Exodus 23:6 - সান্তালী বাইবেল

⁶ “Jãhãe reṅgecʼ hoṛakʼ mamblare behok alom bicạra.

Exodus 23:6 Referans Kwoze

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jirimiạ 5:28

Onko do moṭa arko cĩkạ̃ṛ akana. Onkoakʼ bạṛicʼ kạmi reakʼ simạko do bạnukʼtakoa; ṭũạr amarko jemon hok reakʼ bicạr aloko ńam onate onko secʼ bako teṅgokʼ kana ar nacarkoakʼ ạidạri hõ bako rukhiyạyetʼtakoa.

Sosolhayic̕ 5:8

Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.

Dosar Biboron 27:19

‘Sarapangeae uni hoṛ do, one okoe do upriạko, ṭũạr amarko ar rạnḍi maejiuko cetanreye behoketʼkan.’ Unre sanam hoṛko mena, ‘Amen.’

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

Levitikus 19:15

“Behok lekate alope bicạra. Bicạr do alope kạṭicʼ lạṭuya; menkhan mimitʼko lạgitʼ hok reakʼ bicạr chinḍạupe.

Jirimiạ 7:6

ar bidisiạko, ṭũạr amarko se rạnḍiko bape santaoko ar niạ disạmre miridoskoakʼ mãyãm bape joro ocoy ar eṭakʼ debotako bape pańjako,

Jirimiạ 6:28

Onko do jotoge huhulko kanako; onko do okta cintại lạgitʼko dãṛãbaṛaea. Onko do pitạl ar mẽṛhẽtʼ lekan kanako; ar jotogeko kharap caba akana.

Jobakʼ 31:13

“Ińren guti kạ̃ṛmĩko do iń upạrte jãhãn mamblako ạgulere ar ona bicạr chinḍạu lạgitʼ bạń rạjikʼ khan,

2 Bõsbudạ 19:7

Probhu Isorge baṛe botoraepe. Ar sontorte bicạrpe, ente behok, mẽtʼãhã beṅgetʼakʼ ar ghus jojomko tulucʼ aboren Isorakʼ do cetʼ helmelge bạnukʼtaea.”

1 Samuel 8:3

Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.

Kạhtukko 18:5

Bedhoromicʼakʼ mẽtʼãhã beṅgetʼakʼ do baṅ bhagea, onate dhoromicʼe behokʼ ocokʼa.

Kạhtukko 22:22

Mitʼṭen hoṛ doe nandange iạte uniyakʼ jinisko alom hataotaea, ar bicạrre harkhetokʼ hoṛ do alom maraoea.

Kạhtukko 31:5

Bubulakʼ ńũite onko do ạn ạrikoko hiṛińa, ar santaokʼkanko secʼ behokakʼko bicạra.

Jesaea 5:23

okoe do ghus jomkate dusiyicʼko aṛakʼede ar bin dusiyicʼ do hok reakʼ bako bicạretʼtae.