Exodus 23:14 - সান্তালী বাইবেল

¹⁴ “Jao bochor iń ńutumte pea porobpe porobokʼa.

Exodus 23:14 Referans Kwoze

Dosar Biboron 16:16

“Aperen Probhu Isore bachao akawan ṭhạ̃ire bochorre pe dhao, metakʼme bin khạmiyanakʼ piṭhạ porobpe porobokʼ jokhecʼ, eae hapta reakʼ porobre ar chamḍa porobre aperen sanam herel hoṛko do Probhu Isor samaṅre hạjirokʼ hoyokʼtakoa. Unre Probhu Isor samaṅre eken ti okoe hõ alo jemonko hijukʼma.

Levitikus 23:16

Ar niạ eae hapta reakʼ jirạukʼ mãhã reakʼ dosar hilokʼ, metakʼme dolao samaṅokʼakʼ tayom mõṛẽgelakʼ din do Probhu Isor ńutumte nãwã guhum reakʼ samaṅokʼakʼ porobpe porobokʼa.

Levitikus 23:5

Bochor reakʼ pạhil cando reakʼ gelponakʼ tạrik reakʼ ạyupʼ jokhecʼ Probhu Isor ńutumte bańcao porob do ehobokʼa.

Exodus 23:17

Bochorre pe dhaokate aperen sanam herel hopon do Probhu Isor samaṅreko hạjirokʼma.

Levitikus 23:4

Probhu Isor okako porobe niṭ dohoakatʼ, metakʼme okako sonot jarwakʼkan ona reakʼ niṭakʼ dinpe lại sodora:

1 Samuel 1:3

Elkana do jao bochor acʼakʼ nagraha khon Siloteye calakʼkan tahẽkana. Uni do onḍe senkate sanam daṛeanicʼ Probhu Isor sewawae ar uni ńutumte janwarkoe samaṅetʼko tahẽkana. Unre onḍe do naeke Eliaserren banar hopon Probhu Isorren naeke kin tahẽkana. Unkinakʼ ńutum do Hopni ar Pinehas tahẽkana.

1 Rapajko 9:25

Probhu Isor ńutumte Solomon do okaṭakʼ pinḍe benaoletʼ onḍe uni do bochorre pe dhao jeredokʼ samaṅokʼakʼ ar sulukren samaṅokʼakʼ porobe hoyocoyetʼ tahẽkana. Ona sãote uni do Probhu Isor samaṅre dhupko hõe jeretʼetʼ tahẽkana. Onate Solomon do, Salom mundil reakʼ joto kạmigeye sạt akatʼ tahẽkana.

2 Bõsbudạ 8:13

Moseyakʼ hukum leka jirạukʼ mãhãre, ambasre ar bochorre pea porob, metakʼme bin khạmiyanakʼ piṭhạ porobre, eae hapta reakʼ porobre, ar ḍera porobre- onako din reakʼ niạm lekate samaṅokʼakʼ porobko porobokʼ kan tahẽkana.

Exodus 34:17

“Ape do dul boṅgako alope benao joṅa.

Exodus 34:18

“Menkhan bin khạmiyanakʼ piṭhạ porob porobokʼpe. Iń cetʼ lekań hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ niṭ akan oktere ape do noape porobokʼa, ente ona candoge Misor disạm khonpe oḍokʼ hecʼlena.

Dosar Biboron 16:1

“Abib candore ape do aperen Probhu Isor ńutumte bańcaokʼ porobpe porobokʼa. Niạ Abib candorege uni do ńindạ jokhecʼ Misor disạm khon apeye oḍok ạguletʼpea.

Jeheskel 46:9

“ ‘Niṭ akatʼ sanam porob jokhecʼ disạmren hoṛko do tinre sekʼwae lạgitʼ Probhu Isor samaṅreko hijukʼa unre jãhãege utạr phaṭok duạrteye bolokʼ uni do dạkhin phaṭok duạrteye oḍokokʼa ar okoe dạkhin phaṭok duạrteye bolokʼ uni do utạr phaṭok duạrte oḍokokʼ hoyokʼtaea. Hoṛko oka phaṭok duạrteko bolokʼ ona phaṭok duạrte do bako oḍokokʼa, menkhan mitʼke mitʼ hoṛ do bolokʼ phaṭok duạr reakʼ ulṭạ secʼakʼ phaṭok duạrte oḍok calakʼ hoyokʼtakoa.