Exodus 22:30 - সান্তালী বাইবেল

³⁰ Aperen ḍaṅgra ar bheḍako hõ onkage lagaoapea. Ar eae din hạbicʼ onkoren hoponko do eṅgat ṭhenko tahena, ar ona tayom irạl mãhã hilokʼ do iń ṭhen emokʼ hoyokʼtapea.

Exodus 22:30 Referans Kwoze

Levitikus 22:27

“Janam tayom ḍaṅgra, bheḍa se meron boda hopon acʼren eṅgattetʼ sãote eae din hạbicʼpe tahẽ ocoaea. Ar irạlakʼ din khon do Probhu Isor ńutumte seṅgelre samaṅokʼakʼ lekateye ataṅokʼa.

Dosar Biboron 15:19

“Aperen ḍaṅgra, bhiḍi ar meromkoren mimitʼ pạhil janam akan ạnḍiạ hoponko do aperen Probhu Isor ńutumtepe begar dohokoa. Ar ḍaṅgraren pạhil hoponko hõ kạmire alope lagaokoa ar bhiḍi ar meromren pạhil hoponkoakʼ upʼ hõ alope kạpciy takoa.

Levitikus 12:3

Ar gidrạ do irạl din hilokʼreye khatna ocoyea.

Exodus 13:12

unre ape hõ aperen mitʼke mitʼ pạhil hoponko do Probhu Isor ńutumtepe emokʼa. Janwarkoren mimitʼ pạhil hopon hõ Probhu Isorrenko hoyokʼa.

Genesis 17:12

Piṛhike piṛhi aperen sanam herel hoponko do janam tayom irạl din hilokʼrepe khatna ocokʼa. Am bõsren jãhãegeye baṅkanre hõ amakʼ oṛakʼren gutikan khane uni hõm khatna ocoyea, ar amakʼ oṛakʼreye janam akan nonkan jãhãe guti se bidisiạko ṭhen khone kiriń akan uni guti hõ khatna ocoye hoyokʼa.

Levitikus 7:24

Gocʼ janwar se bir janware or cirạ akade janwarakʼ itil do eṭakʼ kạmirepe beohar daṛeakʼa menkhan jom do bape jom daṛeakʼa.

Levitikus 7:26

Jãhãregepe girobasokʼ, ape do jãhãn cẽṛẽ se janwarakʼ mãyãm alope joma.

Levitikus 11:44

Iń do aperen Probhu Isor kạnạń. Onate ape do iń ńutumte begar akae tahenpe ar sonotko hoyokʼpe, ente iń doń sonotgea. Ot cetanre ạcur baṛae kạṭicʼ jãhãn janwarte hõ alope besapha ocokʼa,

Levitikus 11:45

ente iń kangeạń Probhu Isor do; ar aperen Isor hoyokʼ lạgitʼ iạte iń do Misor disạm khoniń oḍok ạgu akatʼpea. Ar ińiń sonotgete apehõ sonotko hoyokʼpe.

Levitikus 17:15

“Jãhãege gocʼ janwar se bir janwar tite cirạ ocoakan janwarakʼ jele jom, baṅ do Israelkoge cetʼ baṅ do onko talareko girobasokʼkan eṭakʼ jạtren hoṛkoge cetʼ, uni do acʼakʼ kicricʼkoe saphaetaea are ḍạbrạ saphakʼa. Ar ạyupʼ hạbicʼ besapha akane tahena, ar ona tayom do chut meṭaokʼtaea.

Levitikus 22:8

Uni do jãhãn gocʼicʼ janwar se bir janware cirạ akade janwarakʼ jel jomkate apnartetʼ bae besapha daṛeakʼa. Iń kangeạń Probhu Isor do.

Dosar Biboron 14:21

“Gocʼ akan nonkan jãhãn jiwiyanko hõ alope jomkoa, ente ape do aperen Probhu Isor ńutumte mitʼṭecʼ begar akan jạtrenko kanape. Apeakʼ ato se nagrahareko girobasokʼkan eṭakʼ jạtren hoṛko ona dope em daṛeakoa ar ona do onkoko jom daṛeakʼa, se eṭakʼ porjạtrenko ṭhen dope ạkhriń daṛeakoa.

Jeheskel 4:14

Unre ińiń menkeda, “E Probhu Isor, nonka do alo baṛe hoyokʼma. Iń do tishõ bạń besapha akana. Gidrạ khon ńit hạbicʼ acʼte gocʼ akan janwar se janwar hotete ciro gocʼicʼakʼ jãhãnakʼge bạń jomakada. Jãhãn besapha jel do ińakʼ mocate baṅ bolo akana.”