Exodus 22:7 - সান্তালী বাইবেল

⁷ Jãhãege ṭaka poesa se jinisko dohoy lạgitʼ jãhãeye emae ar uniyakʼ oṛakʼ khon ona kombṛokʼ enḍekhan kombṛoe sapʼlenre uni kombṛo do ona reakʼ pongel doboṛ ruạṛkakʼ hoyokʼtaea.

Exodus 22:7 Referans Kwoze

Exodus 22:4

Kombṛo akade ḍaṅgra, gadha se bhiḍi jodi kombṛoyicʼ ṭhen jiwetʼgeye ńamokʼ enḍekhan kombṛoyicʼ do onko mitʼṭen bodolte bareakate ruạṛkae hoyokʼtaea.

1 Korinthiko 6:10

baṅ do kombṛoko, baṅ do dhon lalociạko, baṅ do bulokʼko, baṅ do cokakʼ baklakʼ roroṛko, baṅ do luluṭko, onko do okoege Isorakʼ raj do bako ạidạri joṅa.

Johan 12:6

Jihudạ do reṅgecʼko lạgitʼ dạndikate noa kathae menleda ona do baṅ. Uni do kombṛoe tahẽkana. Ar uni jimạre ṭaka reakʼ baksa tahẽkante dohoakʼko khone kombṛoyetʼkan tahẽkana.

Jirimiạ 2:26

“Kombṛoe sapʼ ocolenre cetʼ lekae lajao ocokʼ onkage Israel bõsrenko hõko lajao ocokʼa. Onko do apnarte, akoren rapajko ar kạmiyạko, onkoren naekeko ar nạbiko jotogeko lajao ocokʼa

Exodus 22:6

“Jãhãn jaega khon seṅgel hecʼkate jạnum jhạuạre lagaokʼ ar tayomte pasnaokʼte puńji dohoakatʼ se ṭạnḍire jarwa akatʼ anaj se goṭa khetge lokʼ, enḍekhan seṅgel okoeye lagaoletʼ unige ona reakʼ khuti purun emokʼ hoyokʼtaea.

Levitikus 6:1

Inạ tayom Probhu Isor do Moseye metadea, “Jãhãe hoṛ ṭhen khon jimạwakʼ se jạmine dohoakatʼ se jor julumkate hataoakʼ jãhãn jiniskote cholteye ṭhokakateye hataoakatʼ se jãhãeakʼ atʼ akan jinis ńamkate eṛeye roṛ se eṛe eṛeye kiriyạkʼ, nonkan jãhãe kại hoṛ Probhu Isorre bepạtiạr iạteye dusilen khan, enḍekhan uni okaṭakʼe kombṛo akatʼ se ṭhokakateye hatao akatʼ se uni ṭhen jimạ tahẽkan se atʼ akan jinise ńamakatʼ se oka jinis cetanre eṛe eṛeye kiriạkʼkan ona do uni hoṛ ruạṛkatae hoyokʼtaea. Ar khuti purun hõ purạge emkatae hoyokʼa ar ona sãote ona jinis reakʼ mõṛẽ hĩs reakʼ mitʼ hĩs reakʼ dam hõ ḍher emae hoyokʼtaea. Ar dos ńutumte samaṅokʼ hilokʼ hõ jinisren mạlik ona emkatae hoyokʼtaea.

Levitikus 19:13

“Am aḍepaseren hoṛ alom julumea ar jãhãnakʼ alom rejeya. Khaṭaoicʼ reakʼ mujuri do enhilokʼge emkataeme; ona do setakʼ hạbicʼ alom doho aṅgaea.