Exodus 22:23 - সান্তালী বাইবেল

²³ Arpe onkae khan ar iń ṭhen uniye rakʼle khan khạṭige iń do uniyakʼ rakʼjoṅ iń luturakʼa.

Exodus 22:23 Referans Kwoze

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

Sereńko 18:6

Iń do muhinre ińren Probhu Isoriń hohowadea ar goṛo ńam lạgitʼ uni ṭheniń rakʼkeda. Acʼakʼ tahen ṭhạ̃i khon uni do ińakʼ aṛaṅe ańjomketʼtińạ; ińakʼ rakʼjoṅ do uniyakʼ luturre seṭerena.

Jobakʼ 34:28

Onkoakʼ santao iạte reṅgecʼ hoṛkoakʼ rakʼ do uni samaṅre seṭerokʼkana; uni do laṅgaṭkoakʼ rakʼ joṅakʼe ańjometʼtakoa.

Dosar Biboron 15:9

Sontorokʼpe, apeakʼ monre dusṭạmi hudis do alope rakapʼ ocoya je, eaeakʼ bochor, metakʼme rin khalas reakʼ bochor hecʼakana mente. Ar noa hudiskate reṅgecʼre paṛao akan boeha secʼ alope kurkunḍujokʼa ar eken ti alope bidạgotʼkaea. Arpe onkae khan uni do Probhu Isor ṭhen ape upạrteye raga ar bicạre khoja onate apepe behoketʼ iạte dusirepe paṛaokʼa.

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Jobakʼ 35:9

“Jor julumko iạte hoṛko doko rakʼetʼkana; ar daṛeankoakʼ ti khon rukhiyạ ńam lạgitʼko nehõrokʼ kana.

Sereńko 145:19

Okoe uniko botoraekan onkoakʼ monejoṅakʼ doe purạuetʼtakoa; ar goṛowako lạgitʼ onkoakʼ rakʼ ańjomte onkoe rukhiyạyetʼkoa.

Sereńko 140:12

Ińiń baḍaea Probhu Isor do dukokʼko secʼ menaea ar nacarkoakʼ do hok reakʼe bicạra.

Dosar Biboron 24:15

Siń cando hạsurokʼ laharege uniyakʼ kuṛại do emkatae hoyokʼa, ente uni doe reṅgecʼ hoṛ kana ar ona kuṛại cetanregeye ṭehãḍ akana. Ar bape onkale khan kại hoyokʼtapea, ar uni do ape upạrte Probhu ṭhene raga ar kạirepe paṛaokʼa.

Exodus 22:27

ente uniyakʼ oyokʼ kicricʼ do ona motogetaea. Ar baṅ khan cetʼte uni doe oyokʼa? Ar ona lạgitʼ iń ṭhene rakʼle khan uniyakʼ rakʼ iń ańjomtaea, ente ińakʼ ontor do dayate perecʼgetińa.

Dosar Biboron 10:18

Uni do ṭũạr amar ar rạnḍikoakʼ hoke chinḍạuetʼtakoa ar ape talareko girobasokʼkan por jạtrenko hõe jom ocoyetʼkote acʼakʼ dulạṛe sodoreda. Are horokʼ bande ocoyetʼkoa.

Sereńko 10:14

Menkhan E Isor, amakʼ mẽtʼ do haron ar kosṭo bae beṅgetʼ paroma; am do amakʼ tirege ona dohoy me. Nandanicʼ do amakʼ tiregeye alaeyokʼkana; ar ṭũạr amaricʼ do amgem goṛowae kana.

Sereńko 68:5

Isor do acʼakʼ sonot ṭhạ̃ire ṭũạrkoren baba kanae ar rạnḍiko secʼrenge.

Rak̕joṅ 5:3

Ale do ṭũạr amarkole hoyakana, aleren baba do bạnuitalea, aleren gogo doko rạnḍi akana.