Exodus 23:16 - সান্তালী বাইবেল

¹⁶ Khetre okape ir ona reakʼ pạhil phosoltepe porobokʼa. Ar cas abadkate mucạtʼre okaṭakʼ phosol do khet khon golatepe ader onate samṭao porobpe porobokʼa.

Exodus 23:16 Referans Kwoze

Exodus 34:22

Guhum samṭao jokhecʼ pạhil getʼakʼ guhumte eae hapta reakʼpe porobokʼa ar cas abad reakʼ mucạtʼ cando do phosol samṭao porobpe porobokʼa.

Aposkạmi 2:1

Niạ thoṛa din tayom Pentekosṭ porob reakʼ dinre celako do mitʼ ṭhenko jarwa mitʼakan tahẽkana.

Johan 7:37

Ado porob reakʼ mucạtʼ din do mitʼṭecʼ asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.

Johan 7:2

Unre Jihudikoakʼ chạuni-porob do sor hecʼakan tahẽkana.

Exodus 22:29

“Apeakʼ phosol ar darkha rasa khon okaṭakʼ emokʼ reakʼ ona emokʼ do alope biloma. Aperen pạhil koṛa hopon do iń imạń hoyokʼtapea.

Numeri 29:1

“Eae cando reakʼ pạhil tạrikre ape do mitʼṭecʼ sonot ńapamokʼ sabhape hoeocoya. Ar enhilokʼ do jãhãn khaṭaoteakʼ kạmi do alope kạmiya. Enhilokʼ do sakwa okʼroṅ din porob hoyokʼa.

Dosar Biboron 26:2

unre aperen Probhu Isore em akawatʼpe ona disạmre okako phosolpe hoyocoe ona reakʼ pạhil rakapʼakʼ khon thoṛa phosol hataokate khạclạkʼrepe dohoya. Ar Probhu Isor sodorokʼ lạgitʼ okaṭakʼ ṭhạ̃iye bachaojoṅ onḍepe idiya.

Esra 3:4

Ona tayom onko do sostor reakʼ katha leka Chạuni porobko porobena ar niạm lekate dinạm hilokʼ reakʼ niṭakatʼ lekha leka jeredokʼ samaṅokʼakʼko samaṅetʼ tahẽkana.

Exodus 22:28

“Isor do alope nindạuea se aperen disạm cakʼlaoyicʼ hõ alope sarapaea.

Kạhtukko 3:9

Am do amakʼ dhon duribko reakʼ ar amakʼ phosolko reakʼ pạhilakʼ hĩsko Probhu Isor samaṅaeme ar manot emaeme;