Exodus 22:13 - সান্তালী বাইবেল

¹³ Ar bir janwar uniye cirạ akade khan ona sạbud lạgitʼ uniyakʼ kaṭra kuṭrạ hạṭińkoge ạgukate udug hoyokʼtaea. Ar onate uni do khuti purun baṅ emokʼ hoyokʼtaea.

Exodus 22:13 Referans Kwoze

Nạhum 2:12

Dhạcri kul do acʼren hoponko lạgitʼ janware gocʼetʼko tahẽkana ar acʼren kul eṅga lạgitʼ hõe limbạtʼ gocʼetʼko tahẽkana; uni doe gocʼ akawan janwarte acʼakʼ oṛakʼ are or cirạ akatʼko janwarte acʼakʼ dandere perecʼetʼ tahẽkana.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Amos 3:12

Probhu Isore meneda, “Gukʼpiyicʼ cetʼleka dhạcri kulakʼ moca khon jaṅga reakʼ eken barea jaṅ se lutur reakʼ mitʼ kuṭrại rukhiyạ daṛeakʼ onkage Israelren okoeko hoṛ Samariạreko girobasokʼ kan onko do eken onkoakʼ ṭenḍar mạci reakʼ mitʼ konac ar parkom reakʼ kuṭrạgeko rukhiyạ daṛeakʼa.”

Jeheskel 4:14

Unre ińiń menkeda, “E Probhu Isor, nonka do alo baṛe hoyokʼma. Iń do tishõ bạń besapha akana. Gidrạ khon ńit hạbicʼ acʼte gocʼ akan janwar se janwar hotete ciro gocʼicʼakʼ jãhãnakʼge bạń jomakada. Jãhãn besapha jel do ińakʼ mocate baṅ bolo akana.”

Exodus 22:12

Menkhan uni hoṛ ṭhen khone kombṛo len khan enḍekhan uni do khuti purun emokʼ hoyokʼtaea.

Exodus 22:14

“Jãhãe ṭhen khon koe ạguyicʼ janwar do mạlik baṅ tahenreye ghạllen khan seye gocʼlen khan enḍekhan okoeye ạgulede uni do ona reakʼ khuti purun emokʼ hoyokʼtaea.