokʼa, ar ghus do buje nosṭoea.

Kạhtukko 17:8

Okoe hoṛ ghuse emokʼ uni ṭhen ona do guni reakʼ dhiri leka; uni jãhã secʼgeye beṅgetʼ ạcur ontege jo bahakʼkana.

Sereńko 26:10

Onkoakʼ tire do bạṛicʼ pontha menakʼa, onkoakʼ jojom ti do ghuste perecʼgetakoa.

1 Samuel 12:3

Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”

Dosar Biboron 10:17

Aperen Probhu Isor do sanam isorkoren Isor ar sanam probhu koren Probhu kanae. Uni do maraṅ utạricʼ, daṛeanicʼ ar botoranicʼ Isor kanae. Uni do okoeyakʼ mẽtʼãhã hõ bae beṅgetʼakʼa ar ghushõ bae hataoa.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Amos 5:12

Ińiń baḍaea apeakʼ behokʼakʼko do tinạkʼ ḍhertapea ar apeakʼ ghạṭko hõ tinạkʼ bạ̃ṛtitapea mente! Ape do dhorom hoṛpe santaoetʼkoa ar ghuspe jomeda; ar nagraha reakʼ phaṭok duạr ṭhen reṅgecʼ hoṛkoakʼ hok reakʼ do bape bicạretʼa.

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Kạhtukko 19:4

Dhon do aema gateye ńamkoa, menkhan reṅgecʼ hoṛ do acʼren gateye adeya.

Hosea 4:18

Onko do bubulakʼko tinreko ńũ sạta unre onko do loṭghuṭiko ehoba; onkoren disạm cakʼlaoko do lajao paṛaoakʼ colongeko kusiyakʼa.

Jesaea 1:13

Ạuṛiyakʼ samaṅokʼakʼ jinis do ar alope ạguiya. Iń do apeakʼ dhup jeredokʼakʼ doń hirkhạwakʼ kana. Molokʼ cando, jirạukʼ mãhã, dhorom sabha ar porobko reakʼ bedhoromakʼ kheloḍko iń do ar bạń sahao daṛeakʼ kana.

Sereńko 15:5

Uni do sud chaḍa pańcate ṭakae emokʼa, ar ghus bae hataoa ar miridoskoakʼ hõ bae khutiytakoa. Okoe nonkae kạmiyetʼkan uni do jaoge teṅgo ṭak akane tahena.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jesaea 5:22

Hae, onko hoṛ do, okoe doe darkha rasa hoṅgorkoren guru ar bubulakʼ mesalakʼ kạmireko gạkhuṛge,

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.