Exodus 23:19 - সান্তালী বাইবেল

¹⁹ Apeakʼ khet khon rakapʼakʼ pạhil phosol reakʼ bhage utạrakʼ hạṭiń do aperen Probhu Isorakʼ oṛakʼtepe idiya. Ar merom hoponakʼ jel do uniren eṅgatakʼ toa sãote alope isina.

Exodus 23:19 Referans Kwoze

Exodus 34:26

Apeakʼ khet baṛge khon rakapʼakʼ pạhil phosol reakʼ bhage utạrakʼ hĩs do Probhu Isorakʼ oṛakʼtepe ạguiya. “Merom hoponakʼ jel do uniren eṅgatakʼ toa sãote alope isina.”

Dosar Biboron 14:21

“Gocʼ akan nonkan jãhãn jiwiyanko hõ alope jomkoa, ente ape do aperen Probhu Isor ńutumte mitʼṭecʼ begar akan jạtrenko kanape. Apeakʼ ato se nagrahareko girobasokʼkan eṭakʼ jạtren hoṛko ona dope em daṛeakoa ar ona do onkoko jom daṛeakʼa, se eṭakʼ porjạtrenko ṭhen dope ạkhriń daṛeakoa.

Dosar Biboron 26:10

Ona iạte E Probhu Isor, am emakʼ ot baṛge reakʼ pạhil rakapʼakʼ phosol khonakʼ am ṭheniń ạguakada.’ Ar noa menkate aperen Probhu Isor samaṅre khạclạkʼpe dohoya ar unipe sewawaea.

Nehemiạ 10:35

Ale do jao bochor pạhilre rakabokʼ phosol ar mitʼke mitʼ dare reakʼ jo do Probhu Isorakʼ oṛakʼtele ạguiya.

Exodus 22:29

“Apeakʼ phosol ar darkha rasa khon okaṭakʼ emokʼ reakʼ ona emokʼ do alope biloma. Aperen pạhil koṛa hopon do iń imạń hoyokʼtapea.

Dosar Biboron 26:2

unre aperen Probhu Isore em akawatʼpe ona disạmre okako phosolpe hoyocoe ona reakʼ pạhil rakapʼakʼ khon thoṛa phosol hataokate khạclạkʼrepe dohoya. Ar Probhu Isor sodorokʼ lạgitʼ okaṭakʼ ṭhạ̃iye bachaojoṅ onḍepe idiya.

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

1 Korinthiko 15:20

Menkhan Mạsi do sạriyakʼge gocʼko khone jiwetʼ beretʼ ocoakana; ar gocʼko modren unikangeae pạhilicʼ jo do.

Jirimiạ 10:3

Niạ reakʼ karon onkoakʼ dhorom cạl-colon do ạuṛiyakʼgetakoa. Onko do bir khon dareko makʼ ạguiyeda ar kạrigol do apnarakʼ tite baṭalite onare muṭhạnko benaoakʼkana.

Kạhtukko 12:10

Dhorom hoṛ do acʼren janwarkoe jotonkoa, menkhan bedhoromkoakʼ daya do bạnukʼa.

Kạhtukko 3:9

Am do amakʼ dhon duribko reakʼ ar amakʼ phosolko reakʼ pạhilakʼ hĩsko Probhu Isor samaṅaeme ar manot emaeme;

Exodus 22:28

“Isor do alope nindạuea se aperen disạm cakʼlaoyicʼ hõ alope sarapaea.

Numeri 15:21

Pạhilre rakapʼakʼ anaj reakʼ noa samaṅokʼakʼ do piṛhike piṛhi iń ńutumte samaṅ hoyokʼtapea.

Nehemiạ 10:36

Ạn-ạrire cetʼ leka ol menakʼ onkage ale do aleren pạhil hoponko ar ḍaṅgrako, meromko ar bhiḍikoren pạhil hoponko Isorakʼ oṛakʼreko dewa sewakan naeke ṭhenle idikoa.

Jeheskel 44:30

Joto lekan phosol reakʼ pạhilre rakapʼakʼ khon bhageakʼ hĩs ar apeakʼ sanam sandesko do naekekoakʼ hoyokʼa. Apeakʼ nãwã holoṅ reakʼ pạhilakʼ hĩs ape do onkope emakoa jemon apeakʼ gharońj cetanre bhor tahen.

Jeheskel 48:13

“Naekekoakʼ simạna aṛere Liwiko do bargel mõṛẽ hajar ḍaṅ jeleń ar gel hajar ḍaṅ osar mitʼṭecʼ ṭhạ̃iko ńama.

Jeheskel 48:14

Liwiko ona jumi do bako ạkhriń daṛeakʼa se akoakʼ hĩs hõ bako bodol daṛeakʼa. Ona do joto khon bhageakʼ jumi kana ar eṭakʼkoakʼ tire ona emako do baṅ ganokʼa, ente Probhu Isor ńutumte ona do sonot akana.