Exodus 23:2 - সান্তালী বাইবেল

² Gel hoṛko behok akatʼ iạte amhõ ona do alom onkaea. Jãhãn mamblare goha emokʼ senkate ḍher hoṛko tulucʼ milạukate hok reakʼ bicạrre tạkicʼakʼ alom hoeocoya.

Exodus 23:2 Referans Kwoze

Kạhtukko 1:15

E bạbu, onko tulucʼ do alom calakʼa, ar onko khon do sahaṛ akae tahenme;

Jobakʼ 31:34

Onate hoṛko do bạń botorako kan tahẽkana, ińakʼ bõsren hoṛkoakʼ hirkhạ botorte oṛakʼre duṛupʼ hape akae hõ bạń tahẽkana.

Dosar Biboron 1:17

Ar bicạrre okoeyakʼ mẽtʼãhã hõ alope beṅgetʼakʼa ar kạṭicʼ lạṭu sanamkoakʼ kathape ańjomtakoa. Bicạr reakʼ kạmi do Isorakʼkangea; onate okoe manwage alope botorakoa. Ar jãhãṭakʼ bicạr kuṭhingepe bujhạu khan ona do iń ṭhenpe ạguiya, ar iń do onań bicạr chinḍạukatakoa.

Luk 23:51

Uni do Jisu babotre bạisiren hoṛko tulucʼ bae mitʼmot daṛeada. Ente uni hõ Isorakʼ raj lạgitʼe koyokʼ hor akatʼ tahẽkana.

Mark 15:15

Ar Pilạt do hoṛko kusi ocoko lạgitʼ Barabbageye aṛakʼatʼkoa, ar Jisu do cạbuke reakʼe hukumketʼte kuruskae lạgitʼe aṛakʼatʼkoa.

Kạhtukko 4:14

Bạṛicʼkoakʼ horte alomgem calakʼa, ar bedhorom hoṛkoakʼ horte hõ alom taṛama.

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Aposkạmi 25:9

Khan Phestus do Jihudiko kusi ocoko lạgitʼ Pạule metadea, “Noako dos reakʼ Jerusalemre jemoniń bicạr daṛeakʼ ona lạgitʼ cetʼ onḍe calakʼem khaṛagea?”

Aposkạmi 24:27

Ado bar bochor paromen khan Pheliks bodol Porkius Phestuse bahalena. Ar Pheliks do Jihudiko kusi ocoko lạgitʼ Pạul do hajotregeye doho oṭokadea.

Jirimiạ 38:9

“E ińren kisạ̃ṛ maharaj, noko hoṛ do Jirimiạ nạbi cetanre okako ceka akatʼ ona do behokakʼ kana. Onko do kuńre uniko giḍi akadea; uni do onḍe reṅgecʼteye gujukʼa, ente nagrahare ar piṭhạge bạnukʼa.”

Jirimiạ 37:21

Unre Sedekiạwakʼ hukum iạte Jirimiạ do pahradarkoakʼ racareko dohokadea, ar goṭa nagrahare piṭhạ ạuri cabakʼ hạbicʼ din hilokʼ piṭhạ bekʼnaoko do kulhi khon mitʼṭecʼkate piṭhạko emaekan tahẽkana. Ar nonkate Jirimiạ do pahradarkoakʼ racaregeye tahẽyena.

Jirimiạ 37:15

Ar onko rajkạmiyạko doko raṅgaoente Jirimiạko dalkedea, ar olokʼicʼ Jonathan oṛakʼre idikateko bondi dohokadea; onko do onage hajot khana lekako benao akatʼ tahẽkana.

Sereńko 72:2

jemon amren hoṛko dhoromteye bicạr daṛeako ar santao ocokʼkanko hõ hok reakʼe bicạrkatako.

Levitikus 19:15

“Behok lekate alope bicạra. Bicạr do alope kạṭicʼ lạṭuya; menkhan mimitʼko lạgitʼ hok reakʼ bicạr chinḍạupe.

Genesis 19:4

Menkhan unkin ạurikin gitijokʼrege Sodomren sanam juạn ar haṛam hoṛko do hecʼkate oṛakʼko esetʼ ạcurkeda.

Genesis 6:12

Isor do dhạrti secʼe beṅgetʼkeda ar goṭage kharap caba akane ńelkeda, ente dhạrtiren manwakoakʼ sobhab do sea akan tahẽkana.

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Jeheskel 9:9

Uni doe roṛ ruạṛadińa, “Israel ar Jihudạren hoṛkoakʼ ghạṭ do ḍhergetakoa; disạm do mãyãmte perecʼ akana ar nagraha do bedhorom kạmire unumakana. Onkoko meneda, ‘Probhu Isor do noa disạme bạgi akawada: onate uni do noako bae ńeletʼkana.’

Dosar Biboron 24:17

“Upriạ ar ṭũạr amarko lạgitʼ behokakʼ reakʼ do alope bicạra. Ar rạnḍi maejiuko ṭhen khon bandhok lekate kicricʼ hõ alope hataoa.

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

Genesis 7:1

Noa tayom Probhu Isor do Noha arhõe metadea, “Am ar am gharońjrenko ape do jahajte bolokʼpe. Ente ińiń ńeleda, hoṛko modre eken amgem dhoromgea.

Hagae 1:4

“Noa do cetʼ ṭhik hoyokʼkana, ape do noksa akatʼ oṛakʼrepe tahenkana ar ińakʼ oṛakʼ do dhaṅdhaserakʼ hoyakantińạ?

1 Samuel 15:9

Menkhan Sạul ar uniren lạṛhại phạdko do Og jiwetʼko dohokedea ar Amalekikoren mońj mońj ḍaṅgrako, bheḍako, bạchurko ar bheḍa hoponko, metakʼme cetʼko bhageakʼ tahẽkan ona joto doko dohoana. Onako marao giḍikakʼ do bako rạjilena, menkhan okạjwạ ar rogako doko marao giḍikatʼkoa.

Kạhtukko 18:5

Bedhoromicʼakʼ mẽtʼãhã beṅgetʼakʼ do baṅ bhagea, onate dhoromicʼe behokʼ ocokʼa.

1 Samuel 15:24

Unre Sạul do Sạmuele metadea, “Iń doń kại akada. Ar Probhu Isorakʼ hukum ar amakʼ kathako bạń manao akada. Hoṛko botorte iń do onkoakʼ katha lekageń kạmi akada.