Exodus 23:21 - সান্তালী বাইবেল

²¹ Ape do uniyakʼ kathape ańjoma ar uniyakʼpe manaotaea. Uni upạrte mon alope haṛhatʼ ocoytapea. Apeakʼ hul do bae ikạitapea, ente iń do unirege minạńa.

Exodus 23:21 Referans Kwoze

Sereńko 78:56

Menkhan enrehõ onko do maraṅ Isorko biḍạukedea ar uni upạrteko hulkeda; ar uniyakʼ hukum do bako manaoleda.

Sereńko 78:40

Hahaṅkarre samani dhao uni upạrteko hulleda, ar ona hahaṅkarre samani dhao uniko duk ocokedea?

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Johan 10:38

Menkhan ińiń kạmikan khan iń bape pạtiạuạńre hõ ińakʼ kạmiko baṛe pạtiạuakʼpe. Onatepe baḍaea arpe bujhạu daṛeakʼa, Baba do ińre menaea ar iń do Babare minạńa.”

Johan 10:30

“Iń ar Baba doliń mitʼgea.”

Josuạ 24:19

Niạ katha ańjomkate Josuạ do hoṛkoe metatʼkoa, “Menkhan ape do uni bape sewa daṛeaea, ente uni doe sonot Isor kana, acʼakʼ paona bhokti do okoe hõ bae ńam ocoakoa. Uni do apeakʼ kại ar ghạṭko bae ikạitapea.

Exodus 3:14

Isor do Moseye metadea, “Menayicʼ doń iń kangea ‘Iń kangeạń uni do. Am do Israelkom metakoa, ‘Iń kangeạń’ ar ińge onko ṭheniń kol akatʼmea.

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiyakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

Ephesiko lạgitʼ Pạul Apostolakʼ ciṭhi 4:30

Isorren sonot Jiu do alope mon duk ocoyea, one uni hotete Isor do chaḍaokʼ reakʼ din hạbicʼ apeye mohor chap dohoakatʼpe.

Dosar Biboron 18:19

Uni nạbi do ińakʼ ńutumte oka kathae lại ar jãhãege ona katha bae ańjom, enḍekhan ińge uni hoṛ do dạyireń paṛao ocoyea.

Numeri 14:11

Probhu Isor do Moseye metadea, “Onko do ar tinạkʼ din ińko nihạ̃tińạ? Onko talare cinhạkoń udukʼ akatʼrehõ ar tinạkʼ din ińre bepạtiạuko tahena?

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.

Numeri 14:35

Noko bạṛicʼ jạtren hoṛko okoe do iń upạrte dolko pakaoetʼ onko sanamkoge niạ hahaṅkarreń marao cabakoa. Iń Probhu Isorge noa katha doń meneda.”

Exodus 32:34

Ańjomme, iń okaṭakʼ jaega reakʼ kathań roṛakatʼ ńitokʼ am do senkate hoṛko onḍe idikom. Ińren goḍet do hore udukʼ idiapea. Ar tinre sạjại reakʼ okte hijukʼa unre onkoń sạjạikoa.”

Exodus 6:3

Iń sanam daṛeanicʼ Isorge Abraham, Isahak ar Jakob ṭheniń ńel ocokʼkan tahẽkana, menkhan Probhu Isor lekate okoe kạnạń mente ona do bạń sodoretʼ tahẽkana.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Johan sodor 2:8

“Smurnạ naṅgrha reakʼ manḍerren goḍet ṭhen noa katha olme: “Okoe doe etohopʼ are mucạtʼicʼkan, ar okoe doe gocʼlen are jiwetʼ beretʼen, uni do noa kathae meneda.

Johan sodor 1:8

Probhu Isore meneda, “Ińge Alpha ar Omega, one okoe do menaege, are tahẽkan are hijukʼkan. Ar iń kangeạń sanam daṛeyicʼ do.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Johan sodor 3:7

“Philạḍelphiạ nagraha reakʼ manḍerren goḍet ṭhen noa katha olme: Okoe do sonot are sạriyicʼkan, ar okoe ṭhen Dạudakʼ choṛan menakʼ, one uniye jhicʼlere okoege bako siń daṛeakʼ are sińlere okoe hõ bako jhicʼ daṛeakʼ,

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅ ma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

Ibriko 3:16

Ar okoe baṅ Isorakʼ katha ańjomkate hõ uniko ạṛis ocolede? Onko do cetʼ noko hoṛ doko baṅkana one okoeko Mose do misor disạm khone oḍok ạguletʼko?

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Jirimiạ 5:7

Probhu Isore meneda, “E Jerusalem, am do cedakʼ iń ikạmea? Amren hoponko doko bạgi giḍiakadińạ ar okoe do Isorko baṅkan onkoakʼ ńutumteko kiriạkʼ kana. Iń do onkoakʼ jạruṛokʼakʼ jotowakʼ iń purun akatʼtakore hõ, enhõ onko doko laṭghaṭ akada ar kusumbikoakʼ oṛakʼte gad gadko calaoena.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 45:6

Jemon purub khon pạchim secʼren hoṛko baḍae daṛeakʼ, iń chaḍa ar cele Isorge bạnukʼkoa. Ar iń kangeạń Probhu Isor do, eṭagicʼ ar okoehõ bạnugicʼan.

Jesaea 42:8

“Iń kangeạń Probhu Isor do, ińakʼ ńutum do niạ kangea. Ińakʼ man ar sabasi do eṭakʼ boṅga murhutʼko bạń em ocoakokana.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Sereńko 83:18

Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.

Sereńko 72:19

Uniyakʼ ṭhonok do jaejug hạbicʼ sarhao hoyokʼtaema; goṭa dhạrti do uniyakʼ ṭhonokte perejokʼ ma. Amen, Amen.

Dosar Biboron 9:7

“Hahaṅkarre aperen Probhu Isorakʼ edre cetʼlekape rakapʼ ocoletʼtaea ona baṛe disạipe, ar tishõ alope hiṛińa. Misor disạmpe bạgi oṭowakʼ hilokʼ khon nonḍe seṭerokʼ hạbicʼ ape do Probhu Isor birudrepe ṭhok ạguakada.

Bikʼcạrko 13:18

Uniye menkeda, “Ńutum do cedakʼem kuliyediń kana? Ińakʼ ńutum do okoege bako bujhạu daṛeakʼa.”

Jesaea 9:5

Lạṛhại lạgitʼko hạjukʼkan mitʼke mitʼ lạṛhại birkoakʼ panahe, ar mãyãmte lohotʼ akan mitʼke mitʼ kicricʼ do seṅgelre atar ocokʼa.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”